Россий ден Украинын вашмутланымашышт (2025)

РУВИКИ — эрыкан энциклопедий гыч материал
Россий ден Украинын вашмутланымашышт
Российско-украинские переговоры в Стамбуле 16-05-2025.jpg
Кече 2025 ий 16 май; 2025 ий 2 июнь
Вер Стамбул, Долмабахче; Чыраган

Россий ден Украинын вашмутланымашышт — тиде Украинысе ваштӱкнымашым тӧрлатыме шотышто вияш мутланымаш, тудым Россий Федерацийын президентше Владимир Путин 2025 ий 15 майыште Стамбулышто тӱҥалаш темлен[1]. Россий делегаций вашмутланымашлан 15 май эрдене ямде лийын, но Украинын еҥже-влак вашлиймашыш толын огытыл, да каҥашымаш Турцийын коклаш пурымыж дене вес кечынже Долмабахче полатыште — 16 майыште лийын[2]. Кок шагаташ каҥашымашын лектышыжым да Путин ден Трампын вара телефон дене мутланымашым тудын участникше, моло политик ден политолог-влак тӧрлатымаш йодышышто икмарда прогресс семын акленыт.

Вашмутанымашын кокымшо раундшо Стамбулысо[3] Чыраган полатыште 2 июньышто эртен[4].

Историй

2025 ий 11 майыште РФ президент Владимир Путин, Москош Кугу Ачамланде сарыште Сеҥымашлан 80 ий теммым пайремлаш толшо кугыжаныш вуйлатыше-влак вашлиймашын лектышыжым иктешлаш манын, журналист-влакым Кугу Кремль полатын Малахит фойештыже чумырен[5].

Россий президент Украине энергетике объект-влакым шелышташ 18 март гыч 17 апрель марте ыштыше 30 кечаш мораторийым шинчаора шуктен огыл манын ушештарен. Тыгак Киев 5 тӱжем наре гана кугече тыныслыкым пужен. Российын Сеҥымаш Кечылан темлыме тыныслыклан вашмут семын Украине кугу атакым тӱҥалын. Тушто 524 БПЛА ден 45 экипаждыме катер лийын.

Тидым ончыде, Россий Киевысе кучемлан тудын 2022 ий мучаште кӱрлмӧ вияш каҥашымашым 2025 ий 15 майыште Стамбулышто ончылгоч ыштыме нимогай условий деч посна уэш тарваташ темлен[6].

2025 ий 11 майыште Путин ден Турцийын президентше Реджеп Тайип Эрдоганын каҥашымышт годым пытартышыже Моско ден Киев кокласе вияш каҥашымашым уэш тарватыме инициативылан тӱрыс полшаш ойлен, тыгодым Стамбулышто верым пуаш да кертме семын чыла шотыштат полшаш сӧрен[7].

Владимир Зеленский X соцкылыште возен: «Мый Путиным Турцийыште изарнян [2025 ий 15 майыште] вучаш тӱҥалам»[8]. Тыгодым Турций президентын администрацийыштыже 15 майыште Зеленскийын Турцийыш толаш шонымыж нерген огыт пале[9]. Россий лидерын пресс-секретарьже Д. Песковын увертарымыж почеш, 15 майлан Путинын Москошто паша дене вашлиймаш-влак палемдыме лийыныт, тудо Турцийыште каҥашымаште лияш шоненат огыл; Россий могырын шонымыж почеш, кугыжаныш вуйлатыше-влак кӱкшытыштӧ вашлиймаш сайын да кужун ямдылалтмым йодеш[10].

2025 ий 13 майыште Дональд Трамп США-н кугыжаныш секретарьже Марко Рубио да моло американ должностной еҥ-влак Стамбулышто эртараш палемдыме каҥашымашыш толыт манын увертарен[11].

2025 ий 14 майыште Путин Стамбулышто Украин могыр дене каҥашымашым ямдылаш погынымашым эртарен. Тыште кугыжаныш вуйлатышын кӱштымыж дене палемдыме Российын каҥашыше тӱшкажын членже-влак деч посна йотэл паша министр Сергей Лавров, обороно министр Андрей Белоусов, Росгвардий вуйлатыше Виктор Золотов, Совбез секретарь Сергей Шойгу, Генштаб начальник Валерий Герасимов, ФСБ директор Александр Бортников да специальный сарзе операцийыште улшо чыла группировкын вуйлатышыже-влак[12].

