Таджик савыктышын кечыже
| Таджик савыктышын кечыже | |
|---|---|
 | |
| Кече | 11 ӱярня |
Таджик савыктышын кечыже – Таджикистанысе журналист-влакын паша пайремышт. Тудым идалык еда 11 мартыште палемдат[1][2].
Пайремын шочмыжо
Пайрем 1912 ийыште тӱҥалтышым налын. Тиде ийыште таджик йылме дене пагыт еда лектын шогышо икымше савыктыш шочын. Таджик савыктышын пионерже «Бухорои Шариф» газет лийын, тудым У Бухарыште луктыныт. Но, бухар эмирын чонжылан тиде келшен огыл, вашке тудым петыраш кӱштен. Таджикистанын кугыжаныш йылмыж дене вес савыктыш совет кучем годым гына, 1925 ийыште лектын, тудо «Таджик пайрем» (таджикла Иди тоҷик, варарак «Совет Таджикистан», кызыт «Ҷумҳурият») маналтеш. Тудын тиражше 2008 ийыште 24 000 экземпляр лийын. Тиде газетым негызлыме годсек республикысе кучем луктеш.
Кызыт республикыште таджикла 130 наре газет (тӱҥ шотышто арня еда) лектеш, савыктышлаште пашам ыштыше журналист-влаклан тиде – икте-весышт дене вашлийын, элын савыктыме пашажым да шочмо йылмым вияҥдыме корным (концепцийым) чоҥаш йӧн. Тыгак, тиде кечын, кучемын палемдыме журналист-влак суаптар ден лӱмпалым налыт. Йӱла почеш, нине вашлиймаш-влакым Таджикистанын журналист ушемже (СЖТ) эртара.
2008 ийыште, Таджик савыктышын кечыж годым, Таджикистан Республикын Фирдоуси лӱмеш калыкле книгагудыштыжо шанче усталык интеллигенцийын вашлиймашыже лийын, тушто калыкле йылмым вияҥдыме концепцийым рашемденыт. Таджик интернетым вияҥдыме йодышлан посна тӱткышым ойыреныт. Мутлан, Шариф Тошев тыге ойлен:
«Тиде йодыш дене проектым ышташлан, ме мемнан спонсор-влакым, тӱнямбал донор-влакым да граждан мер калык гыч таджикла кутырышо чолга еҥ-влакым ӱжнена. Таджик йылмысе мут поянлыкым (лексикографийым) ме эше 2004 ийыштак погаш тӱҥалынна. Кызыт Таджикистанын Шанче академий пелен терминологий комиссий полшымо дене, тудым филологий шанче кандидат Толиб Рози вуйлата, тиде тӱнямбал конференцийын программыжын авторжо, ме тиде пашам ыштен шуктена ман ӱшанена…»
Погынышо-влак палемденыт, интернетлан йӧн почылтеш гын, ончыкыжым элын граждан-влак гына огыл электрон книгам лудыт, а Мландыште илыше кажне айдеме, кӧ фарси йылмым пала да лудеш.
Тыгак ончо
- Эрыкан савыктышын тӱнямбал кечыже
- Россий савыктышын кечыже
- Азербайджанысе калыкле савыктышын кечыже
- Серызын тӱнямбал кечыже
- Спорт журналистын тӱнямбал кечыже
- Омар Хайям
Палемдымаш
- ↑ 99 лет таджикской печати: От “Бухорои шариф” до современности (руш.). Радио Озоди. Тергыме кече: 31 ага 2020. Архивлыме 29 кылме 2020 ий.
- ↑ День таджикской печати: триумф государственных и скромные достижения частных (руш.). Sputnik Таджикистан. Тергыме кече: 31 ага 2020.