Олман кечыже (Великобританий)
| Олман кечыже | |
|---|---|
 | |
| Тӱрлылык | официалдыме пайрем |
| Вес семын | Apple Day |
| Ышталтын | «Common Ground» |
| Палемдат | Великобританий |
| Кече | 21 шыжа |
| Йӱла | Эн кужу шӱмлан конкурс — «The Longest Peel Competition», пикш гыч олмаш лӱйкалымаш |
 Медиафайлы на РУВИКИ.Медиа | |
Олман кечыже (англ. Apple Day) — официалдыме пайрем, кудыжо ий еда Великобританийыште 21 октябрьыште (але ты кечылан лишыл каныш кечын) эрта[1].
Великобританийыште «Олман кечыжым» пайремлымаш да историй
Великобританийыште тиде пайремым икымше гана 1990 ийыште Тӱтыран Альбионын поро кумылым ончыктышо ик организацийжын «Common Ground» темлымыж почеш эртареныт. Пайрем «Олма кече» маналтеш гынат, тудо олмалан веле огыл пӧлеклалтын, тудо чыла емыж-саскам авалтен, тыгак верысе отролаште сылне вер-шӧрлан пӧлеклалтын.
Тиде пайремым ямдылыше-влак олмаште тӱнясе тӱрлылыкын иктешлыше моторлык сынжым ужыныт да айдеме йырым-ваш мо ышталтмым шке вий-куатше дене тӧрлен кертшаш ман шоненыт. Библийысе Евам шарналташ гын, нунын шонымашышт утларак раш почылтеш — айдемын илышыжым кугун вашталтыше «чарыме саска» гай вес саска лийын огыл.
Пайрем мыняр-гынат ярминга сынан, утларак олма дене кылдалтше, кушто шӱдо наре тӱрлӧ олмам тамлен ончаш лиеш, (южо олмаже кевытласе ужалымаште йылт лийын ок керт), тыгак нуным шке садыштыже але пӧрт воктене ончен-кушташ важыквожым налаш лиеш. Олмапум ончаш гына тӱҥалше-влак «Олма кечын» олмам ончен-куштымо шотышто йодыш-влаклан тичмаш вашмутым налын кертыт.
Пайремыште олма дене кӱэштме ятыр тӱрлӧ кулинар сийымат тамлен ончаш лиеш, южыжын рецептшым налаш да вараракше мӧҥгыштӧ кӱэшт ончаш сай амал уло.
Ты пайремын йӱла атрибутшо семын тӱрлӧ «олма конкурс»-влак эртат, мутлан, олмам пикш дене лӱйкалымаш але олмам эрыктымаш, кушто эн кужу шӱмым пӱчкын кертше еҥ сеҥышыш лектеш.
Южо интернет-сайт-влак «Олма кечым» (англичан коронын подданныйже дене палемдыме) «Олман тӱнямбал кечыже» манашат вашкат[2]. Тачысе кечылан тиде лӱм йоҥылыш гынат, тудо, чынак, ончык мо лийшашым каласен кодымо лийын кертеш. Тыге, США-нат шке «Олма кечыже» уло, тудо ий еда 20 февральыште палемдалтеш.
Тыгак ончо
Палемдымаш
- ↑ en:Apple Day
- ↑ ВСЕМИРНЫЙ ЯБЛОЧНЫЙ ДЕНЬ Архивысе копий 16 теле 2010 гыч
Кылвер-влак
- «День яблока» в Великобритании
- «День яблока» в США (недоступная ссылка)