Борисов, Юрий Александрович

РУВИКИ — эрыкан энциклопедий гыч материал
Юра Борисов
Юра Борисов РБК.jpg
Шочмо кече 8 теле 1992(1992-12-08) (33 ий)
Шочмо вер
Гражданлык  Россий
Тунеммаш
Профессий актёр
Карьере 2010 — к. ж.
Награде «Шӧртньӧ лышташ» (2013)
«Идалыкысе событий» (2019)
«Идалыкын актёржо» GQ (2020)
«Шӧртньӧ пӱркыт» (2021)
Российысе кином шымлыше да кинокритик-влакын гильдийыштын премийышт (2022)
IMDb ID 5426973
Кинопоиск ID 2286839
Логотип РУВИКИ.Медиа РУВИКИ.Медиаште медиафайл-влак

Ю́рий Алекса́ндрович Бори́сов (шоч. 8 теле 1992, Реутов, Моско область), утларакше Ю́ра Бори́сов семын палыме — Российысе киноактёр[1]. Тыгак икмыняр рольым театр шындымашлаште модын[2]. Борисов Россий актёр-влак кокла гыч эн ончыч «Шӧртньӧ глобус» да «Оскар» пагалыман американ кинопремий-влаклан лӱмдалтын[3].

«Шӧртньӧ лышташ» (2013)[4] да «Шӧртньӧ пӱркыт» (2021) премий-влакын лауреатше (2021)[5]. GQ журналын версийже почеш «Идалыкысе актёр» (2020)[6].

2025 ий январьыште «Анора» фильмыште кокымшо планысе рольлан «Оскарлан» номинироватлалтын[7], но суаптарым налын огыл[8].

2025 ий 24 мартыште «Эн сай пӧръеҥ роль» номинацийыште «Ника» калыкле кинематографий премийым сулен («Кончится лето» фильм)[9].

Илыш корно

1992 ий 8 декабрьыште Моско воктенысе Реутовеш шочын[1]. Борисов — актёрын аважын фамилийже. Ачажын фамилийже сайын йоҥгалтын огыл — Сивуха — варарак тудым алмаштен[10]. Юран ачаже физкультур ден пашам туныктышылан ыштен, а вара электриклан да сантехниклан пашам ышташ тӱҥалын. Аваже риелторлан пашам ыштен[10]. 90-ше ийлаште Юра Борисовын ача-аваже Черкиз пазарыште пеледышым ужалкаленыт[10]. Школышто самодеятельностьыш коштын, но тиде чон шупшмашлан чот мелын лийын огыл[10].

16 ияш М. С. Щепкин лӱмеш Кӱшыл театр училищыш пурен (В. М. Бейлис ден В. Н. Ивановын курсышт) (2013 ийыште пытарен) да тудо ийыштак Щепкин лӱмеш училищыште шындыме «Зойкан пачерже» спектакльыште Аметистовын рольжылан «Эн сай пӧръеҥ роль» категорийыште «Шӧртньӧ лышташ» премийын лауреатше лийын[11].

Киношто 2010 ийыште сниматлалташ тӱҥалын. «Кажныжын шке сарже» (2010), «Лӱдыкшӧ зонышто» (2012), «Лыве-влак» сериаллаште тӱҥ рольым модын[1].

2013—2014 ийлаште Москосо «Сатирикон» театрыште пашам ыштен[4][12].

2015 ийыште «Рвезе гвардий» телесериалыште Сергей Тюлениным модын, тыгак «Берлиныш корно» фильмыште тӱҥ рольым модын[13]. Лач тиде паша Борисовлан чапым конден.