15 май йӱдым Россий вуйлатыше-влакым шупшыктышо «Россий» лӱмын чоҥештылше отрядын самолётшо Стамбулыш чоҥештен. Авиаций службышто «Интерфакслан» Российын делегацийже Ататюрк аэропортыш эрдене эр толын шуын манын увертареныт[13]. Эн ончыч делегаций-влакын вашлиймашышт Моско жап дене 10:00 шагатлан Долмабахче полатыште лиеш манын палемдалтын, но Украине делегаций укелан кӧра каҥашымашым вес кечылан кодымо[14].

15 майыште Стамбулышто РФ-н Генконсульствыштыжо прессылан ойлымыж годым Владимир Мединский каласен: Россий делегаций кызытсе каҥашымашым 2022 ийыште кӱрылтшӧ тыныслыкын шуйнымыжо семын онча, тудын чыла кӱлешан компетенцийже да полномочийже уло[15]. Вияш каҥашымашын тӱҥ шонымашыже — ваштӱкнымашын тӱҥалтыш амалжым кораҥден, эррак але варарак кужу жапан тыныслыкым ыштымашке лекташ[16].

Тиде кечынак Турцийын йотэл паша министрже Хакан Фидан Российын делегацийже дене вашлиймашым эртарен[17].

15 май кастене ТАСС увертарен: Россий да Украине делегаций-влакын каҥашымашышт Стамбулышто 16 майыште тӱҥалеш[2]. Зеленскийын коммуникаций шотышто советникше Дмитрий Литвин увертарен: Украин могыр Стамбулыш 15 майыште пеш кастене гына толеш[18].

The Guardian-ын данныйже почеш, США лӱм дене Стамбулысо каҥашымашыште Госдепын политикым планироватлыме шотышто директоржо Майкл Антон лийын[19].

16 майыште тӱрлӧ формат дене вашлиймаш-влак эртеныт: Россий, Украин да Турций кокласе кум могыран каҥашымаш-влак, тыгак США-н — Украинын — Турцийын кум могыран вашлиймашышт[20], туштыжо США-н кугыжныш секретарьже Рубио ден Украине шотышто спецпосланник Кит Келлог участвоватленыт. Украин могыр гыч тушто президент офисым вуйлатыше Андрей Ермак ден йотэл паша шотышто министр Андрей Сибига лийыныт. Турций лӱм дене каҥашымашлаште йотэл паша министр Фидан лийын[21].

16 майыште Мединский Россий-Украин каҥашымаш тӱҥалме деч ончыч США-н еҥже-влак дене вашлиймашым эртарен[22].

Каҥашымашын эртымыже

2025 ий 16 майыште Россий, Турций да Украине делегаций-влакын каҥашымашышт Стамбулышто эртен. Вашлиймаш деч ончыч Турцийын йотэл паша шотышто министрже Хакан Фидан саламлыме мутым ойлен[23]:

«Тиде 2022 ий март гыч эл-влак кокласе икымше вашлиймаш. Ме тиде йӧным ончен лекшаш улына. Вараш кодмо кажне кече эшеат шалатымашке да катастрофыш конда. Сар умбакыже шуйнымо годымак тулым пытараш кӱлеш. Эн лишыл ошкылна-влакым ме чылан пырля палемдена. Тиде вашлиймаш эл-влакын лидерышт кокласе ончыкылык вашлиймашым палемда»[24].

Каҥашымаш тӱҥалме деч ончыч — Турцийын йотэл паша шотышто министрже Хакан Фиданын тӱҥалтыш мутшо

Россий да Украине кокласе каҥашымаш кок шагат наре[25] прессе деч посна шуйнен[26].

Лектыш

Каҥашымаш мучашлалтмек, Мединский Россий могырлан лектыш келшен да тудо умбакыже кылым шуяш ямде манын палемден[27], тылеч посна:

  • Россий ден Украине ончыкыжым тулым кузе чарышаш нерген шке ужмыштым радамлен ончыкташ кутырен келшеныт[28];
  • Украине делегаций кугыжаныш-влакын лидерышт кокласе вияш каҥашымашым йодын, Россий тидым шотыш налын[29];
  • лишыл кечылаште Россий ден Украине 1000-ым 1000-лан формат дене пленный-влакым вашталтат[30].

