Итальян брейнрот
| Italian breinrot | |
|---|---|
 | |
| Лектын: | 2025 ий февраль |
| Сайт | TikTok |
Итальян брейнрот (англ. Italian Brainrot) — тиде шонен лукмо уш-акыл (искусственный интеллект) технологий дене ыштыме, янлык гибрид-влакым сӱретлыме интернет-мем-влак. Видеоролик-влак итальянла кутырышо пӧрьеҥ йӱк дене ышталтыныт да персонажым мужырйӱкан (рифме) ой дене почын ончыктат. Мем-влак умылаш лийдыме (абсурд), кугемден ойлымышт (гротеск) да лийын кертдымым ончыктымыштлан (сюрреализм) кӧра кумдан шарленыт[1].
Шочмо амал
Икымше видеоролик-влак 2025 ий февраль кыдалне TikTok-ышто лектыныт. Нунын авторжо armenjiharhanyan шоялӱм дене пайдаланыше лийын. Видеоролик итальянла кутырышо пӧръеҥ йӱк дене войзымо мыскара сӱрет лийын. Ик тылзыште постым 5 миллион утла еҥ ончен, да 543 000 лайкым поген[2].
Вара TikTok-ышто Bombombini Gusini мем гаяк вес мем шарлен — сарзе самолёт ден комбын иктеш ушымо сынышт (гибрид). Кум кечыште тудым 251 000 утла еҥ ончен да 23 000 лайкым поген. Изиш варарак abfalleimer_ahh шоялӱм дене пайдаланыше Tralalero Tralala лӱман кроссовкым чийыше акулын сӱретше дене роликым луктын, тудым кок кечыште 8 миллион утла еҥ ончен да 750 000 лайкым поген.
Тиде жаплан вес еҥын возымыжым койдарен ончыктышо (пародий-влак) моло-влакат лектыныт, мутлан, El Bobrito de Kurvito шоялӱман поляк бобр-гангстер Бобр курва мемын пародийжым луктын, тыгак индонезийысе челленджер Tung tung tung sahur[2]. Интернет-пайдаланыше-влак нейрослопым ышташ тӱҥалыныт[3].
Тӱҥ герой-влак
Мутланыме кышкарыште, тӱрлӧ биологий чонаным ончыктышо, айдеме тӱслан келыштарыме (антропоморф) персонаж-влак тӱня шочын, нуно пӱртӱсысӧ тӱрлӧ чонанын посна ойыртемыштым иктеш ушымо дене шкешотан гибрид сӱретым шочыктеныт. Ты тӱня шуко тӱрлӧ сынан да шкешотан (креатив) улмыж дене ойыртемалтеш, тиде тудым интернет-тӱвыра да медиавирусологий аланыште шкевуя объект семын ончаш йӧным ышта[4].
Утларак йодмашан персонаж-влак коклаште тыгайым ойыраш лиеш:
- Бомбардиро Крокодило — тиде крокодил ден бомбардировщикын гибридше.
- Бомбомбини Гусини — тиде комбо-самолёт, тудо шкеже мультикысе сынан. Тудо сарзе тӱшкан ужашыже, спутник але Бомбардиро Крокодилон тарзыже семын шкенжым ончыктен кертеш.
- Тралалело Тралала — тиде Nike кроссовкым чийыше кум йолан акула. Южо версийлаште тудо автоном субъект семын ончыкталтеш, но чӱчкыдын тудо моло персонаж-влакын пашаштым палемдыше фон ужаш семын пашам ышта.
- Тунг Тунг Сахур — тиде айдеме сынан пу кышкар семын ыштыме персонаж, кугу шинчан, чара йолан, бейсбол битым кучен. Тудо йӱдым мер транспортын чарналтыме верыштыже лектеш.
- Трулимеро Труличина — тиде персонаж цифрысе сюрреализм ужаш-влакым ушен, тыште кап ужашыже кол семын ончыкталтын, вуй — пырысын гай, а шулдыр олмеш — айдемын йолжо.
- Бонека Амбалабу — тиде машина орава ӱмбалне ужавам келыштарыме. Персонажын вуйжо — ужава вуй, капше — машина орава, а кужу йолжо — айдемын.