2017 ийыште Юрий Борисов «Ачалык сер» сериалыште сниматлалтын[1][14], 2018 ийыште — «Шым мужыр яндар огыл»[15] да «Т-34» фильмлаште. «Ӱшкыж» фильмыште тӱҥ рольлан (2019 ий)[16] «Киношто эн сай пӧръеҥ роль» категорийыште «Шӧртньӧ пӱркыт» премийлан номинироватлалтын[17]. Тыгак Юра Борисовын тиде рольжым «Кинорепортёр» журналын «Идалыкысе событий» премий дене палемденыт («Идалыкысе почмаш» категорий)[18]. 2019 ий Юрийлан лектышан лийын, тудо «Утаралтме ушем» ден «Керылт пурымаш» фильмлаште кокымшо йыжыҥан роль-влакым модын[1][19].

2021 ийыште Юрий Борисов «Калашников» фильмыште тӱҥ рольлан «Шӧртньӧ пӱркыт»[20] премийым налын (ончыктымашке фильм 2020 ий февральыште лектын)[1]. Сӱретым шочмо элысе кинокритик-влак чот куанен вашлийыныт[21][22][23][24].

2021 ий сентябрьыште Борисов мистификацийышке ушнен. Писатель Виктор Пелевин семын гримым ыштен, Москошто тудо автограф-сессийым эртарен. Вес писательын, Сергей Минаевын, ыштыме фотожо СМИ мучко шаланен да увер-аҥар радамыш верештын. «Умылаш лийдыме Пелевин Российыш пӧртылын» манын возеныт. Тылеч вара Минаев Борисовын Полевинын образыштыже улшо фотом Esquire журналын октябрьысе номержын комешыже вераҥден[25].

2023 ийыште Михаил Булгаковын «Мастар ден Маргарита» романжым экранлымаште Бегемот Узо Пырысым йӱкаҥден[1], тыгак «Кентавр» триллерыште тӱҥ рольым модын[26].

Юра Борисов «Анора» фильмыште

2024 ийыште «Анора» фильмыште кокымшо планан рольым модын. Сӱрет Каннысе 77-ше кинофестивальыште «Шӧртньӧ пальме укшым» налын. Тиде фильмысе рольлан Юрий Борисов «Шӧртньӧ глобус» премийлан[27] (налын огыл) да «Оскарлан» номинироватлалтын[7] (налын огыл[28]). «Анора» Фильм Rolling Stone журналын версийже почеш 2024 ийыште эн сай коло фильм коклаште нылымше верым налын[29].

2025 ий январьыште «Анора» фильмысе рольлан BAFTA премийлан[30] (налын огыл[31]), США-се Киноактёр-влак гильдийын премийжылан[32] (налын огыл[33]), кинокритик-влакын Ванкуверысе кружокыштын премийжылан номинироватлыме[34].

Юра Борисов ешыж дене «Оскарлан» номинироватлыме деч вара интервью годым

2025 ий 23 январьыште «Анора» фильмысе рольлан «Оскарлан» номинироватлыме[35]. «Оскар» ден «Шӧртньӧ глобуслан» номинацийым налше Российысе икымше актёр лийын. Тылеч посна, Борисов — Российыште СССР шаланыме деч вара Американ киноакадемийын премийжылан номинироватлыме икымше артист. Юрий Борисов дене пырля кокымшо планан эн сай пӧръеҥ рольлан «Оскарлан» номинацийым Гай Пирс, Эдвард Нортон, Киран Калкин да Джеремей Стронг налыныт[7].

2025 ий 25 январьыште Эмир Кустурица «Кустендорф» фестивальыште Юра Борисов тудын «Кузе мый „Преступлений ден наказанийым“ сниматлен омыл» у фильмыштыже рольым модаш тӱҥалеш[36].

2025 ий февральыште Санкт-Петербургышто «Битва моторов» художественный кинофильмым войзаш тӱҥалыныт, тудын сюжетшылан негызым 1911—1912 ийласе чын событий-влак пыштеныт, тунам руш гонщик да «Автомобиль» журналым савыктыше Андрей Нагель штурман Дмитрий Бондарев дене пырля шке корнышт дене Монакош Руссо-Балт 24/55 боли дене ралли спорт таҥасымашке ушнаш каеныт. Ик тӱҥ рольым — «штурманым» рольжым, Юра Борисов модеш[37].

