Студент-влакын тӱнямбал кечышт
| Студент-влакын тӱнямбал кечышт | |
|---|---|
 | |
| Тӱрлылык | Шарнымаш кече |
| Официал | англ. International Students’ Day |
| Тыгак | мар. Студентын тӱнямбал кечыже, Студент-влакын кечышт |
| Ыҥ | Прагыште колышо студент ден туныктышо-влакым шарнымаш (1939), тыгак тӱня мучко студент-влакын тӱкнымӧ проблеме-влаклан тӱткышым ойырымаш. |
| Ышталтын | 1941 ий 16 ноябрь |
| Ыштыше | Чехий ден Великобританийын студентышт |
| Палемдат |
 Тӱнямбал кече |
| Кече | 17 кылме |
| Кылдалтын | 1939 ийыште Кокымшо тӱнямбал сар годым Прагыште (Чехий) нацист-влакын оккупироватлышт годым колышо студент да туныктышо-влак дене |
Студент-влакын тӱнямбал кечышт — 1939 ий 17 ноябрьыште палемдалтеш.
1939 ий 28 октябрьыште немыч-влак окупацийыште улшо Чехийыште Прагысе студент-влак да нунын туныктышышт Чехословак кугыжанышын идалыкашыжым палемдаш демонстрацийыш лектыныт. Оккупант-влакын войскашт демонстрацийым шалатен колтен, тидын годым медицине факультетын студентше Ян Оплетал лӱйкалыме дене сусырген. Тудлан пеш писын Карлов площадьысе эмлымверыште доктор Арнольд Ирасек операцийым ыштен. Тудо перитонит деч 11 ноябрьыште колен. 15 ноябрьыште тудым тоеныт, тойымаш вашшогымо акцийыш савырнен. Лу дене демонстрант-влакым арестоватленыт. 17 ноябрьыште немыч-влак эрдене эрак студент тӱшкагудо-влакым авырен налыныт. 1200 утла студентым арестоватленыт да концлагерьыш колтеныт[1]. Индеш студент ден студент толкынын активистше-влакым тюрьмаште орландарен пуштыныт[1].
1941 ийыште, кок ий эртымек, Лондонышто Нацизм ваштареш кучедалше студент-влакын тӱнямбал вашлиймашышт эртен[2]. Чехословак коммунист Отто Шлингын темлымыж почеш тиде кечым ий еда Студентын кечыж семын палемдаш кутырен келшеныт.
Палемдымаш
- ↑ 1 2 Štemberková, Marie Univerzita Karlova — Historický přehled — Praha, Karolinum, 2011. — 111 с. — ISBN 978-80-246-2014-5.
- ↑ Волкова С. В чем солидарны студенты? // 7 дней. — 2008. — 13 кылме (№ 46). — С. 24.