Уфологын тӱнямбал кечыже
| Уфологын тӱнямбал кечыже | |
|---|---|
.jpg) | |
| Вес семын | НЛО-н кечыже |
| Кече | 2 сӱрем |
| Пайремлымаш | ий еда |
| Йӱла | фестиваль-влак, костюм дене таҥошкылмаш, шанче экмпозиций-влак эртаралтыт |
| Кылдалтын | НЛО дене |
Уфологын тӱнямбал кечыже але НЛО кече — мланде деч ӧрдыж гыч толшо паранормал явлений ден объект-влакым шымлыме дене кылдалтше специалист-шамычын тӱнямбал пайремышт. Тиде кече ий еда 2 июльышто палемдалтеш.
«Уфологий» термин англичан йылмысе UFO (Unidentified Flying Object) аббревиатуро деч шочын, руш йылмыште тудлан НЛО (палыдыме чоҥештылше ӱзгар) келшен толеш.
Историй
Пайрем кече 1947 ийыште Нью-Мексико штатыште лийше событий-влак дене кылдалтын, тунам США-се Розуэлл ола деч тораште огыл, пустыньыште, палыдыме наста камвозын[1]. Тунам шоненыт, пуйто тиде йот планете гыч «чоҥештылше тарелке» лийын. Туге гынат, арня эртымек, сарзе-влак Брейзелым луктыныт, тудыжо радио дене увертарен, пуйто мумо наста зонд деч кодшо наста лийын, кеч, палемден тудо, ты наста тудын ранчож воктен ондак камвочшо метеозондлан келшен ок тол. Умбакыже, тиде паша дене уверым, мер калыкын ушыжым аҥыртараш огыл манын, шылтеныт. Тылеч вара Мландысе калык кок иктӧр тӱшкалан шелалтын: иктыже мемнан планете деч ӧрдыжтӧ илаш уло ман ӱшанат гын, весышт тиде шонымаш дене огыт келше[2].
Пайремлымаш
Нине событий-влак уфологий историйлан тӱҥалтышым пыштеныт. Таче НЛО-н тӱнямбал кечыже лӱмеш Розуэллыште ий еда Тӱнямбал фестиваль эрта, тудо 200 тӱжем марте калыкым чумыра, пайремле вургемым чиен, таҥтошкал эртымаш лиеда, лӱмын ямдылыме экспозиций-влак ончыкталтыт. Тиде пайрем тыгак моло вияҥше элыштат палемдалтеш[3].
Уфологын кечыже официально огеш палемдалт гынат, уш дене умылаш лийдыме сӱретым шымлыше специалист-влак, ончыкыжым ты кече илышыште шке вержым айла манын ӱшанат.
Тыгак ончо
Палемдымаш
- ↑ История уфологии началась с событий 1947 года, когда житель маленького городка Розуэлл нашел странные обломки после грозы. (руш.). sputnik-georgia. Тергыме кече: 23 пеледыш 2024.
- ↑ 2 июля — Всемирный день НЛО. Российская государственная библиотека для слепых. Тергыме кече: 23 пеледыш 2024.
- ↑ Всемирный день НЛО. Тергыме кече: 23 пеледыш 2024.