Тӱнямбалысе Олимпий кече
| Тӱнямбалысе Олимпий кече | |
|---|---|
 МОК-ын эмблемыже | |
| Официал | тӱнямбал |
| Ышталтын | 1948 ий |
| Кече | 23 пеледыш |
| Пайремлымаш | ий еда |
| Кылдалтын | МОК-ын ыштыме кече дене |
 РУВИКИ.Медиаште медиафайл-влак | |
Тӱнямбалысе Олимпий кече — пӱтынь тӱнян пайремже, Тӱнямбал Олимпий комитетын пунчалже дене кажне ийын ятыр кугыжаныш ден эллаште 23 июньышто палемдалтеш.
Историй
1948 ий январьыште тӱнямбалысе олимпий комитет (МОК) Санкт-Морицесе 42 сессийыште ий еда Тӱнямбал Олимпий кечым 23 июньышто пайремлаш пунчалым луктын. Тиде кече 1894 ий 23 июньышто МОК-ым почмо кечым шарныме лӱмеш ойыралтын, тунам олимп толкыным уэштарыше энтузиаст француз барон Пьер де Кубертен Парижыште тӱнямбал атлетике конгресс ончылно шкенжын историйеш возалт кодшо докладшым ойлен. Конгрессын 1896 ийыште икымше Олимпиадым Грецийыште эртарыме нерген пунчалым лукмеке, Кубертен тунамак ыштыме МОК-ым вуйлаташ шогалын.
Мероприятий
Тӱнямбалысе Олимпий кечым эртыме тӱҥ пашалан 23 июньышто але туддек лишыл каныш кечын тӱшкан кужу корным куржын эртыме шотлалтеш. МОРК Калыкле олимпий комитет-влаклан тӱрлӧ спорт пайремым, утларакшым куржмо дене кылдалтшым эртараш темла, тыге утларак шуко калыкым авалташ да "Спорт чылаштлан" олимпий шонымашым илышыш шыҥдараш йӧнан. МОК-ын Олимпийысе тоштыкагазже ойла:
«Олимпий толкын самырык-влакым спорт полшымо дене вашумылымаш да келшымаш шӱлышеш кушташ тырша, тыге тӱням сайракым да тыныслыракым ышташ полша».