Миримский, Израиль Владимирович

Израиль Владимирович Миримский
Израиль Владимирович Миримский
Шочмо кече	17 (30) кылме 1908
Шочмо вер	Жудилово[d], Староселье волость[d], Мглин уезд[d], Чернигов губерний[d], Россий империй;
Колымо кече	27 идым 1962 (53 ий)
Колымо вер	Моско, СССР;
Эл	Россий империй; СССР;
Шанче алан	литературоведений
Паша вер	В. И. Ленин лӱмеш Москосо кугыжаныш педагогике институт; Н. К. Крупская лӱмеш марий кугыжаныш педагогике институт
Образований	Москосо кугыжаныш педагогике институт[d];
Шанче степень	филологий шанче кандидат
Шанче званий	доцент
Шанче вуйлатыше	Ф. П. Шиллер
Палыме	филолог, литературовед, кусарыше, редактор
Награде ден премий-влак

Изра́иль Влади́мирович Мири́мский (17 [30] кылме 1908, Жудилово^[d], Чернигов губерний^[d] — 27 идым 1962, Моско) — совет литературовед, кусарыше. Филологий шанче кандидат, доцент. Фридрих Шиллерын «Ода к радости» произведенийжым руш йылмыш кусарен.

Илыш корныжо

Шуко шочшан нужна еврей ешеш шочын. Ачаже, Веле Миримский (1857—1937), чодыра складште грузчиклан пашам ыштен да, южо данный почеш, раввин лийын. Аваже, Фрума Миримская (1869—1955), суртоза (латкум йочам ыштен, кандашыже илыше кодын)^[2].

1926 ийыште Почеп олаште школым тунем пытарен, сылнымут ден руш йылмым туныктышо Е. Т. Дмитровская дене тунемын. Лудмо пӧртыштӧ книгагудызылан, вара ялысе туныктышылан пашам ыштен. Почеламутым возен, нуным Почеп уездысе газетыште савыктен. 1936 ийыште В. И. Ленин лӱмеш Москосо кугыжаныш педагогике институтын (руш.) (мар. сылнымут факультетшым тунем пытарен. Ф. П. Шиллерын вуйлатымыж почеш 1936 ийыште «Э.-Т. Гофманын романтизмже» теме дене кандидатлык диссертацийым арален. Аспирантурым тунем пытарымеке, Н. К. Крупская лӱмеш Марий кугыжаныш педагогике институтышто туныктышылан пашам ыштен. 1938 ийыште Москошко пӧртылын, доцент чаплӱмым налын.

1942 ий кеҥеж гыч — Кугу Ачамланде сарын фронтлаштыже рядовой: Сталинград, Белоруссий, Литва, Эрвел Пруссий. Сарыш рядовой семын каен да Кёнигсберг марте шуын. 1943 ийыште ВКП(б)-ш пурен^[3]. Кокымшо тӱнямбал сар жапыште фронтышто тудын изаже Наум Миримский (1910—1944) колен, а 1942 ийыште Унеченский геттошто тудын вес изажым, Яков Миримскийым (1897 ийыште шочын), Софья пелашыже да кок ӱдыржӧ дене пырля лӱен пуштыныт: Зинаида (1924 ийыште шочын) да Галина (1930 ийыште шочын). Нунын лӱмышт Яд ва-Шем тоштерын данный базышкыже пуртымо.

Сар деч вара илыш мучкыжо МКПИ-н заочный отделенийыштыже туныктен, тыгодымак Кугыжаныш художественный сылнымут савыктышыште йот элласе сылнымут редактор лийын. Пастернак, Светлов да моло поэт-влак дене келшен^[4]. Ик студенткыже (Павловна Озерская, 1917—1984) тудын ватыже лийын. Нунын кок йочашт лийын: Елена Израилевна Миримская (11.11.1936 — 20.08.2015) да Мириам (Марина, Мира) Израилевна Миримская (06.07.1938 — январь 2009). Елена Израилевна деч кок ӱдыр кодын: Соркина Юлия Марковна да Кабаева Светлана Валерьевна (шочмыж годсек ДЦП дене орлана, почеламутым воза да путешествоватлаш йӧрата). Мириам Миримская деч Дмитрий Александрович Врона эргыже кодын^[2].

