Архипов, Григорий Вячеславович
| Григорий Вячеславович Архипов | |
|---|---|
 | |
| Тӱҥ увер | |
| Тичмаш лӱм | |
| Шочмо кече | 15 шыжа 1983 (42 ий) |
| Шочмо вер |
|
| Эл | |
| Профессий | музыкант, дирижёр, семлызе, педагог |
Григорий Вячеславович Архипов (шоч. 15 шыжа 1983, Йошкар-Ола) — российысе музыкант, дирижёр да композитор. Эрик Сапаев лӱмеш Марий опер да балет театрын тӱҥ дирижёржо. 2022 ий гыч Марий Эл Республикын композитор ушемын председательже. Марий Эл Республикын Кугыжаныш премийжын лауреатше.
Биографий
1983 ий 15 октябрьыште Йошкар-Оласе усталык шӱлышан ешыште шочын. Тудын ачаже, Вячеслав Созонов, Марий Эл Республикын сулло артистше, Эрик Сапаев лӱмеш Опер да балет Марий кугыжаныш академический театрын оперный труппын солистше. Аваже, Эллина Архипова, кумдан палыме композитор, «Алдиар» калыкле оперын авторжо[1][2][3]. Кумшо класс гыч Григорий Архипов уста йоча-влаклан интернатыште тунемын, баян классым ойырен. Тудым пытарымек, И. С. Палантай лӱмеш Йошкар-Оласе музык училищыш тунемаш пурен, тушто калык семӱзгар дене мастарлыкшым шуарен. Тунамак шке рок-группым чумырен да тудлан муро-влакым возаш тӱҥалын[2][4].
Музык училище деч вара А. К. Глазунов лӱмеш Петрозаводск консерваторийыш калык семӱзгар пӧлкаш пурен, тиде жапыштак музык теорий ден композиций пӧлкан студентше лийын. Кӱшыл шинчымаш нерген икымше дипломжым 2008 ийыште, а кокымшым — 2010 ийыште налын[1][2][3].
2011 ийыште консерваторийым тунем пытымек, Йошкар-Олаш пӧртылын, тушто тудым Марий опер да балет театрыш дирижёрлан налыныт[2]. Икымше гана дирижёр семын А. Лупповын «Лесная легенда» марий калыкле балетыште мастарлыкшым ончыктен[3]. 2024 ийлан Эрик Сапаев лӱмеш Марий кугыжаныш академический опер да балет театрын тӱҥ дирижёржо улеш[1].
Петрозаводск гыч Марий Элыш пӧртылмекыже кӱчык жап гыч Архиповым композитор-влакын регионал ушемыш[2], а 2011 ийыште — Россий композитор ушемыш пуртеныт[4]. 2022 ийыште реcпубликысе композитор-влак организаций председательлан ик ой дене сайлалтын[5].
Григорий Архипов театр да мер паша деч посна И. С. Палантай лӱмеш тӱвыра да сымыктыш колледжыште занятийым эртара[1][3].
Усталык
Григорий Архипов шкенжын икымше произведенийлажым колледжыште тунеммыж годымак возен, нуным рок-группылан серен. Академический семым Петрозаводск консерваторийыште тунеммыж годым возаш тӱҥалын. Тудо фортепиано да баянлан «Цветные карандаши» циклым, баянлан токкатым, альта ден фортепиано ден шокташ семым, скрипке ден фортепианолан «Деревенские припевки»-м да моло произведенийым возен[1]. Чылаже тӱрлӧ жанр да тӱрлӧ рзмеран 20 наре произведенийже уло. Эн сай пашажлан Архипов Республикысе курчак театрылан «Йӱд орол» спектакльлан возымо семжым шотла[2].
Награде-влак
- Марий Эл Республикысе Олык Ипай лӱмеш кугыжаныш самырыктукым премий (2012)[6];
- Марий Эл Республикын кугыжаныш премийже (2019)[7][8].
Палемдымаш
- ↑ 1 2 3 4 5 Григорий Вячеславович Архипов (руш.). Марийский государственный академический театр оперы и балета им. Эрика Сапаева. Тергыме кече: 20 идым 2025.
- ↑ 1 2 3 4 5 6 Марина Оленева (31.05.2019), Главный дирижер марийского театра оперы и балета им. Э. Сапаева Григорий Архипов: "Работа должна быть в кайф!", <https://www.marpravda.ru/news/religiya/glavnyy-dirizher-mariyskogo-teatra-opery-i-baleta-im-e-sapaeva-grigoriy-arkhipov-rabota-dolzhna-byt-/>. Тергыме: 20 идым 2025.
- ↑ 1 2 3 4 Архипов Григорий Вячеславович, <http://marihistory.ru/index.php/2011-01-01-19-53-52/1512-2011-10-22-03-30-06>. Тергыме: 20 идым 2025.
- ↑ 1 2 Архипов Григорий Вячеславович (руш.). Союз композиторов России. Тергыме кече: 20 идым 2025.
- ↑ Григорий Архипов избран председателем Союза композиторов Марий Эл, 2022-11-14, <https://kidsher.ru/ru/culture/40112/>. Тергыме: 20 идым 2025.
- ↑ Лауреаты Государственной молодёжной премии Республики Марий Эл в области литературы, культуры и искусства имени Олыка Ипая за 2011-2012 годы (руш.). docs.360.yandex.ru. Тергыме кече: 20 идым 2025.
- ↑ Григорий Архипов: «Своей музыкой мне всегда хочется привнести в общество добро!», 25.11.2021, <https://vnd12.ru/news/i-peoples/25108-grigoriy-arhipov-svoey-muzykoy-mne-vsegda-hochetsya-privnesti-v-obschestvo-dobro.html>. Тергыме: 20 идым 2025.
- ↑ В Марий Эл присуждены Госпремии в области литературы, искусства, архитектуры, науки и техники, <https://vnd12.ru/news/obschestvo/20300-v-mariy-el-prisuzhdeny-gospremii-v-oblasti-literatury-iskusstva-arhitektury-nauki-i-tehniki.html>. Тергыме: 20 идым 2025.
Кылвер-влак
- Григорий Архипов: «Своей музыкой мне всегда хочется привнести в общество добро!», <https://vnd12.ru/news/i-peoples/25108-grigoriy-arhipov-svoey-muzykoy-mne-vsegda-hochetsya-privnesti-v-obschestvo-dobro.html>. Тергыме: 20 идым 2025.
- Вести. Марий Эл. Дирижёр Григорий Архипов провёл мастер-класс в Школе креативных индустрий Йошкар-Олы (руш.). smotrim.ru. Тергыме кече: 20 идым 2025.
 |
|---|