2025 ий 10 апрельыште Variety журнал увертарен: Борисов United Talent Agency голливудысо эн кугу агентстве дене контрактым пеҥгыдемден[38]. Тудо Джонни Деппын, Харрисон Фордын, Тимоти Шаламын да Арнольд Шварценеггерын вияҥмышт дене палыме[39].

2025 ий 10 июньышто пале лийын: Борисов Dennis-ын сӱретыштыже — актрисе Эмилия Мортимерын режиссёр дебютыштыжо — тӱҥ рольым модеш[40]. Тиде A24 да Fruit Tree студий-влакын проектышт, войзымо площадкыште Борисовын партнёржо ирландийысе актрисе Элисон Оливер лиеш. Сӱрет руш поэт ден британ студенткын 1990-ше ийлаште Москон атмосферыштыже романтике сынан кылышт нерген каласкала[41].

2025 ий 27 июньышто Америкысе кинематографий сымыктыш да шанче академий россий актёр Юрий Борисовым шке составышкыже пураш ӱжын. Спискыш 534 кино пашаеҥ кокла гыч тыгак «Анора» фильм дене пырля пашам ыштыше-влак Майки Мэдисон ден Карен Карагулян пуреныт. Борисов ты сӱретыште кокымшо планан рольжылан «Оскарлан» да «Шӧртньӧ глобуслан» номинироватлалтын. Ӱжмашым лукмо годым академийын йыжыҥъеҥже-влакын чумыр чотышт 11120 еҥыш шуэш[42].

2025 ий 9 июльышто Variety еженедельник увертарен: Борисовым «Искусственный» (Artificial) фильмыште модаш официально пеҥгыдемдыме, OpenAI-лан негызым пыштыше Сэм Альтманым паша гыч кораҥдыме да уэш пӧртылтымӧ[43]. Проектым Amazon MGM вуйлата, фильм «пӱртӱслӧ огыл уш-акыл тӱняште лийше событий-влакым очыктышо комедий драме» улеш[44].

Шке илыш

  • Ватыже — Анна Шевчук, актрисе. Рейтинган тыгай сериаллаште сниматлалтын: «Доктор Рихтер», «The Туна-влак», «Илен лекше-влак» да молыштат[45][46].
    • Ӱдыржӧ — Марфа.
    • Ӱдыржӧ — Акулина[47].

