Республикысе руш тӱвыра рӱдер
| Республикысе руш тӱвыра рӱдер | |
|---|---|
 | |
 | |
| Организацийын типше | кугыжаныш тӧнеж[d] |
| Негызлыше | Марий Эл Республикын тӱвыра, печать да калык-влакын пашашт шотышто министерствыже |
| Вуйлатыше | |
| Директор | Наталия Егоровна Наумова |
| Ыштымаш | |
| Ыштыме кече | 15 теле 1997 |
| Сайт | centruskult.ru |
 |
|
Респу́бликысе руш тӱвыра́ рӱдéр (руш. Республиканский центр русской культуры) — Марий Эл Республикын кугыжаныш бюджет тӱвыра тӧнежше. 1997 ий 15 декабрьыште почылтын. Марий Эл Республикын тӱвыра, печать да калык-влакын пашашт шотышто министерствыже кышкарыште улеш[1].
Паша
Рӱдерын тӱҥ пашаже-влак коклаште тыгайым палемдаш лиеш: Марий Эл Республикыште илыше тӱрлӧ калык коклаште ваш умылымашым аралымаш да пеҥгыдемдымаш, руш да славян калык-влакын тӱвыра да чон поянлыкыштым саклымаш, калык йӱлам вияҥдымаш. Рӱдер регионышто, тыгак тудын деч ӧрдыжтат кугыжаныш струтур, туныктыш тӧнеж да мер ушем-влак дене кылым куча. Поснак кугу тӱткыш усталык коллектив-влакым вияҥдымашлан, студий, тунемме рӱдер да мастаргудо-влаклан констультаций полышым пуымылан, самырык-влакын усталыкыштым вияҥдаш сай йӧным ыштымылан ойыралтеш[2].
Тыгак рӱдерын пашаже калык-влак кокласе славян тӱвыра институт, ассоциаций-влак дене кылым ыштымаш да моштымашым шарымаш, тӱнямбал калык-влак дене кылым кучымаш дене кылдалтын. Рӱдер фестивальым, ончерым, конференцийым, семинар да усталык лабораторий-влакым эртара, руш тӱвыра йӱлам чапландарымашке виктаралтше проект-влакым илышыш шыҥдара.
Рӱдерын пашаеҥже-влак Йошкар-Олан да уло республикын илышыжым калыкле руш тӱвыран поянлыкше да тӱрлылыкшӧ дене палдарат, тӱвыра югыпогым аралыме да шинчымашым шарыме программе-влакым вияҥдат[2].
Рӱдер пашам ыштыме ийлаштыже шке йырже калык ойпого да кидпаша дене илыше мастаръеҥым, тӱрлӧ еш ансамбльым, коллективым да артист-влакым чумырен. Тыште тунемме курс-влак эртат, лекций-влак лудыт, руш сымыктыш да уш-акыл усталык пашан эн сайжым палемден ончыкташ площадке-влак ойыралтыт.
Вуйлатыше
- Наумова Наталия Егоровна (2005 ий — таче кече марте)[3].
Палемдымаш
- ↑ Республиканский центр русской культуры г. Йошкар-Олы (руш.). Культура.РФ. Тергыме кече: 23 кылме 2025.
- ↑ 1 2 Республиканский центр русской культуры - официальный сайт - 20лет. centruskult.ru. Тергыме кече: 23 кылме 2025.
- ↑ Республиканский центр русской культуры, 2025-03-30, <https://kidsher.ru/ru/dossier/51590/>. Тергыме: 23 кылме 2025.
Кылвер-влак
 |
|---|
