Артистын кечыже
| Артистын кечыже | |
|---|---|
 | |
| Тӱрлылык | Профессионал |
| Ыштыше | РФ Виктер |
| Палемдат | ий еда |
| Кече | 17 январь |
Артистын кечыже (руш. День арти́ста) — Российыште 2025 ий июльышто тӧнежлыме профессионал пайрем. Пайремым РФ Театр пашаеҥ-влак ушемын председательже Владимир Машковын темлымыж почеш ыштыме. Пайрем кече актёр мастарлык системым шонен лукшо Константин Станиславскийын шочмо кечыжлан пӧлеклалтын[1]. Пайрем семлызе, мурызо, кино, театр да цирк артист-влакын профессионал пайремыштлан шотлалтеш[2].
РФ Тӱвыра министерстве тиде пунчалым пеҥгыдемдыше ведомство норматив актым лукшаш[3].
Историй
Российыште Руш актёрын кечыже икымше гана 1917 ийыште эртаралтын, тудым Руш театр ушем театрым вияҥдаш да актёр-влаклан полшаш манын оксам погаш эртарен[4].
2024 ий декабрь тӱҥалтыште Владимир Машков РФ Театр пашаеҥ-влак ушем секретариатын кумдаҥдыме заседанийыштыже Артистын кечыжым тӧнежлаш темлен. Тудын мутшо почеш: «тиде кече театр пашаеҥ-влак коклаште кугун аклыме лиеш. Пайремым арам огыл тыге лӱмдымӧ, тудо театр, сем, цирк, эстраде да кино сымыктыш аланыште ойыртемалтше суаплан да сеҥымашлан пуымо калык да сулло артист чаплӱм-влак дене кылдалтын»[5].
Тыгак Машков палемден: тыге РФ Театр пашаеҥ-влак ушем Мария Гавриловна Савинан да Театр ушемын историеш кодшо тыршымашыштым пӧртылтынеже, тунам идалыклан ик гана Актёр кечын артист-влак спектакльым ончыктеныт, а погымо окса Санкт-Петербургышто Сцене ветеран-влакын икымше пӧртыштым чоҥаш колталтын[5].
Актёр-влакын моло пайремышт
26 августышто тӱня мучко, тыгак Российыштат, Актёрын тӱнямбал кечыже палемдалтеш. Тудым мемнан эран III курымыштыжо илыше акрет Римысе актёр Генезий Римскийым шарныме лӱмеш тӧнежленыт. Сценыште христиан-влакым койдарымыже годым Генезий Римский тунамсе у юмынйӱла деке шӱмаҥын да шкежат христианиныш савырнен. Тидын нерген калык ончылно увертарымыжлан актёрым казнитленыт. Варажым тудым шнуй-влак радамыш пуртеныт да актёр, семлызе ден эпилептик-влакын пыдалшыштлан шотлаш тӱҥалыныт[6][7].
Палемдымаш
- ↑ В России 17 января будет отмечаться День артиста, 2025-08-03, <https://www.interfax.ru/russia/1039423>. Тергыме: 3 сорла 2025.
- ↑ В России 17 января будут отмечать новый праздник — День артиста, 2025-08-03, <https://www.kommersant.ru/doc/7940383>. Тергыме: 3 сорла 2025.
- ↑ В России будет отмечаться День артиста (руш.). government.ru (3 сорла 2025). Тергыме кече: 18 сорла 2025.
- ↑ День русского актера. Проект 1917 (руш.). project1917.ru. Тергыме кече: 18 сорла 2025.
- ↑ 1 2 Машков предложил учредить День артиста, <https://tass.ru/kultura/22575087>. Тергыме: 18 сорла 2025.
- ↑ Генесий Мим. www.pravenc.ru. Тергыме кече: 18 сорла 2025.
- ↑ Catholic Encyclopedia: Genesius (англ.). www.newadvent.org. Тергыме кече: 18 сорла 2025.