Туберкулёз ваштареш кучедалме кече
| Туберкулёз ваштареш кучедалме кече | |
|---|---|
| Кече | 24 ӱярня |
 РУВИКИ.Медиаште медиафайл-влак | |
Туберкулёз ваштареш кучедалме тӱнямбал кече — ООН-ын тӱнямбал кечыже, Тазалыкаралтыш тӱнямбал организацийын (ВОЗ) 1993 ийыште туберкулёзым глобал проблеме семын увертарыше Тӱнямбал организацийын темлымыж почеш ий еда 24 мартыште палемдалтеш. Туберкулёз ваштареш кучедалме тӱнямбал кечын тӱҥ шонымашыже: ТБ глобал эпидемий нерген калыкым палдараш, ты черым пытарышаш верч тыршаш.
24 март кечым тыге ойырымо: тиде кечын 1882 ийыште немыч микробиолог Роберт Кох (Robert Koch) туберкулёз шарыктышым мумыж нерген увертарен.
Кызыт туберкулёз ий еда 1,6 миллион наре еҥым наҥгая, тышечын абсолют утларакше (95 % наре) — вияҥше элласе калык. Кажне ийын туберкулёз моло вес инфекций деч ятыр шуко еҥ-влакым пуштеш. Тӱнян кумшо радамыштыже улшо эллаште туберкулёз 26 % наре колымаш дене пыта.
Чумыржо Африкысе эллаште туберкулёз шотышто утларак неле сӱрет. Тиде инфекций дене планетысе черланыше-влак гыч 29 % Африкыште илат да колышо-влакын 34 % тышеч улыт. Пытартыш 15 ий жапыште туберкулёз чер Африкыште кок пачаш кугемын, 100 тӱжем еҥлан 149 еҥ гыч 343 марте кушкын. Тидат тургыжландара: антибиотиклан келыштаралтше форман туберкулёзын чотшо кушмо палдырна, нунын Африкыште лекмышт поснак уда тенденций семын коеш.
Тӱнямбалне туберкулёз шотышто эн лӱдыкшӧ сӱрет шуко эм денат пеҥгыдын вияҥше — поснак шучко форман да колымашке лукшо ситуаций — Россий Федерацийыште[1][2][3]. 2009 ийыште Россий Федерацийыште писын шарлыше туберкулёзын 105 530 случайжым мумо.
Кече теме
- 2021 ий — «Жап чоҥешта»
- 2020 ий — «Жап туберкулёзым пытараш»
- 2019 ий — «Жап ышташ»
- 2018 ий — «Тӱткӧ лийза, кычалына!Туберкулёз деч тӱням утараш лидерым кычалына»
- 2017 ий — «Туберкулёзым пырля пытарена: нигӧм тӱткыш деч посна огына кодо»
- 2016 ий — «Туберкулёзым пырля пытарена: нигӧм шот деч посна огына кодо»
- 2015 ий — «Туберкулёз пытарыме темпым кушташ»
- 2014 ий — «3 миллион еҥлан эмлаш йӧным ышташ»
- 2013 ий — «ТБ чарыза илымем годым»
- 2012 ий — «ТБ чарыза илымем годым»
- 2011 ий
- 2010 ий — «Туберкулёз ваштареш кучедалмаште у сеҥымашке»
Тыгак ончо
Палемдымаш
- ↑ Аналитический обзор по туберкулёзу. 2011. М., 2013 http://www.mednet.ru/images/stories/files/CMT/tbreview2011.pdf Архивысе копий 3 теле 2013 гыч
- ↑ Алексей Торгашев. Туберкулёз. 10 инфекций, побеждённых людьми. Русский репортёр. 48(326) 5 декабря 2013 года. https://expert.ru/russian_reporter/2013/48/10-infektsij-pobezhdennyih-lyudmi/ Архивысе копий 11 шорыкйол 2014 гыч
- ↑ Фтизиатрия по-российски. Медицинская газета,2013 http://chodtb74.ru/index.php?option=com_content&view=article&id=51:ftiziatria-russian&catid=1:latest-news&Itemid=18 Архивысе копий 11 шорыкйол 2014 гыч
Кылвер-влак
 |
|---|