Фильмографий

Ий Лӱм Роль
2010 ф Вашпижмаш: Колымаш дене тергымаш Алексей Козлов самырыкше годым
2010 с Шолып канцелярийын экспедиторжын возгалымыже Пётр Кокымшын пажше
2011 с Воштылтыш да сулык Алексей
2011 с Кажныжын шке сарже Роберт Крохин
2012 с Лӱдыкшӧ зонышто Денис Тавардин
2012 с Фрейдын йӧнжӧ Сергей, грабитель
2013 с Детектив-ава Слава Кузин, стажёр
2013 с Лыве-влак Павел Державин
2013 с Вӱд йымак волымаш Дмитрий
2014 с Чеверын, шӱмбелем! Кибиров, оперативник
2014 с Тошто пычал сапёр
2014 с Кайыше натуро Игорь Звонарёв
2015 с Лӱйымӧ йӱк Паша Крутов
2015 ф Берлиныш корно Сергей Огарков
2015 с Рвезе гвардий Сергей Тюленин
2015—2017 с Кӱ джунглин тӧртыкшӧ Влад Зимовцев, «Зима»
2017 ф Шӧрӧка Ромыч
2017 с Ачалык сер Степан Морозов
2018—2023 с Ольга Лев Заевский
2018 ф Порт Ромыч
2018 ф Шым мужыр яндар огыл Сбоев
2018 ф Хрусталь Алик
2019 ф Т-34 Серафим Ионов
2019 ф Ӱшкыж Антон Быков
2019 ф Аванпост лейтенант Максим Касаткин
2019 ф Утаралтме ушем Антон Арбузов
2019 ф Керылт пурымаш Иван Коробанов
2020 ф Калашников Михаил Калашников
2020 ф Фея бандын главарьже
2020—2024 с Тыныс! Келшымаш! Жвачке! Александр Волков (Алик-афганец)
2020 ф Ший коньки Алекс
2021 ф Мыйын ӱдыремым иктаж-кӧ ужын? Сергей
2021 ф Йошкар ӱмылка кылмен тӱҥшӧ
2021 ф Петровмыт гриппыште Саша
2021 ф Герда Олег
2021 ф Кудымшо номеран купе Лёша
2021 ф Капитан Волконогов куржын капитан Волконогов
2021 ф Авай, мый мӧҥгыштӧ улам палыдыме еҥ
2021 ф Имитатор Сергей
2021 ф Пашам пырля ыштыше-влак Пётр
2022 с Эпидемий (кокымшо тургым) Женя
2022 с Ойыртемалтшыже нимат уке Лёха
2022 ф Лиза ден юзо макет Иван
2023 ф Кентавр Саша, таксист
2023 ф Шочмо ий Сопля
2023 ф Отпуск октябрьыште съёмкысо актёр
2024 ф Шӱдӧ ий ончык Глот
2024 ф Мастер ден Маргарита Узо Пырыс Бегемот (йӱкаҥдымаш)
2024 ф Анора Игорь
2024 с Урок Антон
2024 с Руш революцийын хроникыже Персонажын лӱмжӧ ончыкталтын огыл
2024 с Анна К Константин Лёвин
2025 ф Пиямбар. Александр Пушкинын историйже Пушкин[48]

Шекпир (реж. Константин Райкин)

Озвучивание

Театрыште роль-влак

Изи театр
  • Юнкер — «Чёрный снег», М. А. Булгаковын «Белая гвардия» романже да «Дни Турбиных» пьесе почеш (реж. Евгения Дмитриева)[4]
«На Страстном» театр рӱдер
  • Митя Лавров — «С любимыми не расставайтесь», А. М. Володин (реж. Вероника Родионова)[4]
Сатирикон
  • Людовико — «Отелло», У. Шекспир (реж. Юрий Бутусов)[49]
  • Балтазар — «Ромео и Джульетта», У. Шекспир (реж. Константин Райкин)[50]

Семлык клип-влак

  • 2020 — «Код» (Feduk)[51]

Суаптар ден номинаций-влак

Ий Награде Категорий Паша Лектыш
2013 Шӧртньӧ лышташ Эн сай пӧръеҥ роль «Зойкан пачерже» Сеҥымаш
2020 Шӧртньӧ пӱркыт Киношто эн сай пӧръеҥ роль «Ӱшкыж» Номинаций
2020 Москосо тӱнямбал кинофестиваль Chopard Talent Awards «Ӱшкыж» Сеҥымаш
2020 Талукысо событий Идалыкысе почмаш Сеҥымаш
2020 GQ журналын премийже Идалыкын актёржо Сеҥымаш
2021 Шӧртньӧ пӱркыт Киношто эн сай пӧръеҥ роль «Калашников» Сеҥымаш
2021 Ника Кокымшо планысе эн сай пӧръеҥ роль «Ший коньки» Номинаций
2021 Европысо киноакадемийын премийже Эн сай актёр «Кудымшо номеран купе» Номинаций
2021 Сан-Паулусо Тӱнямбал кинофестиваль Эн сай актёр «Кудымшо номеран купе» Сеҥымаш
2021 Вальядолидыште Тӱнямбал кинофестиваль Эн сай актёр «Кудымшо номеран купе» Сеҥымаш
2021 Шӧртньӧ иктӱкан Эн сай актёр «Капитан Волконогов куржын» Сеҥымаш
2022 Ош слон Эн сай тӱҥ пӧръеҥ роль «Капитан Волконогов куржын» Сеҥымаш
2022 Шӧртньӧ пӱркыт Эн сай пӧръеҥ роль «Капитан Волконогов куржын» Номинаций
2022 Юсси Эн сай актёр «Кудымшо номеран купе» Номинаций
2022 Ника Эн сай пӧръеҥ роль «Капитан Волконогов куржын» Номинаций
2022 Российысе кином шымлыше да кинокритик-влакын гильдийышт Эн сай пӧръеҥ роль «Кудымшо номеран купе» Номинаций
2022 Российысе кином шымлыше да кинокритик-влакын гильдийышт Эн сай пӧръеҥ роль «Капитан Волконогов куржын» Сеҥымаш
2024 Astra Film Awards Кокымшо планысе эн сай роль «Анора» Номинаций
2024 Шӧртньӧ глобус Кокымшо планысе эн сай актёр «Анора» Номинаций
2025 Оскар Кокымшо планысе эн сай актёр «Анора» Номинаций

