Хохряков, Александр Аркадьевич

РУВИКИ — эрыкан энциклопедий гыч материал
Футбол
Александр Хохряков
Хохряков, Александр Аркадьевич.jpg
Тичмаш увер
Тичмаш лӱмжӧ Александр Аркадьевич Хохряков
Шочын 3 сӱрем 1945(1945-07-03)
Колен 4 пургыж 1998(1998-02-04) (52 ий)
Гражданстве
Ола Йошкар-Ола
Категорий тӱнямбал
Кӱкшыт 165 см
Позиций нападатлыше, полузащитник
Клуб карьере[* 1]
1963—1964 Флаг СССР Динамо (Киров)
1965—1970 Флаг СССР Спартак (Йошкар-Ола) ? (36)
1971 Флаг СССР Динамо (Киров) 33 (7)
1972—1973 Флаг СССР Спартак (Йошкар-Ола) 44 (3)
Судья карьер[* 2]
1984—1990 Флаг СССР СССР-ысе чемпионат 77
  1. ↑ Модмо ден пуртымо гол чот калыкле студент чемпионатлаште кажне лигылан посна шотлалтеш.
  2. ↑ Модмо ден пуртымо гол чот калыкле чемпионатыште кӱшыл лигылан гына шотлалтеш.

Александр Аркадьевич Хохряков (3 сӱрем 1945, Киров — 4 пургыж 1998, Йошкар-Ола) — совет футболист, нападатлыше, полузащитник; вара — футбол судья. Тӱнямбал категориян судья (1988 ий гыч)[1].

Илыш корныжо

Кировысо педагогике институтын  (руш.) (мар. кум курсшым тунем пытарен (1962—1965). Кировысо «Динамо» ямдылыме тӱшкаште модаш тунемын. «Б» классыште да кокымшо лигыште (1963—1967, 1970—1973), «А» классын кокымшо тӱшкаштыже (1968—1969) «Динамо» Киров (1963—1964, 1971) да «Спартак» Йошкар-Ола (1965—1970, 1972—1972) команде-влаклан модын[1].

Футбол судьялан пашам ыштен (1978—1992). Пӱтынь ушемысе категориян судья (06.02.1984), тӱнямбал категориян судья (1988). 1984—1990 ийлаште СССР чемпионатыште тӱҥ арбитр семын 77 матчыште пашам ыштен. Еврокубокын кок матчыштыже тӱҥ судья лийын. Кум гана СССР-ын эн сай лу судья радамыш пурен (1984, 1986, 1987)[2].

1970-ше ийла кыдал гыч — марий судья коллегийын председательже. Марий Эл Футбол Федерацийын председательже (1988—1996). 1993 ий гыч — Россий футбол арбитр-влак ассоциацийын вице-президентше, Юл кундемысе судья коллегийын председательже[3].

Тудын тунемшыже-влак коклаште — Геннадий Ярыгин, Александр Нефёдов, Олег Поглазов. «Молодёжный курьер» да «Марийская правда» газет-влакын футбол обозревательже (1970—1996)[4].

2000 ий гыч Йошкар-Олаште самырык-влакын командышт коклаште, 2004 ий гыч Юл кундемысе судья команде-влак коклаште Хохряковым шарныме лӱмеш турнир-влак эртаралтыт[4].

1998 ий 4 февральыште Йошкар-Олаште колен. Туруново шӱгарлаште тойымо[5].

Суаптар-влак

  • Марий АССР-ысе Кӱшыл Каҥаш Президиумын Чаптаныкше (1967)[4];
  • Марий Эл Республикысе физкультур тӱвыран сулло пашаеҥже (1992)[4].

Палемдымаш

  1. ↑ 1 2 Игрок, судья, легенда — «Йошкар-Ола» | городская газета (руш.). www.gg12.ru. Тергыме кече: 26 теле 2025.
  2. ↑ Хохряков Александр Аркадьевич. www.klisf.net. Тергыме кече: 26 теле 2025.
  3. ↑ Хохряков – легенда: футбольные арбитры Поволжья выявляют сильнейших в Йошкар-Оле, <https://yoshkarola.bezformata.com/listnews/arbitri-povolzhya-viyavlyayut-silnejshih/79280719/>. Тергыме: 26 теле 2025. 
  4. ↑ 1 2 3 4 Хохряков Александр Аркадьевич, <https://marihistory.ru/2011-01-01-20-13-51/1630-2011-11-10-13-25-36.html>. Тергыме: 26 теле 2025. 
  5. ↑ Хохряков Александр Аркадьевич | Спорт-страна.ру, 2016-02-14, <https://sport-strana.ru/xoxryakov-aleksandr-arkadevich/>. Тергыме: 26 теле 2025. 

Литератур

  • А. Колесников, А. Хохряков. Судьба футбольного арбитра. — Й-Ола, 1995. — 32 с.
  • Провинциал международного масштаба. Александр Хохряков: футболист, судья, человек / сост. А. Колесников. — Й-Ола, 2004.

Кылвер-влак

"https://mhr.ruwiki.ru/w/index.php?title=Хохряков,_Александр_Аркадьевич&oldid=1232098" гыч налме