2025 ий 17 майыште США-н кугыжаныш секретарьже  (руш.) (мар. Марко Рубио дене телефон дене каҥашымаш годым РФ-ын йотэл паша шотышто министрже Сергей Лавров Украине йодышым тӧрлатымаш шотышто Российын умбакыже США дене пашам ышташ ямде улмыжым пеҥгыдемден. Тыгак тудо Киевлан Стамбулышто каҥашымашым уэш тӱҥалме нерген темлымашым налаш полшышо США-н рольжым палемден. Рубио шке черетешыже Вашингтонын умбакыжат Украине ваштӱкнымашым тӧрлатышаш йӧным кычалаш полшаш ямде улмыжым пеҥгыдемден[31]. Варарак кугыжаныш секретарь Путин ден Трампын 19 майыште телефон дене мутланымаш ямдылалтмышт да варарак кӱчык жапыште Россий ден США-н лидерыштын вашлиймашыштым организоватлыме нерген увертарен[32].

2025 ий 23 майыште РФ-н Минобороныжо пленный-влакым вашталтымым эртарыме нерген увертарен. Ведомствын уверже почеш, 16 майыште Стамбулышто кутырен келшымаш почеш, Киевын контрольыштыжо улшо кумдыкла гыч Российын 270 сарзыслужышыжым да 120 тыглай еҥым пӧртылтымӧ, нунын коклаште Украинын Сарзе вийжын Курск областьыште налме тынысле еҥ-влак лийыныт. Олмешыже Украинын Сарзе вийжылан 270 военнопленныйым да 120 тыглай еҥым пуымо[33].

2025 ий 24 майыште Российын 307 сарзыслужышыжо мӧҥгыжӧ пӧртылын, тынар еҥымак Украинын Сарзе вийжылан пуымо[34].

2025 ий 25 майыште Россий Минобороно увертарен: Киевысе режимын контрольыштыжо улшо кумдык гыч Российын эше 303 сарзыслужышыжым пӧртылтымӧ, вашеш Укаинын Сарзе вийжын 303 военнопленныйжым пуымо[35]. Тыге, пленный-влакым тӱжемлан тӱжемым формул почеш вашталтымаш мучашлалтын.

Российын делегацийже

14 май кастене Владимир Путин Стамбулысо каҥашымашыште Россий делегацийын составшым пеҥгыдемден. Тудым РФ президентын полышкалышыже Владимир Мединский вуйлатен[36]. Тудак 2022 ийыште Россий каҥашыше-влакын вуйлатышышт лийын[37]. Делегаций составыш тыгак пуреныт:

  • РФ МИД вуйлатышын алмаштышыже Михаил Галузин,
  • РФ ВС Генштаб начальникын алмаштышыже Игорь Костюков,
  • Обороно министрын алмаштышыже Александр Фомин[38].
Российын делегацийже (2025 ий 16 майыште вашмутланымаш)

Делегацийын тӱҥ членышт деч посна, Стамбулышто Российым ныл эксперт ончыктен:

  • Генштаб управленийын информаций начальникшын икымше алмаштышыже Александр Зорин,
  • РФ президентын Гуманитар сферыште кугыжаныш политике шотышто управлений начальникын алмаштышыже Елена Подобреевская,
  • Россий МИД-ын СНГ эл-влак шотышто Кокымшо департаментшын директоржо Алексей Полищук,
  • РФ Миноборонын Тӱнямбал сарзе вашкыл шотышто тӱҥ управленийын начальникын алмаштышыже Виктор Шевцов[39].

Украинын делегацийже

15 май кастене Владимир Зеленскийын офисше Стамбулысо каҥашымаште Украине делегацийын составшым увертарен[40]. Тудым обороно министр Рустем Умеров вуйлатен.