Палемдымаш

  1. ↑ 1 2 3 4 5 6 7 8 Юра Борисов. Кинопоиск. Тергыме кече: 23 идым 2025.
  2. ↑ Кто такой Юра Борисов, которого номинировали на «Оскар»?, 23.01.2025, <https://aif.ru/culture/person/kto-takoy-yura-borisov-kotorogo-nominirovali-na-oskar>. Тергыме: 23 идым 2025. 
  3. ↑ Что известно о Юре Борисове - первом российском актере, номинированном на "Оскар", 23.01.2025, <https://tass.ru/info/22955003>. Тергыме: 23 идым 2025. 
  4. ↑ 1 2 3 4 Юра Борисов. Кино-театр.ру. Тергыме кече: 23 идым 2025.
  5. ↑ Юра Борисов — Награды. Кинопоиск. Тергыме кече: 23 идым 2025.
  6. ↑ Премия «Человек года — 2020» по версии журнала GQ. РИА Новости Медиабанк. Тергыме кече: 23 идым 2025.
  7. ↑ 1 2 3 Юру Борисова номинировали на «Оскар», <https://www.rbc.ru/society/23/01/2025/679245ea9a7947302ff7d6c5>. Тергыме: 23 идым 2025. 
  8. ↑ Юра Борисов не получил «Оскар», 03.03.2025, <https://www.rbc.ru/society/03/03/2025/67c4f84b9a794783971afd45>. Тергыме: 23 идым 2025. 
  9. ↑ Борисов и Цыганов получили премию "Ника" за "Лучшую мужскую роль", 2025-03-24, <https://tass.ru/kultura/23489029>. Тергыме: 23 идым 2025. 
  10. ↑ 1 2 3 4 Юра Борисов биография, фото, карьера, личная жизнь, <https://www.rbc.ru/person/676e5dfb9a79477e458dd878>. Тергыме: 23 идым 2025. 
  11. ↑ Театральная премия «Золотой Лист 2013». Премия Золотой лист (30 ага 2013). Тергыме кече: 23 идым 2025. Архивировано из оригинала 24 пургыж 2020 ий.
  12. ↑ За что мы любим Юру Борисова и как простой парень из Реутова стал номинантом на «Оскар», 2025-01-23, <https://journal.tinkoff.ru/yura-borisov-best/>. Тергыме: 23 идым 2025. 
  13. ↑ Ухов Е. Рецензия на фильм «Дорога на Берлин». Film.ru (12 ага 2015). Тергыме кече: 23 идым 2025. Архивлыме 3 ӱярня 2020 ий.
  14. ↑ Фильмы и сериалы с Юрой Борисовым: 16 интересных картин, <https://start.ru/journal/filmy-i-serialy-s-yuriem-borisovym>. Тергыме: 23 идым 2025. 
  15. ↑ Никулин Н. На экраны вышла экранизация повести Каверина «Семь пар нечистых». Известия (8 теле 2018). Тергыме кече: 23 идым 2025. Архивлыме 3 ӱярня 2020 ий.
  16. ↑ Павлючик Л. То ли лошадь, то ли бык… Труд (23 сорла 2019). Тергыме кече: 23 идым 2025. Архивлыме 3 ӱярня 2020 ий.
  17. ↑ Объявлены номинанты на премию «Золотой орел – 2019». Интерфакс (22 теле 2019). Тергыме кече: 23 идым 2025. Архивлыме 12 теле 2020 ий.
  18. ↑ Альперина С. Андрей Кончаловский за фильм «Грех» получил награду «Мастер-класс года». Российская газета (5 теле 2019). Тергыме кече: 23 идым 2025. Архивлыме 25 теле 2019 ий.
