Йочалык книга карте
| Йочалык книга карте | |
|---|---|
 | |
| Тӱҥалме жап | 2026 ий |
| Вер |
 Россий |
| Амал | тиде школыш коштдымо ийготан йоча-влаклан пӧлеклалтше кугыжаныш программе |
| Ушнышо-влак | 3 гыч 6 ияш марте йоча-влак |
Йочалык книга карте (руш. Детская книжная карта) — тиде школыш коштдымо ийготан йоча-влаклан пӧлеклалтше кугыжаныш программе. Тудым 2025 ий 5 июньышто Руш йылмым да Россий калык-влакын йылмыштым аралыме шотышто кугыжаныш политикым шыҥдарыше Каҥашын мутланымаштыже Российын президентше Владимир Путин темлен[1]. Программе 2026 ий гыч шыҥдаралташ тӱҥалеш[2]. 3 тӱжем теҥгеаш номиналан карте 3 гыч 6 ияш марте йоча-влаклан пӧлеклалтеш[3]. Тудо эксперт ушем сайлан шотлен, лу деч шагал огыл книгам налаш йӧным ышта[4].
Эртымгорно
2025 ий 5 июньышто Руш йылмым аралтыме шотышто кугыжаныш политикым шыҥдарыше Каҥашын мутланымаштыже Российын президентше Владимир Путин «Пушкин карте» семынак «Йоча книга картым» ышташ темлен[1]. Кугыжаныш вуйлатын шонымыж почеш, тудын номиналже кум тӱжем теҥге лийшаш, да тудо кумыт гыч куд ияш марте йоча-влаклан пӧлеклалтеш — литератор, психолог да школ деч ончычсо шинчымашым пуышо пашаеҥ-влакын сайлан шотлымо книгаштым налаш йӧным ышта[3]. Тидын годым Владимир Путин палемден: савыктыш-влаклан акым шотаным ыштыман, тудыжо ик картын озажлан лу книга деч шагал огыл налаш йӧным пуышаш[1].
Пашалан пижмаш
«Йоча книга картым» лукташ 2026 ий гыч палемдыме[2]. Президентын полышкалышыже Елена Ямпольскаян ойлымыж почеш, тиде программе кундемласе савыктыш-влакым вияҥаш кугун таратышаш[1]. Тудо тыгак картын лӱмжӧ нерген ик вариантым темлен — «Шӧртньӧ сравоч» (руш. «Золотой ключик»)[1].
Авалтыме кумдык
Палемдалтеш, тиде программе 3 гыч 6 ияш марте 7–8 миллион наре йочам авалтышаш[5].
Палемдымаш
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, 05.06.2025, <http://kremlin.ru/events/president/news/77104>. Тергыме: 5 пеледыш 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, 05.06.2025, <https://www.fontanka.ru/2025/06/05/75550511/>. Тергыме: 6 пеледыш 2025.
- ↑ 1 2 Путин предложил запустить программу "Детская книжная карта" - Российская газета, 2025-06-05, <https://rg.ru/2025/06/05/putin-predlozhil-zapustit-programmu-detskaia-knizhnaia-karta.html>. Тергыме: 6 пеледыш 2025.
- ↑ Путин предложил выпустить «детскую карту» на ₽3 тыс. для покупки книг, 05.06.2025, <https://www.rbc.ru/rbcfreenews/6841add29a7947a5f2a0a2a1>. Тергыме: 6 пеледыш 2025.
- ↑ Дети в России. Федеральная служба государственной статистики (1 пеледыш 2024). Тергыме кече: 6 пеледыш 2025.