Бакейкин, Сергей Дмитриевич
| Сергей Дмитриевич Бакейкин | |
|---|---|
 | |
| Шочмо кече | 5 сорла 1966 (58 ий) |
| Шочмо вер |
|
| Эл | |
| Образований | |
| Шанче степень | педагогике шанче кандидат[d] |
| Награде ден премий-влак | |
Сергей Дмитриевич Бакейкин (шоч. 1966 ий 5 август, Ульяновск область) — россий кугыжаныш да мер пашаеҥ, педагогике шанче кандидат, «Кундем кокласе книгагудысо вашкыл» кундем-влак кокласе мер тӧнежын тӱҥ директоржо, ЮНЕСКО-н «Увер чылалан» ЮНЕСКО программын Российысе комитетшын председательже, ЮНЕСКО-н пашаж шотышто РФ комиссийын йыжъеҥже, 2022—2032 ийлаште Россий Федерацийыште тӱп калык-влакын йылмыштын луийыштым палемдаш ямдылыме да эртарыме шотышто Калыкле комитетын йыжъеҥже.
Илыш корныжо
1966 ий 5 августышто Ульяновск областьыште шочын.
1985—1987 ийлаште — Кремльысе полкышто службым эртен.
1987—1993 ийлаште — сарзе порысым шуктен.
1993—2003 ийлаште — «Либерея» издательствысе тӱҥ директорын алмаштышыже, «Либерея-Бибинформ» савыктышын директоржо («Библиотека» журнал).
1997—2001 ийлаште — Моско кугыжаныш тӱвыра университетыште тунемын, вузым йошкар диплом дене тунем пытарен.
2001—2005 ийлаште — Моско кугыжаныш тӱвыра университетын аспирантурышто тунемын, педагогике шанче кандидат учёный степеньым налын[1].
2003 ий гыч кызытсе жап марте — «Кундем-влак кокласе книгагудысо вашкыл» кундем-влак кокласе мер тӧнежын тӱҥ директоржо.
2021 ий гыч кызытсе жап марте — ЮНЕСКО «Увер чыланлан» программын Российысе комитетшын председательже, ЮНЕСКО паша шотышто РФ комиссийын йыжъеҥже, 2022—2032 ийлаште Россий Федерацийыште тӱп (коренной) калык-влакын йылмыштын луийыштым палемдаш ямдылыме да эртарыме шотышто Калыкле эртарыше комитетын йыжыҥъеҥ[2][3].
Эртен кайыше ийлаште 100 утла тӱнямбал, пӱтынь российысе, кундемла кокласе да кундемысе конференций, семинар, йыргешке ӱстел, квалификацийым нӧлтышӧ курсым эртарымаште пашам шуктен, книгагудо пашаеҥ, савыктыш, книгам ужалыше тӧнежлан, СМИ-лан, лудмашым вияҥдыме шотышто вуйлатыше орган-влаклан, мер калыкым увер дене пойдарен, медиа-увер шинчымашым вияҥдымылан, электрон уверым аралыме шотышто, книгагудо фондым пойдарыме да аралыме йодышлан, йылмын да тӱвыран тӱрлылыкшым арален, тудым киберкумдыкышто вияҥдымылан, СНГ ден йот эллаште руш йылмым арален вияҥдымылан тӱткышым ойырен да ты аланыште чолган тыршен.
Чыла эртарыме вашлиймашыже РФ тӱвыра министерствын, РФ йотэл паша шотышто министерствын, Савыктыш да тӱшка коммуникаций шотышто Федерал Агенствын, РФ икмыняр кундемын, ЮНЕСКО-н, Казахстан ден Азербайджанын тӱвыра министр-влакын сай акыштым суленыт.
Сергей Бакейкин тыгак ЮНЕСКО-н «Увер чылалан» виктер-влак кокласе программе кышкарыште, Книгагудо фондым аралыме калыкле программын, Лудмашлан полшымо да тудым вияҥдыме калыкле программын, Йоча да самырык-влаклан лудаш полшышо кугыжаныш программын, «Кугыжанышын калыкле политикым илышыш шыҥдарымаш» кугыжанышын программын, «Мыйын шочмо йылмем» программе кышкарын мероприятийже-влакым эртарыше еҥ улеш.
Кӱшнӧ палемдыме йодыш дене 60 утла книгам да брошюрым рушла, англичанла ямдылымаште да савыктымаште тыршен.
2016 ий гыч 2019 ий марте Российысе книгагудо ассоциацийын вице-президентше лийын.
2010 ийыште тӱвырам вияҥдымашке кугу надырым пыштымылан Россий Федерацийысе Тӱвыра министерствын Чапкагазше дене суапландаралтын.
2016 ийыште Кыл да калык коммуникаций министерствын Чап грамотыж дене палемдыме.
2021 ийыште «Кыргыз Республикын сулло тӱвыра пашаеҥже» чаплӱмым пуымо.
РФ тӱвыра министерстве вуйлатыше-влакын, Печать да калык коммуникаций шотышто федерал агентствын, РФ кундемласе вуйлатыше-влакын таумутшо уло.
Еш
Ешан, эргыже да ӱдыржӧ уло.
Палемдымаш
Кылвер-влак
- Сорла тылзын 5 кечынже шочшо-влак
- 1966 ийыште шочшо-влак
- Россий Федерацийысе Тӱвыра министерствын Чапкагазше дене суапландаралтше-влак
- Кыл да калык коммуникаций министерствын Чапкагазше дене суапландаралтше-влак
- Кыргыз Республикын сулло тӱвыра пашаеҥже-влак
- Алфавит почеш персоналий-влак
- Алфавит почеш шанчыеҥ-влак