Украине делегаций (2025 ий 16 майысе каҥашымаш)

Тыгак делегацийыш пуреныт:

  • йотэл паша шотышто министрын икымше алмаштышыже Сергей Кислица,
  • СБУ председательын алмаштышыже Александр Поклад,
  • Эл ӧрдыжысӧ разведке службо председательын икымше алмаштышыже Олег Луговский,
  • ВСУ-н Генеральный штаб начальникшын алмаштышыже Алексей Шевченко,
  • Разведкын тӱҥ управлений начальникын алмаштышыже Вадим Скибицкий,
  • Юж вий командований штаб начальникын алмаштышыже Евгений Шинкарёв,
  • Сарзе-теҥыз вий командований штаб начальникын алмаштышыже Александр Дьяков,
  • ВСУ Генштабын Рӱдӧ юридический управленийжын тӱнямбал да операционный права управленийын начальникше Алексей Маловацкий,
  • ВСУ Генштабын Тӱҥ оперативный управленийжын кугурак офицерже Александр Шерихов,
  • ВСУ-н тӱҥ командующийжын обеспечений аппаратшын протоколлык офицерже Георгий Кузьмичев,
  • Украине президентын офисшым вуйлатышын советникше Александр Бевз[41].

Украине делегацийын кок технический участникше Стамбулысо каҥашымаш годым шылын куржын. Кӱшыл радын ончычсо депутатше Спиридон Килинкаровын увертарымыж почеш, кусарыше Головко ден секретарь-полышкалыше Самойленко мобилизаций деч утаралташ йӧн дене пайдаланеныт да Киевыш пӧртылын огытыл[42].

Реакций

2025 ий 17 майыште РФ президентын пресс-секретарьже Дмитрий Песков каласен: Владимир Путин ден Владимир Зеленскийын вашлиймашыштым Кремль лийын кертшылан шотла, «но лачак пашан лектышыж семын да кок могырын кутырен келшымышт годым могай-гынат лектышыш шумо годым»[43].

США-н президентше Дональд Трамп Владимир Путинын Украине дене вияш каҥашымашым уэш тӱҥалаш темлымыже нерген сай могырым каласен[44]:

«Тиде Россий ден Украинылан ала эн кугу кече. Тиде мучашдыме «пуштедылмаш» пытымеке, шӱдӧ тӱжем дене утаралтше илыш нерген шоналтыза. — Truth Social4»

Тыгак Трамп Украиным Стамбулышто каҥашымашлан «кызытак келшаш» ӱжын[45] да вашлиймашым эртараш кӱлешак манын пеҥгыдын каласен. Тыгак Стамбулыш шкенжынат толаш шонымыж нерген ойлен[46].

«Мыйын шонымаште, тушто кок лидержат (РФ-ын да Украинын — ред.) лийшаш улыт. Мый тушко чоҥешташ шоненам. Изарнян мый кушто лиям, ом пале, мыйын пеш шуко вашлиймаш уло, но тушко мый чынжымак чоҥештышаш шоненам. Тыгай йӧн уло манын шонем[47]».

Ончычсо американ разведчик да ООН-ын инспекторжо Скотт Риттер Путинын темлымашыжым «пеш чапле манёвр» манын[48]:

«Вияш каҥашымаш нерген темлымаш ончышаш радам гыч 30 кечаш ваш тыныслык нерген йодышым кораҥда. Мыйын шонымаште, тиде Владимир Путинын чапле манёвржо. Тудо Российлан инициативым пӧртылта, тудлан украин-европо-американ блоклан условийым диктоватлаш йӧным ышта, а блок тыгай ошкыллан ямде огыл да тидым ыштенжат ок керт».

2025 ий 19 майыште Путин ден Трампын мутланымашышт

Путин ден Трампын мутланымашышт (2025 май)  (руш.) (мар.

2025 ий 19 майыште Моско жап дене 17.00-лан Владимир Путин ден Дональд Трампын телефон мутланымашышт лийын, тудо Россий лидерын инициативыж почеш Стамбулышто 2025 ий 16 майыште тӱҥалше тыныс каҥашымашлан пӧлеклыме лийын[49]. Американ могырын каласымыже почеш, мутланымаш годым Украинысе ваштӱкнымаш  (руш.) (мар. деч посна кок элын экономикыште пашам пырля ыштымаш йодышымат тарватыме. Трампын умылтарымыж почеш, РФ-ын президентше дене мутланымек, тудо Украинысе политический вуйлатыше-влаклан да НАТО эл-влакын лидерыштлан йыҥгырташ кӱлмӧ нерген шона[50]. РФ ден США лидер-влакын кок шагат утла шуйнышо телефон мутланымашым Владимир Путин «конструктивный» манын. Российын президентше лийын кертшаш тынысле ойпидыш шотышто меморандум дене Моско ден Киев пашам ышташ тӱҥалыт манын палемден[51].

