Васинов, Алексей Васильевич
| Алексей Васильевич Васинов | |
|---|---|
 | |
| Шочмо кече | 1938 ий 2 теле |
| Шочмо вер | РСФСР, Марий АССР, Маскасола кундем, Актуганово ял |
| Колымо кече | 1982 ий |
| Гражданлык |
 СССР |
| Паша сомыл | серызе, почеламутчо, журналист |
| Награде да премий |
Марий АССР Савыктыш управленийын да тӱвыра пашаеҥ-влакын профсоюз обкомжын Чапкагазше (1973), Марий ОК КПСС-ын Чапкагазше (1973) |
Алексей Васильевич Васинов (2 теле 1938, Актуганово, Марий Автоном Совет Социализм Республик — 1982) — руш серызе, почеламутчо, журналист, СССР журналист-влак ушемын йыжъеҥже (1971)[1].
Илыш корныжо
Алексей Васинов 1938 ийын теле тылзын 2-шо кечынже Марий АССР Медведево район Аксайсола ялысе кресаньык ешеш шочын. Изиж годымак тулык кодын. Куд ияш гыч Косолап район Лажмарий йоча пӧртыштӧ ончен куштен. 1953 ийыште Йошкар-Оласе педагогике училищыш тунемаш пурен, тудым визытан дене тунем пытарен. 1957 гыч 1963 ий марте Н. К. Крупская лӱмеш МКПИ-н историй-филологий факультетыштыже тунемын. Кокымшо курс деч вара заочный пӧлкаш куснен. Кӱшыл шинчымаш нерген дипломым налмеке, Алексей Васинов Кугунур кыдалаш (1960—1962), Шулко кандашияш (1962—1965) школлаште туныктышылан пашам ыштен[1].
1966 ийыште Алексей Васинов журналист пашаш куснен. 1966—1969 ийлаште У Торъял район «Сельская новь» газетын сылнымут пашаеҥже, вара — Марий Турекысе «Знамя» газетын серыш пӧлкан вуйлатышыже лийын. 1972 ий гыч тудо уэш педагогике пашаш пӧртылын. Руш Кукмарий кандашияш школышто пашам ыштен, вара тудым Медведево район Ежово кандашияш школын директоржылан шогалтеныт. Историйым туныктен. 1981 ий пургыжышто тудым Марий книга савыктышыш пашаш ӱжыныт, тушто тудо колымыж марте (1982) пашам ыштен[1].
Алексей Васинов сылнымут да журналистике деке студент пагытыште кумылаҥын. Икымше кок книгажым тудо йоча-влаклан пӧлеклен. Колымыж деч вара «Поют во ржи перепела» / «Уржа пасушто пулдырчо мура» книгаже ош тӱням ужын. Тудо тыматле, пашам йӧратыше, шке пашаж дене кумылаҥше туныктышо, журналист да поэт-романтик лийын. Сар гыч Сеҥымаш да шӱм-капысе сусыр дене сар гыч пӧртылшӧ сарзе, тулык вате, пашазе-влак нерген возен. Шочмо пӱртӱсын сылнылыкшым моктен. Тудын поэзий произведенийже-влак, тыгак сылнымут сӱретше, басне, очеркше-влак район, республикысе да рӱдӧ газетлаште («Сельская жизнь») савыкталтыныт. У Торъял район чапмуро мутын авторжо улеш (семже Р. Соколован)[1].
МАССР Савыктыш виктемын да тӱвыра пашаеҥ-влакын профушем обкомын (1971), СУКП Марий обкомжын (1973) Чаптаныкышт дене палемдалтын. 1971 ий гыч СССР журналист-влак ушемын еҥже[1].
Тӱҥ произведенийже-влак
- Мое детство : стихи // Откровение. Йошкар-Ола, 1970. С. 78—79.
- За окошком вечер стелется…: стихи // Сел. жизнь. 1972. 1 февр.
- Моя деревня : стихи. Йошкар-Ола, 1977. 28 с.
- Хлебороб : стихи. Йошкар-Ола, 1980. 18 с.
- Поют во ржи перепела : стихи. Йошкар-Ола, 1983. 64 с.
- Затих зеленый шепот леса…; Тополь ; Колосок : стихи // Русское слово Марий Эл.— Йошкар-Ола, 2004. С. 207—208.
- Я землей, где родился, горжусь : гимн Новоторъяльского района // Марий Элем. Мой край марийский. Йошкар-Ола, 2005. С. 278—279.
Марлаш кусарыме произведенийже
- Кок ял ; Талант: почеламут-вл. / пер. М. Казакова // Ончыко. 1976. № 1. С.62.
Чап
- СССР журналист-влак ушемын йыжъеҥже (1971);
- Марий АССР Савыктыш управленийын да тӱвыра пашаеҥ-влакын профсоюз обкомжын Чапкагазше (1973);
- Марий ОК КПСС-ын Чапкагазше (1973)[1].
Палемдымаш
Литератур
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 147—148.
- Любимов В. Первый шаг в поэзии // Мар. правда. 1977. 23 июля.
- Краткая биогр. справка // Путь к коммунизму. 1980. 1 окт.
- Краткая биогр. справка // Русское слово Марий Эл : произведения рус. писателей Мар. края. Йошкар-Ола, 2004. С. 207.