Афанасьев, Валентин Андреевич
| Валентин Андреевич Афанасьев | |
|---|---|
| Ондрин Валька | |
 | |
| Шочмо годсо лӱм | Валентин Андреевич Афанасьев |
| Шочмо кече | 1954 ий 27 пургыж (72 ий) |
| Шочмо вер | РСФСР, Марий АССР, Курыкмарий кундем, Юнго Кугышӱргӧ ял |
| Гражданлык |
 СССР Россий |
| Паша сомыл | серызе, почеламутчо, кусарыше |
| Награде да премий |
|
Валентин Андреевич Афанасьев (Ондрин Валька) (шоч. 27 пургыж 1954, Юнго Кугышӱргӧ, Йоласал ял шотан илем[d]) — поэт, писатель, мыскараче. Российысе серызе-влак ушемын йыжъеҥже (2004)[1].
Илыш корныжо
Ондрин Валька 1954 ий 27 пургыжышто Марий Эл Республикын кызытсе Курыкмарий вел Йынгы Кушыргы ялысе кресаньык ешеш шочын. 1971 ийыште Йоласал кыдалаш школым тунем пытарымеке, Ленинградыш каен, Обуховысе аралтыш заводын техник училищыштыже тунемын. Сарзе службым ГДР кумдыкышто эртен. Кӱшыл шинчымашым Волгоградысе юридический институтышто «Правоведений» специальность дене налын. 1988—1989 ийлаште Пӱтынь ушемысе калык озанлык институтышто квалификацийым нӧлтымӧ курслаште тунемын[1].
Паша корныжым В. Афанасьев 1974 ийыште Йошкар-Оласе аэропортышто радист семын тӱҥалын. Вара икмыняр ий Ленинград оласе чоҥышо организацийлаште пашам ыштен. 1982 гыч 1986 ий марте — МВД органлаште пашам ыштен. 1982—1986 ийлаште — озанлыкысе юрист. Чоҥышо тӧнежыште пашам ыштен[1].
В. Афанасьевын икымше савыктышыже-влак 1970-ше ийла тӱҥалтышлан логалыт. Службо жапыште «Советская Армия» газет дене кылым кучен. Почеламутым, прозым воза. Тудын почеламутшо, ойлымашыже, мыскараже-влак «Йӓмдӹ ли», «Жерӓ», «Кугарня», «Марий Эл», «Молодежный курьер» газетлаште, тыгак «У сем», «Пачемыш», «Ончыко» журналлаште савыкталтыт. Икмыняр почеламутшо школ хрестоматийлашке, курыкмарий поэзий антологийыш пурталтыныт. Кум сборникым луктын. 2007 ийыште лукмо «Икӓнӓ Опанас...» книгаже шкешотан улеш, тушко автор мыскара да сатир ойлымаш-влакым, миниатюр-влакым поген[1].
Ондрин Валька Р. Рилькен, П. Верленын, Г. Лоркан, Д. Байронын да молынат произведенийыштым курыкмарлашке кусарен. Нуно Хельсинки олаште, Валерий Аликовын редакцийже почеш лекше «Цикмӓ» журналыште, савыкталтыныт. Эндрю Уилке, Валентин АФФ шоялӱм-влакым кучылтеш[1].
В. Афанасьев МВД органлаште пашам ыштыме жапыште «Титакдыме службылан» медаль дене палемдалтын. 2004 ийыште Российысе серызе-влак ушемыш пурен[1][2].
Суаптар
III степенян «Титакдыме службылан» медаль.
Тӱҥ произведенийже-влак
- Шамак : лыдышвлӓ [Слово : стихи]. Йошкар-Ола, 1993. 76 с.
- Шӱм коэвлӓ : лыдышвлӓ [Волнение : стихи]. Йошкар-Ола, 2002. 128 с.
- Икӓнӓ Опанас : масаквлӓ, шайыштмашвлӓ, монологвлӓ [Однажды Опанас : небылицы, рассказы, монологи]. Йошкар-Ола, 2007. 204 с.
Вес йылмыш кусарыме произведенийже
- Kun olen uneton ; Oi, Elema... ; Sydameni // Цикмӓ : марла культура дӓ сӹлнӹшая журн. Хельсинки, 1997. № 2. С. 168—170.
Палемдымаш
- ↑ 1 2 3 4 5 6 Ондрин_Валька (руш.). mari-lab.ru. Тергыме кече: 20 шыжа 2025.
- ↑ Книжная выставка «Поэт, писатель и юморист» 2024, Козьмодемьянск — дата и место проведения, программа мероприятия., <https://www.culture.ru/events/4225738/knizhnaya-vystavka-poet-pisatel-i-yumorist?ysclid=mh027xjgrr782588180>. Тергыме: 21 шыжа 2025.
Литератур
- Матюковский Г. Шогыза, ме кӧм йӧратеннаже?! // Марий Эл. 1993. 26 нояб.
- Максимова Е. У шамак // Жерӓ. 1993. 16 сент.
- Ондрин Валька // У сем. 1994. № 2. С. 125.
- Петухов В. Шӱм коэвлӓ//Жерӓ. 1995. 8 авг.
- Лобанов И. Пога образвлӓм изи годшенок // Жерӓ. 1998. 26 февр.