Шаблий, Денис Сергеевич
| Денис Шаблий | |
|---|---|
 «И КРАТКАЯ» кинофестивальын йошкар корныштыжо (2024) | |
| Шочмо кече | 1 пургыж 1990 (36 ий) |
| Шочмо вер | |
| Эл | |
| Паша сомыл | актёр, кино але телевидений режиссёр, монтажёр, сценарист, продюсер |
Денис Шаблий (тичмаш лӱмжӧ — Шаблий Денис Сергеевич; шоч. 1 февраль 1990, Шернур, Марий АССР) — российысе актёр, режиссёр, сценарист, продюсер да монтажёр. «Марий йомак» «У ий масак» кинолабораторий-влакым негызлен. Самырык-влакын Калыкле кинопремийжын, Марий Эл Республикысе Олык Ипай лӱмеш Кугыжаныш самырыктукым премийын лауреатше[1].
Илыш корныжо
1990 ий 1 февральыште Марий АССР Шернур посёлкышто ГИБДД инспектор да историйым туныктышын ешыштышт шочын. Школышто тунемме ийлаште поэзий конкурслаште тунемше-влакын конкурсыштышт вийжым терген. Школ деч вара Марий кугыжаныш университетын юридический факультетышкыже тунемаш пурен, йошкар диплом дене тунем лектын. Туге гынат образований дене пашам ышташ тӱҥалын огыл. 2013 ийыште Москош кайымек[1], Киносо кӱшыл школын актёр пӧлкашкыже тунемаш пурен, Е. А. Германовын мастерскойыштыжо тунемын[2]. Денис Шаблий ойла:
«Ынде мылам туге чучын, пуйто ончылнем киностудийын чыла омсаже-влак почылтыт. Но тыге огыл улмаш: мый шке типажем кышкарыште я бандитым, я полицейскийым, я пошкудо подъезд гыч лекше оҥай персонажым модын кертам. Мыланем адак шыгыр лие»[1].
Денис Шаблий Н. С. Михаловын Кинематографий да театр сымыктыш академийысе режиссёр пӧлкан студентше лиеш, В. Хотиненко ден В. Фенченко мастерскойыштыжо тунемын[3]. Тудо сценарийым возаш тунемын, тыгак продюсер семын тыршаш тӱҥалын. Тудын икымше кӱчык метражан фильмже «Не Иван, или Как приручить Богатыря» Интернетым вияҥдыме институтын грантшылан кӧра 2021 ийыште лектын, икмыняр суаптар дене палемдалтын[1].
2018 ийыште Шаблий Самырык-влакын калыкле кинопремийышт шотышто «Эн сай режиссёр» лӱм верч кӱчык метражан «Бармен» фильм дене номинацийыш лектын[3].
Тыгай фильм-влакын режиссёржо: «Альманах: 3 метра в час» (2022), «У ЕҤ» (2022), «Ирга» (2023), «Чоткар» (2023)[4].
2020 ий гыч Денис Шаблий Йошкар-Олаште ила да пашам ышта[5], «Марий йомак» «У ий масак» кинолабораторий-влаклан негызым пыштен[1]. Икымше кинолабораторийым почмеке, тудо коллегыж-влак дене тунем лекташ 700 наре йодмашым налын.
Варажым Денис Шаблий 56 еҥым ойырен налын, нунышт «Чоткар» модмо кӱчык метражан фильмын кышкарышкыже пуреныт. Киносӱрет 2023 ийыште лектын. 2024 ий январьлан тудын ончышо-влакын чотышт 1,1 млн. шуын[5].
Еш
Денис Шаблий ешан, Дионисий эргыже уло[6].
Суаптарже
- Самырык-влакын Калыкле кинопремийжын лауреатше
- Марий Эл Республикысе самырык-влакын Олык Ипай лӱмеш премийыжын лауреатше[1]
Фильмографий
| Ий | Лӱм | Роль |
|---|---|---|
| 2007 | След | Григорий Тунгусов |
| 2013 | СашаТаня | Николай, пошкудо |
| 2017 | Динозавр | Санитар |
| 2017 | отецмын серышыже | Таксист |
| 2018-2021 | Фитнес | Катафалкысе водитель |
| 2018 | #СеняФедя | Андрей, налше |
| 2018 | Бармен | |
| 2019 | Жуки | Оперативник |
| 2019-2020 | Кухня. Война за отель | Трусость |
| 2019 | Горячая точка | Бубен |
| 2019 | Пиал — тиде… (2 ужаш) | Автобусышто рвезе |
| 2019-2021 | Короче | «Надо было» |
| 2019 | Старец | Костян, наркодилер |
| 2020 | Миша портит всё | Антонын йолташыже |
| 2020 | Девушки с Макаровым | Полиций капитан |
| 2020 | Чистосердечное призвание | Дмитрий Антипов, участковый |
| 2020 | Обсерватор | Участковый |
| 2021 | Вампиры средней полосы | Дежурный |
| 2021 | Пробуждение | Бармен |
| 2021 | Сёстры | ДПСник |
| 2021 | Саня, газуй! | Серега |
| 2021 | Не Иван, или Как приручить богатыря | Орол |
| 2022 | Саня, газуй! Новый поворот | Серега |
| 2023 | Колобог. Фильм нерген Фильм | |
| 2023 | Ирга | Йӱк режиссёр |
| 2023 | Чоткар | [4] |
Палемдымаш
- ↑ 1 2 3 4 5 6 «Мый марий улам! Я – мариец!» (неопр.). МариМедиа. Тергыме кече: 20 идым 2024.
- ↑ Денис Шаблий - актёрская визитка. YouTube (2 шорыкйол 2024). Тергыме кече: 20 идым 2024.
- ↑ 1 2 Шаблий Денис Сергеевич (руш.). Академия кинематографического и театрального искусства Н.С. Михалкова. Тергыме кече: 20 идым 2024.
- ↑ 1 2 Денис Шаблий: фильмы, биография, семья, фильмография. Кинопоиск. Тергыме кече: 20 идым 2024.
- ↑ 1 2 Денис Шаблий. Россия — страна возможностей. Тергыме кече: 20 идым 2024.
- ↑ Любящий отец – счастливый сын, 2021-02-26, <https://www.gg12.ru/lyubyashhij-otets-schastlivyj-syn/>. Тергыме: 20 идым 2024.