Отинова, Ксения Владимировна
| Ксения Отинова | |
|---|---|
 | |
| Шочмо годсо лӱм | Отинова Ксения Владимировна |
| Шочмо кече | 7 пургыж 1994 (32 ий) |
| Шочмо вер | |
| Гражданлык |
 Россий |
| Тунеммаш | |
| Профессий | актрисе |
| Карьере | 2020 — кызытсе жап марте |
Ксения Владимировна Отинова (шоч. 7 пургыж 1994, Кудымкар) — российысе театр да кино актрисе, Максим Горький лӱмеш Коми-Пермяк калыкле драме театрын актрисыже.
Илыш корныжо
1994 ий 7-ше февральыште Кудымкар олаште шочын. Пешнигорт ялеш кушкын. 2009-ше ийыште Пешнигорт кыдалаш школым тунем пытарен. Кудымкар педагогический колледжыште тунемын. Тудым 2014-ше ийыште «англичан йылме туныктышо» специальность дене тунем пытарен[1].
Пермь кугыжаныш тӱвыра институтыш тунемаш пурен. Режиссур факультетыште тунемын (Россий Федерацийын сулло артистше Виктор Узунын курсшо). Тудым 2019-ше ийыште тунем пытарен да МХАТ Школ-студийын режиссёр-влаклант магистратурышкыжо тунемаш пурен[1].
2020-шо ийыште икымше гана киношто войзалтын, «Территория» сериалыште тӱҥ рольым (Таня студентке) модын[1][2]. Сериалым кокымшо сезонлан шуйымо, Ксениян модмо рольжым кодымо[3][4]. Тудым 2023-шо ийыште луктыныт.
2021-ше ийыште Пермьыште войзымо «Иллюзии» фильм-спектакльыште тӱҥ рольым модын[5].
2021-ше ий гычак Максим Горький лӱмеш Коми-Пермяк театрыште пашам ышта. Спектакльлаште руш да коми-пермяк йылме дене модеш.
2023-шо ийыште «Кафе Куба» сериалыште рольым модын. Тиде жапыштак «Урок» сериал войзымаште пашам ыштен (Юрий Борисов ден пырля).
2025 ийыште Кудымкарыште «Мох» лӱман шке театрал тӱшкам поген. 2025 ий ага тылзын 29-ше кечыштыже Кудымкарысе Изъюр курыкышто «Косьны» (кусартыште «Кошкаш») лӱман шке икымше спектакльжым ончыктен[6].
Театр роль-влак
Коми-Пермяк театр спектакльлаште коми-пермяк да руш йылме дене модеш.
- Кугезе уныка — «Репка. Сказка о роде в огороде» (Дарья Левингерын пьесыж почеш, реж. Юлия Беляева);
- Софья — «Недоросль» (Денис Фонвизинын комедийже почеш, реж. Фамил Джавадов);
- Зинаида — «Дядюшкин сон» (Достоевский почеш, реж. Юлия Беляева);
- Изи шӱдыр, лумӱдыр сынан — «Ёжикина ёлка» (Сергей Козлов почеш, реж. Юлия Беляева);
- Зарань — «Зарни Инь. Золотая Баба» (Наталья Макарован пьесыж почеш, реж. Ирина Ткачук);
- Кете — «Войцек» (Георг Бюхнер почеш, реж. Юлия Беляева).
Фильмографий
| Ий | Лӱм | Роль | |
|---|---|---|---|
| 2020-2023 | с | Территория | Таня |
| 2021 | ф | Иллюзии | Сандра |
| 2023 | с | Кафе «Куба» | Соколова |
| 2024 | с | Урок | Лиза |
Суаптар-влак
- «Самырык актрисын эн сай рольжо» премий — Достоевскийын «Дядюшкин сон» повестьше почеш шындыме спектакльыште Зинаидан рольжылан да Наталья Макарован «Зарни Инь. Золотая Баба» пьесыже почеш шындыме спектакльыште Заранян рольжылан (2022)[7].
Палемдымаш
- ↑ 1 2 3 Константин Седегов. Ксения Отинова о съёмках в Территории: “…они практически стали мне семьёй”. Парма-Новости (21 шыжа 2020). Тергыме кече: 7 сӱрем 2025.
- ↑ Юлия Шелковенко. Ксения Отинова: “Девочка с палкой” из “Территории” - это я. Московский комсомолец-Крым (8 кылме 2020). Тергыме кече: 7 сӱрем 2025.
- ↑ Елена Третьякова. Тайны сериала «Территория»: В коми-пермяцких деревнях до сих пор живут колдуны. Комсомольская правда-Пермь (3 ӱярня 2023). Тергыме кече: 7 сӱрем 2025.
- ↑ Ольга Якунчева. «Сюжет достаточно жуткий»: звезда сериала «Территория» Ксения Отинова рассказала о новом сезоне, который снимали в Прикамье. 59.ru (18 теле 2022). Тергыме кече: 7 сӱрем 2025.
- ↑ Вероника Свиязева. В декабре в Перми пройдут премьеры спектакля и фильма-спектакля по пьесе Вырыпаева «Иллюзии». 59.ru (15 кылме 2021). Тергыме кече: 7 сӱрем 2025.
- ↑ Анастасия Киреева. В Кудымкаре появился независимый театр «МОХ». Театръ (11 пеледыш 2025). Тергыме кече: 7 сӱрем 2025.
- ↑ Ксения Отинова • Коми-Пермяцкий национальный драматический театр (неопр.). teatrkpo.ru. Тергыме кече: 2 шыжа 2025.
Кылвер-влак
- Ксения Отинова йылісь Коми-Пермяцкий национальный драматический театр им. М. Горького (Видзӧтан кад 2025-07-07)