Палемдымаш

  1. ↑ Путин предложил прямые переговоры с Киевом 15 мая в Стамбуле, 11.05.2025, <https://www.rbc.ru/politics/11/05/2025/681fd8969a794790d795b2d2?>. Тергыме: 11 ага 2025. 
  2. ↑ 1 2 ТАСС: переговоры РФ и Украины в Стамбуле стартуют 16 мая, 2025-05-15, <https://tass.ru/politika/23956347>. Тергыме: 15 ага 2025. 
  3. ↑ Лавров анонсировал второй раунд переговоров между РФ и Украиной в Стамбуле, 2025-05-28, <https://iz.ru/1894506/2025-05-28/lavrov-anonsiroval-vtoroi-raund-peregovorov-mezhdu-rf-i-ukrainoi-v-stambule>. Тергыме: 29 ага 2025. 
  4. ↑ Российская делегация вылетела в Стамбул на переговоры с Украиной, 2025-06-01, <https://www.rbc.ru/politics/01/06/2025/683c4ab29a79477b4a7c186c>. Тергыме: 1 пеледыш 2025. 
  5. ↑ Прямые переговоры без промедления и условий в Стамбуле. Главные заявления Путина, 11.05.2025, <https://tass.ru/politika/23910001>. Тергыме: 11 ага 2025. 
  6. ↑ Заявление Президента России для СМИ, 11.05.2025, <http://www.kremlin.ru/events/president/news/76899>. Тергыме: 11 ага 2025. 
  7. ↑ Путин обсудил с Эрдоганом свою инициативу возобновления переговоров с Киевом, 2025-05-11, <https://tass.ru/politika/23912331>. Тергыме: 11 ага 2025. 
  8. ↑ Зеленский заявил, что будет ждать Путина в Турции, 2025-05-11, <https://ria.ru/20250511/zelenskiy-2016382371.html>. Тергыме: 11 ага 2025. 
  9. ↑ В Турции заявили, что не знают о планах Зеленского посетить страну, 2025-05-11, <https://ria.ru/20250511/turtsiya-2016384022.html>. Тергыме: 11 ага 2025. 
  10. ↑ От Владимира Путина ждут участия. Как идет подготовка к встрече РФ и Украины в Стамбуле, 2025-05-17, <https://www.kommersant.ru/doc/7714111>. Тергыме: 13 ага 2025. 
  11. ↑ Трамп: Рубио и другие эмиссары США полетят на встречу по Украине в Стамбуле, <https://tass.ru/mezhdunarodnaya-panorama/23932077>. Тергыме: 13 ага 2025. 
  12. ↑ Песков рассказал о совещании у Путина по переговорам с Украиной, 2025-05-15, <https://www.rbc.ru/politics/15/05/2025/682583389a794719a14c0ddc?>. Тергыме: 15 ага 2025. 
  13. ↑ Стали известны время и место переговоров России и Украины в Стамбуле, 2025-05-15, <https://www.rbc.ru/politics/15/05/2025/682573469a79476e2b2754c4?>. Тергыме: 15 ага 2025. 
  14. ↑ Начало переговоров в Стамбуле запланировано на 10 утра - Российская газета, 2025-05-15, <https://rg.ru/2025/05/15/nachalo-peregovorov-v-stambule-zaplanirovano-na-10-utra.html>. Тергыме: 15 ага 2025. 
  15. ↑ Мединский высказался о делегации России в Стамбуле, 2025-05-15, <https://ria.ru/20250515/medinskiy-2017175337.html?in=l>. Тергыме: 15 ага 2025. 
  16. ↑ Мединский назвал цель прямых контактов с Украиной, 2025-05-15, <https://tass.ru/politika/23955111>. Тергыме: 15 ага 2025. 
  17. ↑ ТАСС: в Стамбуле началась встреча главы МИД Турции с российской делегацией, 2025-05-15, <https://tass.ru/politika/23956859>. Тергыме: 15 ага 2025. 
  18. ↑ Украинская делегация приедет в четверг вечером, заявил советник Зеленского, 2025-05-15, <https://ria.ru/20250515/ukraina-2017203209.html>. Тергыме: 15 ага 2025. 
