Черепанова, Лариса Павловна
| Лариса Черепанова | |
|---|---|
 | |
| Лӱмал увер | |
| Пӧръеҥ / ӱдырамаш | ӱдырамаш |
| Тичмаш лӱм | Лариса Павловна Черепанова |
| Эл | |
| Специализаций | дзюдо[d] |
| Клуб | «Россия» ФСОП (Йошкар-Ола) |
| Шочмо кече | 11 пеледыш 1987 (39 ий) |
| Шочмо вер | |
| Тренер-влак | Гуляев С. В. |
| Нелыт | 57-63 кг марте |
| Спорт чаплӱм |
 |
Лариса Павловна Черепанова (шоч. 11 пеледыш 1987, Йошкар-Ола, Марий Автоном Совет Социализм Республик, РСФСР[d], СССР) — российысе дзюдоист, Россий чемпионат-влакын чемпионжо да призёржо, Российын спорт мастерже.
Илыш корныжо
1987 ий 11 июньышто Марий АССР-ысе Йошкар-Олаште шочын[1].
4 ияш спорт деке шӱмаҥын. Художественный гимнастикыш коштын, 13 ияш дзюдош толын. Тӱрлӧ таҥасымашлаште суаптар-влакым сеҥен. Икмыняр ий Ульяновскышто илен да ты регион верч выступатлен. 2006 ийыште элнан спорт мастерже нормативым шуктен, Австрийыште да Санкт-Петербургышто эртаралтше самырык-влакын тӱнямбал турнирлаште шкенжым терген. Но, эргыжын шочмекыже, кок ийлан спорт деч кораҥаш логалын.
2009 ий сентябрьыште кугу спортыш толмекыже, Тольятти олаште Юл кундем федерал округысо чемпионатыште 57 килограмм нелытан категорийыште кумшо лийын. Ты ийынак декабрь тылзыште дзюдо дене команде дене Россий чемпионатыште республикылан ший медальым конден. Тренерже — Сергей Гуляев[2]. 2013 ийыште тупрӱдыжӧ чот сусырген, тидын деч вара нелыт категорийым вашталтен.
Шкенжын ойлымыж почеш:
«Мый шканем цельым шынден омыл, тиде спорт дене профессионал семын тыршен омыл, но икмыняр жап гыч, таҥасымашлаште вийым терген ончымеке, мылам келшен. Мый сеҥенам, ончыл вер-влакым налынам. Варажым шкаланем кӱкшырак цель-влакым шындаш тӱҥальым.
Ӱдырамаш дзюдо тактике негызеш огыл, а интуиций негызеш чоҥалтын манын шонем. Молан манаш гын, кучедалмаш пеш ойыртемалтеш. Чогашылын шижме писылыкшат тӱрлӧ. Кунам пӧръеҥ писын вашештен кертеш гын, ӱдыр тудо жапыште эше ик гана чыгынен шогалын кертеш».
2018 ий гыч Йошкар-Оласе дзюдо школышто тренер-преподавательлан тырша. «Дзюдо вместе» проектын авторжо[3][4].
Спорт лектыш-влак
- Юниор-влак коклаште дзюдо дене Европо первенстве 2006 ий —
; - «Дзюдо за мир» турнир, Шарм-эш-Шейх, 2009 ий —
; - Европо Кубокын этапше 2012 ий —
; - Владимир Гулидовын мемориалже 2012 ий — ;
- Дзюдо дене Россий чемпионат 2010 ий — ;
- Дзюдо дене Россий чемпионат 2011 ий — ;
- Дзюдо дене Россий чемпионат 2012 ий — ;
- Дзюдо дене Россий чемпионат 2014 ий — .
Чаплӱм ден суаптар-влак
- Дзюдо дене спорт мастер;
- Марий Эл Республикысе Спорт министерствын Таумутшо;
- Марий Эл Республикысе Самырык-влакын политике, спорт да туризм министерствын Чаптаныкше[3].
Еш
Марлан лекше. Вич йочаже уло.
Палемдымаш
- ↑ Черепанова Лариса, <https://marihistory.ru/2011-01-01-20-13-51/1226-2011-09-21-04-49-20.html>. Тергыме: 25 пургыж 2026.
- ↑ Черепанова Лариса Павловна | Российские спортсмены | Спортивная Россия (руш.). infosport.ru. Тергыме кече: 25 пургыж 2026.
- ↑ 1 2 Школа дзюдо Йошкар-Ола - Педагогический состав. judo-yola.ucoz.ru. Тергыме кече: 25 пургыж 2026.
- ↑ В Йошкар-Оле прошел первый фестиваль "Дзюдо вместе", <https://www.marpravda.ru/news/sport/v-yoshkar-ole-proshel-pervyy-festival-dzyudo-vmeste/>. Тергыме: 25 пургыж 2026.
Кылвер-влак
 |
|---|
