Ярмиҥга гыч (скульптур)

РФ-ын тӱвыра министерствыже

Россий Федерацийын тӱвыра министерствыже

Андрей Юрьевич Махинин[d]

Ярмиҥга гыч. 2018

Номенклатур почеш: Ярмиҥга гыч. Скульптур

глазурь[d], пушеҥге, керамике[d], ненчымаш[d], сӱретлымаш[d]

Республикысе сӱретсымыктыш тоштер

(инв. С-160)

Ярмиҥга гыч — 2018 ийыште скульптор Андрей Юрьевич Махининын ыштыме статуйжо. Произведенийым реализм жанр дене ыштыме, тудо айдеме да пийын тичмаш капыштым ончыкта. Объектын номенклатур лӱмжӧ: Ярмиҥга гыч.

Скульптурын сынже

Скульптур кӱрен тӱсан шӱкшӧ пальтом чийыше пӧръеҥым ончыкта. Пальтом кугу полдыш дене полдыштымо. Шӱйжӧ йыр йолван канде шарфым пӱтыралме. Вуйжым шола могырышкыла комдыкрак ыштен. Вуйыштыжо ужар-сур тӱсан теркупш, тудын йымач ӱпшӧ коеш. Шӱргыжым чока пондаш авалта. Шинчаже изирак, нер ден пылышыже гын кугу. Пурла кидыштыже пӧръеҥ тӱрлӧ тӱсан книга нумалтышым кучен. Шола кидше капше пелен. Шола могыр гыч айдеме деке пий пызнен. Пийын ик чапаже пальто урвалтым тошкалын, весыже — ботинкым. Чонанын вуйжо чуякарак, а капшым иземден ончыктымо. Скульптурым йыргешке сынан пу пӱчкыш ӱмбаке шындыме. Произведенийын кугытшо 38×16×19 см.

Материал да ыштыме йӧн

Скульптурым, ненчыме да сӱретлыме йӧн-влакым кучылтын, пушеҥге гыч ыштыме. Кучылтмо йылгыжтарыме йӧн (глазурь) произведенийлан волгыдо да нугыдо тӱсым пуа, тидыже вургем ден книга ужашым ойырен палемда. Ыштыме йӧн ончышылан скульптурын ӱмбалжым да тӱс ойыртемжым раш ужаш полша.

Верланымыже

Экспонат Республикысе сӱретсымыктыш тоштерыште аралалтеш. Тоштер Йошкар-Олаште верланен. 1981 ий 17 августышто негызлалтше тоштер шке фондышкыжо графикым, фарфор пластикым да кызытсе произведенийлам чумырен. Экспозицийын предметше сӱретсымыктыш да скульптурын историйже дене кылдалтын.

Палемдымаш