Иксанова, Лидия Геннадьевна
| Лидия Геннадьевна Иксанова | |
|---|---|
| Гражданство |
 СССР Россий |
Лидия Иксанова (Лидия Геннадьевна Иксанова) (1966 теле 21, РСФСР, Марий АССР, Морко кундем, Пектывайсола ял) — марий серызе, почеламутчо, туныктышо, мер пашаеҥ, Мер Каҥашын йыжъеҥже.
Илыш корныжо
Лидия Иксанова 1966 ийын теле тылзын 21-ше кечынже Марий АССР Морко кундем Пектывайсола ялеш шочын.
1973–1984 ий — Кумужъял кыдалаш школышто тунемеш.
1984–1989 ий — Марий кугыжаныш университетыште тунемеш.
1989–1990 ий — "Периодика" издательствыште пашам ышта.
1990–2000 ий — Шуарсола кыдалаш школышто туныктышылан, вара директорын алмаштышыжлан пашам ышта.
2001–2007 ий — Кельмаксола кыдалаш школышто туныктышылан да директорын алмаштышыжлан ышта.
2007 ий гыч Шуарсола школышто директорлан тырша.
Лидия Иксанова тыгак поэт семын палыме. 1978 ий гычак почеламутым воза. «Ямде лий!» газетын юнкоржо семын тӱҥалын, возымо пашаште шуаралтын, поэзий тӱняште шке вержым кычалеш. Тачысе кечылан шке лӱмжӧ уло. Возымо почеламутшылан шуко муро йоҥга.
Поэтессын кум почеламут сборникше лектын: "Чылажат- шочмо верын", "Йӧратымем, тылат…", "Шыже блюз". Таче автор кум книгам ямдыла: "Снеган вер-шӧр", "Шулдыран шӱм-чонем", "Российын ик моторжо — Марий Эл".
Лидия Иксанова Шуарсолаште ила.
Тӱҥ произведенийже-влак
- Чылажат — шочмо верын : почеламут-вл. [Все — от родины : стихи]. Йошкар-Ола, 1995. 32 с.
- Йӧратымем, тылат... : почеламут-вл. [Тебе, любимый... : стихи]. Йошкар-Ола, 2002. 172 с.
- Чонем — Морко велне : почеламут-вл. // Эрвий. Кӱдыроҥгыр. Йошкар-Ола, 1993. С. 73—77.
- Моркем, моторем ; Мыйын муро — пӱртӱс йӱк ; Ӱшанем // Мур- йогын : почеламут аршаш. Йошкар-Ола, 2003. С. 23—25.
Эстон йылмыш кусарыме произведенийже
- Ӱдырамаш — кеҥеж... : стихи / пер. А.Валтона // Кипт ӧӧ. Таллинн, 2006. С. 616—621.
Илышыже да творчествыже нерген литератур
- Егоров В. Морко, мый тыйын ӱдырет улам // Кугарня. 1995. 11 авг.
- Абукаев-Эмгак В. Шӱм йӱк кӱрышталтын йоҥга // Иксанова Л. Йӧратымем, тылат. Йошкар-Ола, 2002. С. 3—6.
- Глушкова 3. Илыш деч вараш кодын илыме ок шу // Марий Эл. 2006. 24 янв.