Окак
| Окак | |
|---|---|
 | |
| Лекме кече | 2025 |
| Лекме вер | Россий |
Окак — тиде, капюшоным чийыше, шем пырысым сӱретлыме, интернет-мем, пеленже «окак» мутым возымо. Цифр кыл кучымаште вучыдымо да ӧрын колтымо шижмашым, мыскара да койдарчык шонымашым ончыкташ кучылталтеш. 2025 ий майыште российысе илышйӧн кылыште ик эн кумдан шарлыше мем-влак кокла гыч иктыже[1]. «Окак» АСТ тӱшкан, «Мир и Образование» савыктышын да «Скворцовские чтениян» эртарыме «Идалыкын мутшо» проектын 40 чапланыше мут радамышкыже пурен[2].
Шочмыжо
«Окак» мут интернетыште кутырымо йылмылан (сленг) келшен толшо вашталтышым ончыкта: кӱчык «о» междометийын да «как» йодшын иктеш ушнымышт изиш мыскара да сымыктыш йӧн дене шонен лукмо (сюрреализм) сыным пуа. Тыгай йӱк кышкар писын ушеш кодеш да тыглай кыл кучымаш йогыныш йӧнандаралт пура.
«Окак» мем дене видеоролик-влак 2025 ий май тӱҥалтыште TikTok ден Reels-ыште чапланеныт. Пайдаланыше-влак илыш сӱретын вучыдымо савыртышыжым палемдаш чыла шотыштат келшен толшо (универсал) вашмут семын кучылташ тӱҥалме деч вара ты ой кумдан шарлен[3].
Сӱрет кок фотосӱрет гыч ышталтын: шем пырысын шӱргыжӧ да капюшонан еҥын силуэтше, тудым чех фотограф Пржемыслав Кох эше 2012 ийыште войзен[4]. Сӱрет утларак мыскара да ӧрыктарыше кумылым лукшо манын, тӱрлӧ семын вашталтыл ешаркален, шояклен ышталтын[5].
Южо интернет-ушемлаште мемын вес сынжымат вашлияш лиеш — «эво как»[6]. Капюшонан пырысым «Чиллгай» мем дене таҥастарат, тудын полшымо дене шӱм-чонын оранек йӱкшымыжым ончыктат.
«Окак» ой дене тӱрлӧ илыш татыште ӧрын кайымым але чот куанымым ончыктат, рашракын:
- вучыдымо сӱрет лийме годым ӧрымым ончыкташ;
- лийдымаш (абсурд) да шотлан толдымо сӱрет-влакым ончыкташ;
- самырык пайдаланыше-влак коклаште онлайн-кыл кучымашын тамгаже семын.
Жап эртыме семын, «окак» шке шинчалан койшо мем-контент кышкар гыч лектын да кутырымо сленгын ужашыже лийын, вучыдымын лекше кумылым кӱчыкын да раш ончыкташ йӧным ыштен[7].
Психологий
«Окак»-ын шарлыме жап кӱчык видеом шочыктышо платформо-влакын писын кушмышт дене иктеш толын. TikTok ден Reels-ыште тренд-влакын писын вашталтмышт да ик татыште вашмутым пуаш тыршымышт «окак» гай мем-влаклан кумдан шарлаш сай негызым ыштеныт, нунышт кечын лийше кӱлдымашым (абсурдым) да мыскараче улмыштым палемдат. Офлайныште ты ой южгунам изиш койдарыме але мутланымаште вучыдымо сӱретым модын ончыкташ кучылтеш.
Психолог-влак тыге шонат: интернет-мем-влак еҥ-влаклан волышо кумыл, неле шижмаш (фрустраций) дене кучедалаш полшат. «Окак» мем — мыскара кумыллан вашештыме ик пример[8]. Тыгак тудым «брейнрот» тӱшкашке (итальян брейнрот) пуртат, тушто абсурд сӱрет-влак умылаш лийдыме сюжет-влак дене тыгак иктеш ушнат[9].
Саундтрек
«Окак» мемын сӱретше ӱмбак ЮАР гыч хип-хоп тӱшкан Die Antwoord мурыжын эркыштарен ончыктымо ужашыжым пыштат[10].
Палемдымаш
- ↑ Московские новости - Культурный код (руш.). Московские новости (12 ага 2025). Тергыме кече: 3 шыжа 2025.
- ↑ «Лабубу», «сигма» и «цифровой рубль» вошли в топ-40 слов в России, 2025-09-03, <https://www.rbc.ru/society/03/09/2025/68b6ca5b9a7947c41b76e1c3>. Тергыме: 3 шыжа 2025.
- ↑ В TikTok появился новый мем с черным котом в капюшоне (12 ага 2025). Тергыме кече: 3 шыжа 2025.
- ↑ «Окак»: что за мем, что он означает, как использовать, 2025-05-12, <https://t-j.ru/okak/>. Тергыме: 3 шыжа 2025.
- ↑ Окак: что значит мем, откуда появился кот в капюшоне, картинка | РБК Тренды, 2025-05-14, <https://trends.rbc.ru/trends/social/682490859a794720e9f99a7e>. Тергыме: 3 шыжа 2025.
- ↑ Питеееер помоги мне в чем прикол этого мема. Тергыме кече: 3 шыжа 2025.
- ↑ «Окак» — новая эмоция в соцсетях. Показываем, как фразеологизм стал мемом, <https://daily.afisha.ru/infoporn/29278-okak-novaya-emociya-v-socsetyah-pokazyvaem-kak-frazeologizm-stal-memom/#rprecord=eyJpZCI6InJlY29yZDo6MzZhMWJlN2EtZDQ0NS00YTQ1LWFjM2EtYmJkNzVkN2I2Mjc5IiwicmVjb3JkSWQiOiJyZWNvcmQ6OjM2YTFiZTdhLWQ0NDUtNGE0NS1hYzNhLWJiZDc1ZDdiNjI3OSJ9>. Тергыме: 3 шыжа 2025.
- ↑ Бальмонд, Степан (2025-05-14), «Окак»: что значит новый мем с черным котом в капюшоне, <https://www.psychologies.ru/articles/okak-chto-znachit-novyi-mem-s-chernym-kotom-v-kapyushone/>. Тергыме: 3 шыжа 2025.
- ↑ Что за мем «окак»: мем с котом в капюшоне, что он означает и откуда взялся, 2025-05-14, <https://lenta.ru/articles/2025/05/14/mem-okak>. Тергыме: 3 шыжа 2025.
- ↑ В сети завирусился мем с черным котом в капюшоне, который выражает удивление «Окак», 2025-05-12, <https://www.pravilamag.ru/news/offtop/12-05-2025/749143-v-seti-zavirusilsya-mem-s-chernym-kotom-v-kapyushone-kotoryi-vyrajaet-udivlenie-okak/>. Тергыме: 3 шыжа 2025.
