Белорус ден Российысе калык-влакын ушнымо кечышт
| Калык-влакын ушнымо кечышт | |
|---|---|
 | |
| Ышталтын | 1996 ийыште |
| Палемдат | ий еда |
| Кече | 2 вӱдшор |
Белорус ден Российысе калык-влакын ушнымо кечышт[1] — кугыжаныш кӱкшытыштӧ палемдалтше россий да белорус пайрем. 2 апрельыште палемдалтеш, ты кечын 1996 ийыште Российын президентше Б.Н. Ельцин Белорус–Россий сообществым ыштыме нерген келшыкеш кидпалым пыштен, тидыже кок элын экономике кумдыкшым ушаш, эркын тӧртык базыжымат ик йогыныш лукташ шонымаш дене ышталтын. Эше ик ий гыч президент А. Лукашенко Белорус ден Россий кокласе кыл нерген келшыкеш кидпалым пыштен[2].
Кугыжаныш Ушемым ыштыме нерген келшык 2000 ий 26 январьыште, кок кугыжанышын ратификаций грамотыштым ваш кучыктымо деч вара, вийым налын. Келшыкысе темлымаш дене келшышын, Россий ден Беларусийын гражданже-влак паша, тазалыкаралтыш, каныме, тунемме аланыште иктӧр праван улыт да Кугыжаныш Ушемын кумдыкыштыжо чарак деч посна кусныл кертыт[2]. Кугыжаныш Ушем кышкарыште йӧнозанлык, чоҥымо, сандалыкым шымлыме да моло программе-влакат илышыш шыҥдаралтыт. Пашам сайын виктарен колтымаш кугыжаныш-влаклан умбакыжат пашам пырля ышташ кумылаҥден, тыге 2015 ийыште Евразийысе экономике ушем пашам тӱҥалын, тыгак Таможньо ушем, Российын, Белорусийын, Казахстанын ик экономике кумдыкшо почылтын[3]. 1997 ийыште РФ Рӱдӧ банк тиде келшымашлан пӧлеклалтше шарныктыш оксам луктын.
Тыгак ончо
Палемдымаш
- ↑ В Москве торжественно отметили День единения народов Беларуси и России Архивысе копий 20 кылме 2016 гыч // Официальный сайт Постоянного Комитета Союзного государства
- ↑ 1 2 История Дня единения народов России и Белоруссии. ТАСС. Дата обращения: 3 сорла 2020. Архивировано 15 вӱдшор 2021 года.
- ↑ День единения народов России и Беларуси. РИА Новости (20160402T0410). Дата обращения: 4 сорла 2020. Архивировано 16 вӱдшор 2021 года.