  19. ↑ Субботина М. «Такого уровня графики у нас ещё не было»: кинокритик оценил «Вторжение». Пятый канал (10 шорыкйол 2020). Тергыме кече: 23 идым 2025.
  20. ↑ Юрий Борисов получил «Золотого орла» за лучшую мужскую роль, 2021-01-22, <https://ria.ru/20210122/premiya-1594231567.html>. Тергыме: 23 идым 2025. 
  21. ↑ Фильм о Михаиле Калашникове выйдет в прокат 20 февраля. Интерфакс (30 теле 2019). Тергыме кече: 23 идым 2025. Архивлыме 5 пеледыш 2020 ий.
  22. ↑ Альперина С. Фильм о Михаиле Калашникове выйдет на российские киноэкраны в феврале. Российская газета (1 пургыж 2020). Тергыме кече: 23 идым 2025.
  23. ↑ В Ижевске прошла премьера фильма, посвящённого Михаилу Калашникову. ТАСС (15 пургыж 2020). Тергыме кече: 23 идым 2025. Архивлыме 16 кылме 2020 ий.
  24. ↑ Корсаков Д. Ваше слово, товарищ Калашников. Комсомольская правда (20 пургыж 2020). Тергыме кече: 23 идым 2025. Архивлыме 13 кылме 2020 ий.
  25. ↑ Рассказываем, кто раздавал автографы под видом Виктора Пелевина. Это герой обложки Esquire, актёр Юра Борисов. Esquire (26 идым 2021). Тергыме кече: 23 идым 2025. Архивировано из оригинала 26 шыжа 2021 ий.
  26. ↑ «Кентавр»: Юра Борисов на «Драйве». Кинопоиск. Тергыме кече: 23 идым 2025.
  27. ↑ Юрия Борисова номинировали на премию «Золотой глобус», <https://www.rbc.ru/society/09/12/2024/6756f5599a7947cd35943081>. Тергыме: 23 идым 2025. 
  28. ↑ Фильм «Анора» получил «Оскар» за лучший оригинальный сценарий, 2025-03-03, <https://iz.ru/1847841/2025-03-03/film-anora-poluchil-oskar-za-luchshii-originalnyi-stcenarii>. Тергыме: 23 идым 2025. 
  29. ↑ «Анора» вошла в топ фильмов года по версии Rolling Stone, <https://daily.afisha.ru/news/93443-anora-voshla-v-top-filmov-goda-po-versii-rolling-stone/>. Тергыме: 23 идым 2025. 
  30. ↑ Юра Борисов и Марк Эйдельштейн вошли в лонг-лист кинопремии BAFTA, 03.01.2025, <https://www.rbc.ru/society/03/01/2025/67781bc59a79472f91e7d32b>. Тергыме: 23 идым 2025. 
  31. ↑ Юра Борисов не получил премию BAFTA за роль в драме "Анора", 16.02.2025, <https://tass.ru/kultura/23157167>. Тергыме: 23 идым 2025. 
  32. ↑ Юру Борисова номинировали на премию Гильдии киноактеров США. РБК (8 шорыкйол 2025). Тергыме кече: 23 идым 2025.
  33. ↑ Юра Борисов не получил награду на последней перед «Оскаром» кинопремии, 24.02.2025, <https://www.rbc.ru/society/24/02/2025/67bbce0a9a794754bf83334a>. Тергыме: 23 идым 2025. 
  34. ↑ Актёра Борисова номинировали на премию Ванкуверского кружка кинокритиков, 2025-01-21, <https://aif.ru/culture/movie/aktyora-borisova-nominirovali-na-premiyu-vankuverskogo-kruzhka-kinokritikov>. Тергыме: 23 идым 2025. 
