Россий Элгӧргӧ паша министерствын штаб подразделенийже-влакын кечышт
Россий Элгӧргӧ паша министерствын штаб подразделенийже-влакын кечышт — Россий ЭПМ-ын штаб пашаеҥ ден служитлыше-влакын профессионал пайремышт. Ий еда 7 октябрьыште палемдалтеш.
Историй ден пайремлымаш
Тиде кечын 1918 ийыште НКВД Пашазе-кресаньык милицийын тӱҥ управленийыштыже Инструктор ден Информаций пӧлкам ыштыме. Изиш варарак нине подразделений-влак инструктор-инспектор пӧлкаш ушненыт, тудыжо эн ондак совет Российыште 1919 ий мучаште чумырымо Тӱҥ инспекцийын милиций управлений кышкарышкыже пурен. 1934 ийыште СССР-ын элгӧргӧ паша шотышто калык комиссариатым почмо деч вара, НКВД-ын Тӱҥ инспекцийже ышталтын, тудо 23 ий пашам ыштен да 1957 ийыште петыралтын. 1960-шо ийла мучаш гыч 1980 ийла марте штаб службо ятыр реформым чытен: 1968 ий гыч 1969 ий марте шотаҥдарыме-инспектор подразделений-влакым чыла вере ыштыме, а 1971–1972 ийлаште нуным штабыш савырыме. 1982 ий мучашлан штабысе подразделений-влак элгӧргӧ паша министерствыште да управленийлаште пашам ыштеныт[1].
Свердловск кундем ГУВД-ын штаб вуйлатышыже милиций генерал-майор Александр Первухин 2008 ийыште «Россий Федерацийын элгӧргӧ паша министерствыжын штаб подразделенийже-влакым ыштыме кечын» тыге каласен:
Икымше тукымысо штаб пашаеҥ-влакын пашам сайын ыштымышт службын сайын вияҥашыже негызым пыштен, чаплӱмым да пагалымашым сулен.
Первухин тыгак штаб-влакын тенийысе верыштым палемден да ончыкылык корным рашемден:
Кызыт штаб-влак ОВД-ын ойыраш лийдыме ужашыже улыт, тиде рӱдер ончыкылык паша радамын йӧнжӧ ден кузе эртышашыжым келгын шымлен лончыла [2].
Тиде кечын штаб подразделенийласе эн сай пашаеҥ-влакым кугыжаныш награде дене суапландарат[3].
Палемдымаш
- ↑ День штабных подразделений МВД России — 7 октября. История и особенности праздника в проекте праздники 2010 год
- ↑ Сайт МВД :: Новости :: Штабные подразделения Свердловской области отметили профессиональный праздник
- ↑ Штабным подразделениям в системе МВД России исполняется 89 лет / ГУВД Красноярского края — официальный сайт Главного управления внутренних дел Красноярского края: новости, руковод … (недоступная ссылка)