- Орангутини Ананасини — тиде орангутан, тудын капше пӱтынек ананас сынан, а вуйыштыжо сылне ананас лышташ-влак улыт. Эше вес сӱрет — Шимпанзини Бананини — шимпанзе ден бананын иктеш ончыктымаш.
- Балерина Капучино — балеринын вуйжо олмеш капучино коркам ончыктыман персонаж. Образ куштылгылык да кап моторлык дене ойыртемалтеш, тиде тудым поэзий сылнылык да тӱвырасе тамга семын ончаш йӧным ышта.
- Ларили Ларила — тиде кактус ден слонын гибридше, волгыдо тӱжвал тӱсан да айда-лийже сынан. Персонажын «йолыштыжо» йолчыкыш (шлёпанце)-влак улыт.
- БрБалони Лулилолли — тиде капибара (свинка) ден кокосын сыныштым иктеш ушышо персонаж. Тудо тропикысе янлыкын тыныслыкшым да экзотике пӱкшын тӱс да сын ойыртемжым иктеш ушен ончыкталтын.
- Бобрито Бандито (тудак Бобрито Курвито) — тиде айдемаҥдыме (антропоморф) бобр, мафиозысе имиджын койышыжым шыҥдарен. Тудо чӱчкыдынак смокингым да шляпам чийыше сӱретлалтеш.
- Брр Брр Патапим — тиде умылаш лийдыме чонан, пу ужаш гыч да илыше организмын алмаштыше ужаш гыч ышталтын. Тудо пушеҥге ден носач маймылын гибридше гай коеш.
- Шпиониро Голубиро — плащым чийыше, кече деч аралалтме шинчалыкан да фотоаппаратан кычал коштшо (сыщик) кӧгӧрчен.
- Триппи Троппи — маска, кудын вуйжо олмеш кол ончыкталтын[5].
- ««Бомбардиро-Крокодило и тудын сар йолташыже-влак»»
Бомбомбини Гусини
Брр-брр Патапим
Тралалело Тралала
Бобрито Бандито
Тун Тун Тун Сахур
Лирили Ларила
Кумдан шарлымышт
Мем-влак 2025 ий март тӱҥалтыште кумдан шарлаш тӱҥалыныт. Тиде шуко авторын тӱткышыжым луктын, нуно, мем-влакым кучылтын, шке сӱрет да видеоролик-влакым ышташ тӱҥалыныт[6].
Мем тыгак тӱрлӧ бренд-влакын кумылыштым савырен: испан KFC йоча-влаклан персонаж-влак модышым лукташ тӱҥалын.
Ryanair авиакомпаний да бельгийысе Samsung филиал мем дене промо-роликым луктыныт, «Бруклин Нетс» американ баскетбол клуб соцкыллаште шке стадионлаштышт куштышо Тунг Тунг Тунг Сахур дене ролик-влакым луктыныт, а российысе Зенит клуб комбо-шпион Шпиониро Голубиро дене роликым луктын, тудым 7 миллион еҥ ончен[7][8].
Тыгак шке мыскара рекламыштым Vizit, Пятёрочка, ЁбиДоёби, OMA да AdIndex компаний-влак луктыныт. PlayStation компаний мем-влакын персонажышт дене модышым лукташ палемден[9][10].
Российысе онлайн-кевытлаште вургем, корка, чехол, фигурке, модмаш персонаж-влакын сӱретышт дене сату, пушышт дене сорта-влак лектыныт.
Беларусьыште нине мем-влакым школышто тунемше-влакын выпускной тасмаштышт кучылташ тӱҥалыныт[11].