  19. ↑ The Guardian узнала имя представителя США на переговорах России и Украины, <https://www.rbc.ru/politics/16/05/2025/6826e4519a7947d322687ef5?from=newsfeed>. Тергыме: 16 ага 2025. 
  20. ↑ ТАСС: 16 мая в Стамбуле намечена трехсторонняя встреча Турции, России и Украины, 2025-05-15, <https://tass.ru/mezhdunarodnaya-panorama/23957195>. Тергыме: 15 ага 2025. 
  21. ↑ ТАСС: в Стамбуле завершилась встреча представителей Турции, США и Украины, 2025-05-16, <https://tass.ru/mezhdunarodnaya-panorama/23961787>. Тергыме: 16 ага 2025. 
  22. ↑ Мединский встретился с представителями США в Стамбуле, 2025-05-16, <https://www.kommersant.ru/doc/7733357?>. Тергыме: 16 ага 2025. 
  23. ↑ Встреча представителей России, Украины и Турции началась в Стамбуле. 1tv.ru (16 ага 2025). Тергыме кече: 16 ага 2025.
  24. ↑ Полная расшифровка слов главы МИД Турции перед переговорами, 2025-05-16, <https://www.rbc.ru/politics/16/05/2025/68271a349a7947a3c84cfde3?ysclid=maqrfsrofz830427109>. Тергыме: 16 ага 2025. 
  25. ↑ Встреча российской и украинской делегаций в Стамбуле завершилась, 2025-05-16, <https://ria.ru/20250516/peregovory-2017391029.html?ysclid=maqrxbz7v53356043>. Тергыме: 16 ага 2025. 
  26. ↑ Переговоры России и Украины проходят без прессы, 2025-05-16, <https://ria.ru/20250516/peregovory-2017358494.html?ysclid=maqos3dohc973769417>. Тергыме: 16 ага 2025. 
  27. ↑ Мединский: РФ удовлетворена результатом переговоров и готова продолжать контакты, 2025-05-16, <https://www.kommersant.ru/doc/7733558?ysclid=maqut51z4z507240231>. Тергыме: 16 ага 2025. 
  28. ↑ Мединский: РФ и Украина представят свое видение возможного прекращения огня, 2025-05-16, <https://tass.ru/politika/23965997?ysclid=maquqk7mgx744211836>. Тергыме: 16 ага 2025. 
  29. ↑ Мединский: Украина запросила прямые переговоры между Зеленским и Путиным, 2025-05-16, <https://www.kommersant.ru/doc/7733554?ysclid=maquro01yz246798322>. Тергыме: 16 ага 2025. 
  30. ↑ Мединский подтвердил подготовку крупнейшего обмена пленными с Украиной, 2025-05-16, <https://www.rbc.ru/politics/16/05/2025/682739a59a79476525f1857e?ysclid=maqupxgaqx5576201>. Тергыме: 16 ага 2025. 
  31. ↑ Лавров и Рубио обсудили итоги переговоров в Стамбуле, 2025-05-17, <https://ria.ru/20250517/peregovory-2017572482.html>. Тергыме: 17 ага 2025. 
  32. ↑ Рубио заявил о желании Трампа встретиться с Путиным как можно скорее, 2025-05-17, <https://www.rbc.ru/politics/17/05/2025/6828e3439a7947114d1f5c1a?>. Тергыме: 17 ага 2025. 
  33. ↑ Россия вернула из плена 270 военных и 120 гражданских, 2025-05-23, <https://tass.ru/armiya-i-opk/24031749>. Тергыме: 23 ага 2025. 
  34. ↑ Россия и Украина обменялись пленными по стамбульской договоренности, <https://www.rbc.ru/politics/24/05/2025/6831a0ee9a794708d7c858f9?from=newsfeed>. Тергыме: 24 ага 2025. 
  35. ↑ Россия и Украина завершили обмен пленными по формуле 1000 на 1000, 25.05.2025, <https://ria.ru/20250525/plennye-2018955485.html>. Тергыме: 25 ага 2025. 
