Зайникаев, Александр Шайдуллович
| Александр Шайдуллович Зайникаев | |
|---|---|
 | |
| Шочмо кече | 1935 ий 10 теле |
| Шочмо вер | Башкир АССР, Калтаса кундем, Шоръял ял |
| Колымо кече | 1994 ий 21 идым (58 ий) |
| Колымо вер | Башкир АССР, Калтаса кундем, Шоръял ял |
| Гражданлык |
 СССР Россий |
| Паша сомыл | серызе, почеламутчо, журналист |
Александр Шайдуллович Зайникаев (10 теле 1935, Шоръял, Башкир Автоном Совет Социалистик Республик — 21 идым 1994, Шоръял, Башкортостан) — марий серызе, почеламутчо, журналист, СССР журналист-влак ушемын йыжъеҥже[1].
Илыш корныжо
Александр Зайникаев 1935 ий 10 декабрьыште Пошкырт Республикын кызытсе Калтаса вел Шоръял ялысе кресаньык ешеш шочын. Тудлан сар жапысе неле йоча пагыт логалын. Изиж годымак тулык кодын. Вересе тӱҥалтыш, вара Киябак шымияш школлаште тунемын. Паша корныжым нефтяник-пашазе семын тӱҥалын, вара казахстан целинам нӧлтен. Шочмо верышкыже пӧртылмеке, Калтаса вел «Ленин корно» газетын пашаеҥже лийын. Ончыч кусарышылан, вара — дубляж дене редакторын алмаштышыжлан пашам ыштен[2].
Кыдалаш шинчымашым Калтасан кас школыштыжо налын. Журналист квалификацийжым шке кундемысе да республикысе семинарлаште нӧлтен. Тудын сылнымут пашажлан эше йоча пагытыштак сылнымутым йӧратымыже полшен. Тудо журналист да педагог Т. Тимиргалиным шке туныктышыжлан шотлен. Икымше почеламутшым эше 1950-ше ийла тӱҥалтыште возен. Район газетыште савыкталтын[2].
Поэтын «Мый пиалан улам» икымше книгаже 1966 ийыште Марий книга савыктышыште лектын. Прозымат возен. 1981 ийыште вес ныл тӱҥалше поэт дене пырля «Волгенче парча» сборникым луктын. Тудын почеламутшо, ойлымашыже, новеллыже да йомакше-влак «Ончыко», «Пионер йӱк» журналлаште, сатир миниатюржо-влак — «Пачемыш» журналыште савыкталтыныт. 1989 ийыште поэт «Чолман сем» сборникым луктын, тушко лирике, граждан почеламут-влак да поэме-йомак пуреныт[2].
Александр Зайникаев, 60 ийым темыде, 1994 ийыште илыш гыч каен. Тудын эн сай почеламутшо-влак руш, татар, пошкырт йылмылашке кусаралтыныт. СССР журналист-влак ушемын йыжъеҥже[2].
Тӱҥ произведенийже-влак
- Мый пиалан улам : почеламут-вл. [Я счастлив : стихи]. Йошкар- Ола, 1966. 48 с.
- Олмапужат, моторжат: ойлымаш // Ончыко. 1970. № ЕС. 76—78.
- Шӱшпык: новелла // Ончыко. 1971. № 3. 86—87.
- Поро паша : ойлымаш-вл. [Добрые дела : рассказы]. Йошкар-Ола, 1975.48 с.
- Черномор ; Моторлык…: почеламут-вл. // Волгенче парча. Йошкар-Ола, 1981. С. 41—68.
- Коля керте : йомак // Ончыко. 1984. № 2. С. 110—111.
- Ушена вийым: почеламут-вл. // Ончыко. 1986. № 2. С. 57—58.
- Кӧлан молан…: ойлымаш // Пионер йӱк. 1987. № 10. С. 9.
- Чолман сем : почеламут-вл., йомак-поэма [Мелодия Камы : стихи, поэма-сказка]. Йошкар-Ола, 1989. 72 с.
- Почеламут-влак// Ончыко. 1996. № 8. 61—64.
Палемдымаш
- ↑ Александр Зайникаев, 2015-12-09, <https://mcrb-kalt.ru/aleksandr-zajnikaev/>. Тергыме: 14 теле 2025.
- ↑ 1 2 3 4 Александр Зайникаев (руш.). mari-lab.ru. Тергыме кече: 14 теле 2025.
Литератур
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 239—240.
- Гадиатов Г. Первая струнка // Мол. коммунист. 1966. 14 мая.
- Сем. Николаев. Рвезын йоҥгышо поэзий // Волгенче парча. Йошкар-Ола, 1981. С. 8—9.
- Краткая биогр. справ. // Марий Эл. 1993. 28 сент.
- Акиев. В. Шуко жаплан шарнаш кодыт// Ончыко. 1996. № 8. С. 61.
Кылвер-влак
- Александр Зайникаев. (руш.)