  35. ↑ Появилось видео, как Юра Борисов празднует номинацию на "Оскар". Сплетник.ру (24 шорыкйол 2025). Тергыме кече: 23 идым 2025.
  36. ↑ Юра Борисов сыграет в фильме Кустурицы по мотивам романа Достоевского. iz.ru (25 шорыкйол 2025). Тергыме кече: 23 идым 2025.
  37. ↑ В России начали снимать художественный фильм про гонщика на Руссо-Балте. news.drom.ru (6 пургыж 2025). Тергыме кече: 23 идым 2025.
  38. ↑ СМИ узнали о контракте Юры Борисова с крупнейшим голливудским агентством UTA, 2025-04-10, <https://iz.ru/1868827/2025-04-10/smi-uznali-o-kontrakte-ury-borisova-s-krupneisim-gollivudskim-agentstvom-uta>. Тергыме: 23 идым 2025. 
  39. ↑ Российский актёр Юрий Борисов купил квартиру за 150 млн в Москве. Зачем, если уезжает в Голливуд? (15 сӱрем 2025). Тергыме кече: 23 идым 2025.
  40. ↑ Юра Борисов снимется в еще одном зарубежном фильме. Кого он сыграет, 2025-06-10, <https://liferbc.ru/news/6847d8d79a7947da2a054852>. Тергыме: 23 идым 2025. 
  41. ↑ Юра Борисов получил главную роль в британском фильме про 90-е. otr-online.ru (10 пеледыш 2025). Тергыме кече: 23 идым 2025.
  42. ↑ Американская киноакадемия пригласила Юру Борисова вступить в свой состав, <https://tass.ru/kultura/24369025>. Тергыме: 23 идым 2025. 
  43. ↑ Ritman, Alex (2025-07-09), ‘Anora’ Breakout Yura Borisov Confirmed for Luca Guadagnino’s ‘Artificial’ at Amazon MGM, <https://variety.com/2025/film/global/anora-yura-borisov-luca-guadagnino-artificial-1236450696/>. Тергыме: 23 идым 2025. 
  44. ↑ Юру Борисова утвердили на роль в фильме про OpenAI, 2025-07-09, <https://www.rbc.ru/society/09/07/2025/686e9f549a7947b445f36e02>. Тергыме: 23 идым 2025. 
  45. ↑ Анна Шевчук. Вокруг ТВ. Тергыме кече: 23 идым 2025.
  46. ↑ Анна Шевчук. Кинопоиск. Тергыме кече: 23 идым 2025.
  47. ↑ Юрий Борисов о жене Анне, жизни на полной скорости и своей роли во «Вторжении» Фёдора Бондарчука. Hello! Russia (4 теле 2019). Тергыме кече: 23 идым 2025. Архивлыме 8 сорла 2020 ий.
  48. ↑ Зрители в ожидании фильма «Пророк. История Александра Пушкина» с Юрой Борисовым. BFM. Тергыме кече: 23 идым 2025.
  49. ↑ В «Сатириконе» состоялась премьера «Отелло». Сатирикон (23 шыжа 2013). Тергыме кече: 23 идым 2025. Архивлыме 29 шыжа 2020 ий.
  50. ↑ Дебют. Сатирикон (23 шыжа 2013). Тергыме кече: 23 идым 2025. Архивлыме 23 сорла 2019 ий.
  51. ↑ FEDUK — Останься. vk.com/video. Тергыме кече: 23 идым 2025.

Кылвер-влак

"https://mhr.ruwiki.ru/w/index.php?title=Борисов,_Юрий_Александрович&oldid=1231246" гыч налме