Ушнышо Наций-влакын организацийыштын Кечывалвел-Кечывалвел вашкыл паша кечышт
Ушнышо Наций-влакын организацийыштын Кечывалвел-Кечывалвел вашкыл паша кечышт (ООН-ын моло официал йылмылаж дене: англ. United Nations Day for South-South Cooperation, исп. Día de las Naciones Unidas para la Cooperación Sur-Sur, фр. la Journée de Nations Unies pour la coopération Sud-Sud) — Тӱҥ Ассамблейын пунчалже почеш (A/RES/58/220 № пунчал) 2004 ий гыч ий еда палемдалтеш. Тиде кечын 1978 ийыште ООН-ын Тӱҥ Ассамблейже вияҥше эл-влак коклаште технике кылым вияҥдыме пашам шуктымо шотышто Буэнос-Айрес планым сайлан шотлен. 2011 ий 22 декабрьыште Тӱҥ Ассамлей 66/550-ше №-ан пунчалже дене 2012 ий гыч тӱҥалын, тиде кечым 12 декабрь гыч 12 сентябрьыш кусарен, 1978 ийыште ООН-ысо конференцийын вияҥше эл-влак коклаште технике кылым вияҥдыме пашам шуктымо да Буэнос-Айресысе технике вашкылым пеҥгыдемдыме паша планым сайлан шотлымо лӱмеш[1].
Кечывалвел-Кечывалвел вашкыл манмаште вияҥше эл-влак кокласе иктеш лийын пашам ыштымым умылыман. Тӱҥ Ассамблейын пунчалыштыже Кечывалвел-Кечывалвел вашкылым кучымо шотышто тичмашнек вияҥше эл-влак мутым кучат, но тунамак моло тӱнямбал калыкат вияҥше эл-влак дене кылым кумдаҥден толаш йӧным ыштышаш улыт ман каласыме. Кечывалвел-Кечывалвел вашкыл нигузеат Йӱдвел-Кечывалвел вашкылым вашталтышаш огыл.
ООН-ын Тӱҥ секретарьже Кечывалвел-Кечывалвел вашкыл кечылан пӧлеклалтше 2005 ийысе серышыштыже вияҥше эл-влак коклаште кугу сеҥымашым палемдышыла каласен: ты пашан куатшым але тӱрыснек кучылтмо огыл.
Вашкыл пашан ий еда темыже-влак
- 2016 ий — «Кечывалвел эл-влаклан климат шотышто вашкыл инкубатор»
- 2006 ий — «Кечывалвел-Кечывалвел линий дене кылын у ошкылжо вияҥме верч да кум могыран партнёрство»
- 2005 ий — «Кечывалвел эл-влакын сайлыкышт: тӱрлылык да усталык моштымаш»
- 2004 ий — «Кечывалвел-Кечывалвел вашкылыште вияҥме пашаште сеҥымаш»
Палемдымаш
- ↑ День сотрудничества Юг-Юг Организации Объединенных Наций. Тергыме кече: 18 теле 2016. Архивлыме 21 теле 2016 ий.