Телевиденийын тӱнямбал кечыже
| Телевиденийын тӱнямбал кечыже | |
|---|---|
 | |
| Ыҥ | тыгай йодыш-влаклан кугу тӱткышым ойыраш полша: тыныс, лӱдыкшыдымылык, тӱвыра да вияҥме шотышто ваш вашталтмашым кумдаҥдымаш |
| Ышталтын | 1997 ий 21 кылме |
| Ыштыше | ООН-ын Генерал Ассамблейже |
| Кече | 21 кылме |
| Кылдалтын | 1996 ийысе Икымше тӱнямбал телевидений форум дене |
Телевиденийын тӱнямбал кечыже ( ООН-ын моло официал йылмыла дене: англ. World Television Day, исп. Día Mundial de la Televisión, фр. Journée internationale de la télévision ) — тӱнямбал кече, Иктыш ушымо наций-влак организацийын Генерал Ассамблейжын темлымыж почеш (A/RES/51/205 №-ан резолюций) 1997 ий гыч ий еда, 21 ноябрьыште палемдалтеш[1].
Историй
ООН-ын чумырымыж почеш, тӱнямбалысе СМИ-ин еҥышт Телевиденийын тӱнямбал форумышто 1996 ий 21–22 ноябрьыште вашлийыныт. Телевиденийым мониторингын да мер шонымашым виктарымаште кӱлешан ӱзгарлан шотленыт[2].
1996 ий 17 декабрьыште, 88 пленар мутланымаште, ООН-ын Генерал Ассамблейже, телевиденийын илышыште, пунчалым лукмо пашаште кумда вержым шотыш налын, Телевиденийын кечыжым 21 ноябрьыште палемдаш темлен. Тӱҥ шонымашыже тыгай лийын: тыныс, лӱдыкшдымылык, вияҥмаш, тӱвыра поянлыкым улаҥдарыше телевидений программе-влак дене ваш вашталтмашым утларак кумылаҥдаш.
2002 ийыште шке посланийыштыже Телевиденийын тӱнямбал кечынже ООН-ын Генерал секретарьже Кофи Аннан палемден[3]:
«Ий еда Телевиденийын тӱнямбал кечыжым пайремлымаш тудын вержым тыныс да вияҥме пашам тӧрлымаште посна палемдаш эртаралтеш».
Тудо тыгак палемден, телевидений радио да Интернет дене пырля чытыдымашым, стереотипан, чондымо материалым шаркалыме йӧн ынже лий манын тургыжланышаш[3].
Российыште
Телевиденийын тӱнямбал кечыже Российыште официал пайрем огыл, туге гынат тудым телевещаний дене кылдалтше кажне еҥ палемда: вӱдышӧ, диктор, редактор, оператор да режиссёр-влак, тыгак профильысе тунемме верлаште студент ден туныкто-влак[4].
Российысе телевизионщик-влакын шке профессий пайрем кечышт уло. Тудо Радио кече дене пырля — 7 майыште палемдалтеш. Тылеч посна, Йоча телевидений ден радиовещаний кече уло, тудо ий еда мартысе икымше рушарнян палемдалтеш[4].
Тыгак ончо
Палемдымаш
- ↑ День телевидения. Волонтеры культуры. Тергыме кече: 20 кылме 2023.
- ↑ Всемирный день телевидения. РИА Новости (21 кылме 2022). Тергыме кече: 20 кылме 2023.
- ↑ 1 2 Информационный центр ООН в Москве. Послание Генерального секретаря ООН по случаю всемирного дня телевидения. Официальный сайт ООН (21 кылме 2002). Тергыме кече: 20 кылме 2023.
- ↑ 1 2 Всемирный день телевидения – 2022: история и традиции праздника. Известия (20 кылме 2022). Тергыме кече: 20 кылме 2023.