1962 ий 27 сентябрьыште Москошто колен^[5].

И. В. Миримский ешыж дене

Усталык

Колымекыже лукмо «Статьи о классиках» (1966) сборникыш пурышо Даниэль Дефон, Генрих Гейнен, Э. Т. А. Гофманын, Генрих Маннын усталыкышт нерген паша-влакын авторжо. Поэзийым немыч (Гёте, Шиллер, Г. Верт (Веерт)), венгр (Петефи), румын (Тудор Аргези) йылмыла гыч кусарен.

Ойырен налме публикаций-влак

Реализм Дефо // Реализм XVIII века на Западе. — М., 1936.
Романтизм Э. Т. Гофмана // Учёные записки кафедры истории всеобщей литературы МГПИ имени В. И. Ленина. — М., 1937. — Вып. 3.
Книга для чтения по русскому языку. Для марийской неполной средней и средней школы. Для 6 класса. — Ч. 2. — М., 1938.
То же. 2-е изд. доп. — М., 1939.
Немецкая поэзия революции 1848 года. — М., 1948. [Сборник] (Редакция, предисловие и комментарий, составитель, автор вступительной статьи и переводчик).
Эссе-предисловие // Вольтер. Царевна вавилонская. — М., 1955.
Предисловие // Гёте. Страдания юного Вертера. — М., 1957.
Генрих Манн (1871—1950) : [Очерк жизни и деятельности] // Манн Г. Сочинения. В 8 т. — Т. 1. — М., 1957. — С. 5—53.
Статьи о классиках (Дефо. Вольтер. Гёте. Гофман. Гейне. Немецкие поэты революции 1848 года. Генрих Манн) / [Предисловие А. Аникста]. — М., 1966.

Палемдымаш

↑ ¹ ² ³ ⁴ Краткая литературная энциклопедия (руш.) — М.: Советская энциклопедия, 1962.
↑ ¹ ² «Вспомним всех поимённо»: Светлой памяти Израиля Владимировича Миримского (17/30.11.1908 – 27.09.1962) | Главный портал МПГУ (англ.). mpgu.su. Тергыме кече: 11 теле 2025.
↑ Подвиг народа (неопр.). podvignaroda.ru. Тергыме кече: 11 теле 2025.
↑ Миримский Израиль Владимирович (англ.). Главный портал МПГУ. Тергыме кече: 11 теле 2025.
↑ Миримский И.В. - краткая биография (руш.). chinese-poetry.ru. Тергыме кече: 11 теле 2025.

Литератур

Аникст А. А. Миримский Израиль Владимирович // Краткая литературная энциклопедия. — М., 1967. — Т. 4. — Ст. 856.
Аникст А. Предисловие // Миримский И. В. Статьи о классиках. — М., 1966. — С. 3-8.
Дмитровская Е. Т. Шли годы. — Калининград, 2006.

Кылвер-влак

Израиль Миримский.

[_67307d99d09622e3-1] ¹ ² ³ ⁴ Краткая литературная энциклопедия (руш.) — М.: Советская энциклопедия, 1962.

[:0-2] ¹ ² «Вспомним всех поимённо»: Светлой памяти Израиля Владимировича Миримского (17/30.11.1908 – 27.09.1962) | Главный портал МПГУ (англ.). mpgu.su. Тергыме кече: 11 теле 2025.

[3] Подвиг народа (неопр.). podvignaroda.ru. Тергыме кече: 11 теле 2025.

[4] Миримский Израиль Владимирович (англ.). Главный портал МПГУ. Тергыме кече: 11 теле 2025.

[5] Миримский И.В. - краткая биография (руш.). chinese-poetry.ru. Тергыме кече: 11 теле 2025.

[1]

[2]

[3]

[4]

[5]