Leroy Merlin

РУВИКИ — эрыкан энциклопедий гыч материал
Тергыме статья
Leroy Merlin SA
Изображение логотипа
Тӱрлылык иземдыме муткучышан ушем
Негызлымаш 1923[1]
Ончычсо вуйлӱм Au Stock Americain
Негызлыше Адольф Леруа, Роза Мерлен[2].
Верланен  Франций
Тӱҥ еҥ Филипп Зимерманн (генеральный директор)[3].
Отрасль сатум посна ужалымаш (МСОК: 47)
Оборот 14,6 млрд евро (2014)[4]
Пашаеҥ-влак чот 68 200 (2014)[4]
Ава компаний Groupe ADEO
Сайт leroymerlin.com
Логотип РУВИКИ.Медиа РУВИКИ.Медиаште медиафайл-влак

Leroy Merlin (фр. Leroy Merlin) — даче ден пӧртым чоҥаш да тӱзаташ сатум ужалкалымаште тыршыше ритейлер-компаний[5]. ADEO компаний тӱшкаш пура[1]. Компанийым 1923 ийыште Францийыште негызлыме[2]. Leroy Merlin икымше кевыт Российыште 2004 ийыште почылтын[6].

Историй

Адольф Мерлен Икымше тӱнямбал сар пытымеке Нё-ле-Мин изи олаште Au Stock Americain кевытым почын. 1923 ийыште бизнесым тудо шке эргыжлан пуэн, тудымат ачаж семынак Адольф Мерлен лӱмденыт. У оза годым кевытыште олмыкташ чоҥымо материал ден сатум ужаленыт[2]. Мерленын икымше кевытшын кумдыкшо пеш изи лийын, но тудын озаже-влак шке налшыштлан утларак тичмаш сату ассортиментым пуаш тыршеныт. Тыге ыштымаш кевытын лӱмжым шараш полшен[7].

Адольф Мерленын ватыже Роза Леруа лийын да 1960 ийыште компаний Leroy Merlin лӱмым налын[2]. Компаний Францийыште шке клиентше-влаклан яра намияш темлыше икымше лийын[8].

1950–1970-ше ийла пагытыште Leroy Merlin-ыште налше-влакым рекламе компаний гоч ушымо верч тыршеныт. Тиде шонымаш дене компанийым негызлыше-влак чоҥымо материалым кучылтмо шотышто мастар-классым да ончыктылмашым эртареныт[7].

1967 ийыште Нё-ле-Мин олаште шке обслуживатлыме икымше супермаркет почылтын[2].

1973–1979 ийла пагытыште шке обслуживатлыме Leroy Merlin кевыт-влак пӱтынь эл мучко почылтыныт, шке пашаштым сатум наледыше пӧлка ден компьютер службо тӱҥалыныт. 1970 ийла мучашлан Leroy Merlin-ын 8 кевытше лийын, пашаеҥ 500 еҥ лийын[8]. Тыгак, 1970-лаште компаний окса нелылык дене тӱкнен[9].

Тиде пагытыште компанийым шкаланже налаш темлымаш дене Мюлье еш лектын, но оза-влак Leroy Merlin-мыт кужу жап тидлан келшен огытыл. Ужалымаш-налмаш 1979 ийыште Адольф Леруа-изиракын колымекше гына ышталтын, тунам Leroy Merlin-ын 50% акцийжым Auchan налын[9].

1981 ийыште компаний тӱрыснек Mulliez Group-ыш пурен[9]. 1981 ийлан сетьыште 33 кевыт шотлалтын[2][10].

Компаний шке вияҥме корныжым изишак вашталтен. Leroy Merlin кевытлаште утларакше суртлан сатум ужалаш тӱҥалыныт, а парышым шагал кондышо корныла деч шӧрлаш пернен[9].

Файл:Магазин Леруа Мерлен.jpg
Leroy Merlin кевыт Перуджа итальян провинцийыште Оспедаличиошто, 2019 ий август

1989 ийыште Leroy Merlin кевыт Испанийыште почылтын[2]. 1989-1999 ийлаште компаний кевыт-влакым Бразилийыште, Польшышто да Италийыште почын. Тудо тӱнямбал рынкын DIY секторыштыжо лидер-влак кокла гыч иктыже лийын[2].

1990 ийла тӱҥалтышлан Франций кундемыште Leroy Merlin-ын иктаж 30 кевытше пашам ыштен[7].

2003-2004 ийлаште Leroy Merlin Португалий ден Испанийышште (Aki) DIY компанийым, Францийыште (Obi) компанийым налын. Leroy Merlin Weldom да DomPro компаний-влак дене ушнен[8].

2004 ийыште Мытищи олаште Российыште икымше Leroy Merlin кевыт почылтын[8].

2006 ийыште GROUPE ADEO компаний-влак тӱшка ышталтын[8].

2007-2009 ийлаште компанийын кевытше-влак Румынийыште, Украиныште, Грецийыште, Турцийыште почылтыныт[8]. 2018 ийыште икымше Leroy Merlin кевыт Казахстаныште почылтын[7].

2016 ий мартыште «Леруа Мерлен Россий»-ын генеральный директоржо Венсан Жанти каласен: ретейлер Российыште кевыт-влакыым 5 ий жапыште 45 гыч 140 марте шукемдаш палемда. Кевыт-влакым 400 тӱжемым эртыше еҥ илыман олалаште почаш палемдалтын. Талукышто кокла шот дене 20 кевытым почаш шоналтын[11].