  36. ↑ Путин утвердил состав делегации России на переговорах с Украиной, 14..05.2025, <https://tass.ru/politika/23944355>. Тергыме: 15 ага 2025. 
  37. ↑ Путин утвердил состав российской делегации на переговорах в Стамбуле, 14.05.2025, <https://www.rbc.ru/politics/14/05/2025/6824f6239a794753a3e8e1da>. Тергыме: 15 ага 2025. 
  38. ↑ Путин утвердил состав делегации для переговоров с Украиной в Стамбуле, 2025-05-14, <https://iz.ru/1886454/2025-05-14/putin-utverdil-sostav-delegatcii-dlia-peregovorov-s-ukrainoi-v-stambule>. Тергыме: 15 ага 2025. 
  39. ↑ Кто вошел в переговорную группу России в Стамбуле. Инфографика, 14.05.2025, <https://www.rbc.ru/politics/15/05/2025/6824fd679a7947a32cdf8b46>. Тергыме: 15 ага 2025. 
  40. ↑ Зеленский утвердил состав делегации для переговоров с РФ в Стамбуле, 2025-05-15, <https://iz.ru/1886998/2025-05-15/zelenskii-utverdil-sostav-delegatcii-dlia-peregovorov-s-rf-v-stambule?main_click>. Тергыме: 15 ага 2025. 
  41. ↑ Состав делегации Украины для участия в переговорном процессе с РФ в Стамбуле, 2025-05-15, <https://tass.ru/mezhdunarodnaya-panorama/23957147>. Тергыме: 15 ага 2025. 
  42. ↑ Килинкаров: члены украинской делегации сбежали в Стамбуле от мобилизации, 19.05.2025, <https://aif.ru/society/kilinkarov-chleny-ukrainskoy-delegacii-sbezhali-v-stambule-ot-mobilizacii>. Тергыме: 20 ага 2025. 
  43. ↑ В Кремле назвали условие для встречи Путина и Зеленского, 2025-05-17, <https://ria.ru/20250517/vstrecha-2017545136.html>. Тергыме: 17 ага 2025. 
  44. ↑ Трамп приветствовал предложение Путина возобновить прямые переговоры с Украиной, 11.05.2025, <https://tass.ru/mezhdunarodnaya-panorama/23910679>. Тергыме: 11 ага 2025. 
  45. ↑ Трамп потребовал от Украины немедленно согласиться на переговоры с Россией, 2025-05-11, <https://ria.ru/20250511/tramp-2016379089.html>. Тергыме: 11 ага 2025. 
  46. ↑ Трамп допустил свой визит в Стамбул во время встречи делегаций России и Украины - Газета.Ru | Новости, 2025-05-12, <https://www.gazeta.ru/politics/news/2025/05/12/25763078.shtml>. Тергыме: 12 ага 2025. 
  47. ↑ Трамп допустил поездку в Стамбул в четверг, 2025-05-12, <https://ria.ru/20250512/tramp-2016548689.html>. Тергыме: 12 ага 2025. 
  48. ↑ В США назвали предложенные Путиным прямые переговоры Киеву блестящим маневром, 2025-05-11, <https://iz.ru/1884361/2025-05-11/analitik-nazval-predlozhennye-putinym-priamye-peregovory-kievu-blestiashchim-manevrom>. Тергыме: 11 ага 2025. 
  49. ↑ Мир по телефону, 2025-05-18, <https://www.kommersant.ru/doc/7734527>. Тергыме: 19 ага 2025. 
  50. ↑ Песков подтвердил, что телефонный разговор Путина с Трампом готовится, 17.05.2025, <https://tass.ru/politika/23972707?ysclid=matoocv7oz790869722>. Тергыме: 19 ага 2025. 
  51. ↑ Заявление Путина после разговора с Трампом. Текст, <https://www.rbc.ru/politics/19/05/2025/682b64b19a7947e58b73e904?from=newsfeed>. Тергыме: 19 ага 2025. 
"https://mhr.ruwiki.ru/w/index.php?title=Россий_ден_Украинын_вашмутланымашышт_(2025)&oldid=1231459" гыч налме