Пайдаланыше-влак тиде контентлан кугу тӱткышым ойыреныт, тиде шонен лукмо уш-акылын (искусственный интелектын) лӱмын ыштыме алгоритмым шочыктен, тудо янлык-влакын сӱретыштым келыштарыл генерировалтен мошта. Тиде сӱрет-влак икте-весышт дене чолган ваш кылым кучен моштат. Пайдаланыше-влак фанфик-влакым возат, сюжет-влакым шонен луктыт да рейтинг кышкарым чоҥаш тӱҥалыныт, тыге нуно чонан-влакын вий-куатыштым, сылнылык умылымашыштым аклат. Умбакыже шонен лукмо уш-акыл (искусственный интеллект) дене генерироватлыме персонаж-влак коклаште виртуал кредалмашым эртарашлан алгоритм-влакым ямдыленыт. Тиде кредалмаш-влак кышкарыште сеҥыше палемдалтеш. Тидын деч посна, куржталме таҥасымашым ончыктышо функцийым илышыш шыҥдарыме, тушто янлык-влак сферысе объект семын ончыкталтыныт, палемдыме траекторий почеш куснен каят да авыртыш гоч эртат.
Но тидат ситен огыл, сандене ИИ-янлык-влакым йӧратыше-влак тӱрлӧ персонаж-влакын вашкыл кучымыштлан пӧлеклалтше историй-влакым шонен лукташ тӱҥалыныт.
Южо пайдаланыше-влак интернет-мыскаран илыш чын деч утларак да утларак кораҥмыжлан да шке ончычсо ыҥжым йомдарымыжлан шылталат. Нуно тыге шонат, тыгай контент ушым вияҥдаш ок полшо[12].
Палемдымаш
- ↑ Итальянский брейнрот. Откуда взялись Bombardiro Crocodilo, Tralalero Tralala и другие нейросетевые животные, 2025-03-26, <https://media.2x2tv.ru/bombardiro-crocodilo-meme/>. Тергыме: 4 шыжа 2025.
- ↑ 1 2 Bombardiro Crocodilo (Italian Brainrot) | Know Your Meme, 2025-03-10, <https://web.archive.org/web/20250325091110/https://knowyourmeme.com/memes/bombardiro-crocodilo-italian-brainrot>. Тергыме: 4 шыжа 2025.
- ↑ Нейрослоп: цифровой бред нашего времени (руш.) (18 вӱдшор 2025).
- ↑ Кто такие Бомбардиро Крокодило и Тралалело Тралала и почему TikTok сошел по ним с ума - Газета.Ru, <https://www.gazeta.ru/style/20903450/bombardiro-krokodilo-mem.shtml#anchor_20903450_1>. Тергыме: 4 шыжа 2025.
- ↑ "Триппи Троппи": Загадочный медведь-рыба и его роль в Кроко-Птичьих войнах (9 вӱдшор 2025).
- ↑ What's With The 'Bombardiro Crocodilo' AI Video Going Viral On TikTok? The Italian Brainrot Meme Explained, 2025-03-19, <https://trending.knowyourmeme.com/editorials/guides/whats-with-the-bombardiro-crocodilo-ai-video-going-viral-on-tiktok-the-italian-brainrot-meme-explained>. Тергыме: 4 шыжа 2025.
- ↑ Кто такие Бомбардиро Крокодило и Тралалело Тралала: что означает мем и почему он такой популярный, <https://lenta.ru/articles/2025/04/24/bombardiro-krokodilo/>. Тергыме: 4 шыжа 2025.
- ↑ Кто такие Бомбардиро Крокодило и Тралалеро Тралала. Как они стали трендом, <https://www.rbc.ru/life/news/680980509a794723c5eaa1ed>. Тергыме: 4 шыжа 2025.
- ↑ Итальянский брейнрот: как абсурдный тренд стал новым языком для брендов (неопр.). AdIndex. Тергыме кече: 4 шыжа 2025.
- ↑ https://kaliningradtv.ru/redactors/9,+Бомбардиро Крокодило: почему все фанатеют от крокодилов-самолётов и акул в кроссовках, <https://kaliningradtv.ru/afisha/16579>. Тергыме: 4 шыжа 2025.
- ↑ Тралалело Тралала: История акулы в кроссовках и других итальянских брейнрот-мемов | Стиль | WB Guru. guru.wildberries.ru. Тергыме кече: 4 шыжа 2025.
- ↑ «Итальянский брейнрот»: что это за мемы и почему они так популярны (неопр.). vm.ru. Тергыме кече: 4 шыжа 2025.
