Сеҥымашын жапше
| Сеҥымашын жапше | |
|---|---|
 | |
| фестиваль[d] | |
| Эртараш тӱҥалме | 2019 |
| Верланымаш | |
| Эртарыме вер | |
| Эл | |
| Сайт | времяпобеды.рф |
Сеҥымашын жапше — Кугу Ачамланде сарыште совет калыкын подвигшым шарнымылан пӧлеклалатше тӱнямбал фестиваль-конкурс. 2019 ий гыч Москошто эртаралтеш. Тӱҥ номинаций-влак: мурымо (вокал) сымыктыш, куштымо (хореографий) сымыктыш да театр сымыктыш[1].
Историй
Фестивальым 2019 ийыште Кугу Ачамланде сар нерген шарнымашым сымыктыш гоч курымла дене аралыме шонымаш дене эртараш тӱҥалыныт. Фестиваль совет калыкын подвигшылан пӧлеклалтше усталык проект-влакым илышыш шыҥдараш да самырык тукымым патриотизм шӱлышеш кушташ виктаралтын. Фестиваль ий еда Москошто эртаралтеш[1].
2023 ийыште фестиваль Президент фондын тӱвырасе темлымаш грантшым сеҥен налын, тиде конкурсыш у еҥ-влакым ушаш да мероприятий-влакын качествыштым эшеат саемдаш полшен[2].
Эртымыже
«Сеҥымашын жапше» фестиваль кок йыжыҥ дене эрта: заочно ойырымо тур да шкалан выступатлаш кӱлмо иктешлыше (финал) йыжыҥ. Конкурсышто кум тӱҥ номинаций уло:
- Мурымо сымыктыш: сар да Сеҥымашлан пӧлеклалтше муро-влакым йоҥгалтарымаш, тыгак совет семмастар-влакын, мутлан, Александра Пахмутован але Марк Фрадкинын, мурыштым йоҥгалтараш лиеш.
- Куштымаш (хореографий) сымыктыш: Кугу Ачамланде сар жапысе событий-влакым ончыктышо куштымаш постановко-влак, тыште калык да кызытсе (соверемнный) куштымаш-влак ончыкталтыт.
- Театр сымыктыш: эртык сӱрет але сар теме дене сылнымут произведений-влак негызеш, мутлан, Константин Симоновын сылнымутшо почеш шындыме драматический сценке але постановко-влак.
Ойырен налме ужаш онлайн-формат дене 29 март гыч 25 апрель марте эрта. Участник-влак официал сайт гоч йодмашым пуат, шке выступатлымыштым войзымо видеом колтат. Иктешлыше йыжыҥ Москошто май тӱҥалтыште, тӱҥ шотышто, Сеҥымаш кече вашеш, эртаралтеш.
Фестивальым эртарыше-влак — Сем тӱвырам да сымыктышым вияҥден чапландарыше бюро, «Медиа Шӱдыр» ООО, тыгак Тамара ден Валентин Кудиновмыт лӱмеш «Шӱмын географийже» порылыкым ыштыше фонд[1][3].
Фестиваль тӱрлӧ ийготан уста еҥ-влакым уша. Нунын выступленийыштым тӱвыра пашаеҥ-влак гыч шогышо жюри тӱрлӧ критерий дене акла.
Фестивальын иктешлыше йыжыҥже Москошто май тӱҥалтыште эртаралтеш[1]. Ойырен налме участник-влак ончаш толшо да жюри ончылно номинацийласе кум тӱрлӧ жанр гыч иктыштыже моштымашыштым ончыктат[4].
Фестиваль лауреат да ӱжмӧ артист-влакын выступленийышт дене гала-концерт дене мучашлалтеш. Концерт жапыште сеҥыше-шамычым саламлат, нунылан пӧлекым, дипломым да шарнымаш суаптарым кучыктат[1].
Фестиваль кышкарыш тыгак туныктымо мероприятийла пурат, мутлан, кумдан палыме сымыктыш пашаеҥ-влак мастарлык-классым эртарат[5].
Фестиваль-таҥасымашке ушнымаш
Фестивалыш ушнаш манын, официал сайт гоч йодмашым пуыман. Йодмаш пелен йодышлан вашмутым (анкетым), Кугу Ачамланде сар тематике дене кылдалтше видеом колтыман. Организатор-влак йодмашым кок паша кече жапыште ончат да ушнаш шонышылан вашмутым пуат[1][6].
Фестиваль-таҥасымашке чыла ийготан еҥ, тыглай сымыктышым йӧратыше, профессионал-влакат ушнен кертыт[7].
Палемдымаш
- ↑ 1 2 3 4 5 6 Официальный сайт фестиваля «Время победы» (руш.). Тергыме кече: 21 вӱдшор 2025.
- ↑ Президентский фонд культурных инициатив (руш.). Тергыме кече: 21 вӱдшор 2025.
- ↑ Время Победы. Официальный сайт фестиваль-конкурса «Время Победы». Тергыме кече: 21 вӱдшор 2025.
- ↑ Фестиваль-конкурс «Время Победы», <https://zvezda-dn.com/festival-konkurs-vremja-pobedy/>. Тергыме: 21 вӱдшор 2025.
- ↑ Открытый фестиваль-конкурс талантов «Время Победы» в Москве. www.art-center.ru. Тергыме кече: 21 вӱдшор 2025.
- ↑ Условия и стоимость фестиваля «Время Победы». Официальный сайт фестиваля. Тергыме кече: 21 вӱдшор 2025.
- ↑ Международный фестиваль-конкурс «Время Победы». Официальный сайт фестиваля. Тергыме кече: 21 вӱдшор 2025.
Кылвер-влак
- Официальный сайт фестиваля «Время победы» (руш.). Тергыме кече: 21 вӱдшор 2025.
- Президентский фонд культурных инициатив (руш.). Тергыме кече: 21 вӱдшор 2025.
- Фестиваль «Время Победы»
- В Кабардино-Балкарии прошел патриотический фестиваль «Время Победы»