2019 ийыште Российын территорийыштыже Владивостокышто шӱдымшӧ гипермаркет почылтын[8].

2022 ийыште оксам ыштен налмаш ончычсо ий дене таҥастарымаште 15% кушкын да 530 миллиард теҥге лийын[12].

2023 ий шошо тӱҥалтышлан Leroy Merlin компаний Испанийыште, Францийыште, Италийыште, Грецйыште, Румынийыште, Бразилийыште, Украиныште, Российыште, Кот-д’Ивуарыште, КНР-ыште, Кипрыште, Казахстаныште, Португалийыште, Польшышто, ЮАР-ыште вераҥдалтын. Франций кундемыште 144 кевыт пашам ышта[2].

2023 ий мартыште Российыште 62 олаште 107 гипермаркет пашам ыштен. Пашаеҥ-влакын чотышт 45 тӱжем еҥ лийын. Российысе рынке компанийлан кугыт шот дене кокымшо лийын. Тиде жапыштак Adeo компаний РФ-ште шке кевытше-влакым вуйлаташ Российысе менеджментлан пуымо нерген каласен[2][12]. Тидыже Российыште пашам ыштыше 45 тӱжем пашаеҥлан пашам арален кодаш йӧным ышта манын увертаралтын[12]. 2024 ий июньышто кевыт—влак Российыште лӱмыштым «Лема́на ПРО»-лан вашталтыме нерген увертарен, ребрендинг икмыняр этап дене эрта, икымшыжым 2024 ийыште, чыла процессшым 2025 ийыште мучашлаш палемдалтеш[13].

Leroy Merlin кевытлаште чоҥышаш материал, изоляциян материал, камин да нунылан аксессуар, чоҥымо оборудованийым, кучылтшаш материал, тӱжвал канализаций ужалалтыт[14].

2024 ий август тылзыште пале лийын: Leroy Merlin 2023-шо ийын лектышыже почеш шке парышыжын чырыкшым Российыште налын. Финанс отчёт почеш, РФ территорийыште ужалыме кугыт 6,1 млрд евро лийын, чонышаш кевыт-влак сетьын ава компанийжылан — Adeo-лан — 287,4 млн евро кугыт яндар парышым конден[15].

Тыгак ончо

Палемдымаш

  1. ↑ 1 2 leroymerlin.kz. forbes.kz. Тергыме кече: 22 сорла 2023.
  2. ↑ 1 2 3 4 5 6 7 8 9 10 Что известно о Leroy Merlin. Тасс (24 ӱярня 2023). Тергыме кече: 21 сорла 2023.
  3. ↑ Участники встречи с представителями Экономического совета ассоциации «Франко-российская торгово-промышленная палата». special.kremlin.ru (31 шорыкйол 2018). Тергыме кече: 22 сорла 2023.
  4. ↑ 1 2 Key figures. leroymerlin.com. Тергыме кече: 22 сорла 2023.
  5. ↑ Все для дома, 2013, с. II.
  6. ↑ Leroy Merlin затеял ремонт. kommersant.ru (24 ӱярня 2023). Тергыме кече: 22 сорла 2023.
  7. ↑ 1 2 3 4 История Leroy Merlin: от маленького магазина к мировой сети. Вести Кузбасс (14 сорла 2023). Тергыме кече: 21 сорла 2023.
  8. ↑ 1 2 3 4 5 6 7 История Леруа Мерлен. leroymerlin.ru. Тергыме кече: 22 сорла 2023.
  9. ↑ 1 2 3 4 Сага ретейлера «Ашан»: тайны самого закрытого французского клана. История Мюлье. Реальное время. Тергыме кече: 22 сорла 2023.
  10. ↑ Анна Кавалли. Семья превыше всего. Как таинственный клан Мюлье из 700 человек управляет «Ашаном» и другим многомиллиардным бизнесом. Секрет фирмы (28 шорыкйол 2022). Тергыме кече: 22 сорла 2023.
  11. ↑ «Леруа Мерлен» объявил о планах втрое увеличить сеть гипермаркетов в России. lenta.ru (15 ӱярня 2016). Тергыме кече: 22 сорла 2023.
  12. ↑ 1 2 3 Уход «Леруа Мерлин» после 18 лет работы в России. Магазины продадут, но не закроют. www.gazeta.ru. Тергыме кече: 22 сорла 2023.
  13. ↑ «Леруа Мерлен» сменит название в России. РБК (18 пеледыш 2024). Тергыме кече: 18 пеледыш 2024.
  14. ↑ Леруа Мерлен Россия. Деловой квартал (24 ӱярня 2023). Тергыме кече: 22 сорла 2023.
  15. ↑ Четверть прибыли Leroy Merlin в 2023 году пришлась на Россию, 2024-08-13, <https://www.kommersant.ru/doc/6891643?ysclid=lzs5x261p4982511095>. Тергыме: 13 сорла 2024. 

Литератур

  • Все для дома // Калужский бизнес-журнал. — 2013. — Март (вып. 3). — ISSN 1819-267X.

Кылвер-влак

"https://mhr.ruwiki.ru/w/index.php?title=Leroy_Merlin&oldid=1155759" гыч налме