LG Хоккей Модмаш
Глобен-Арене кӧргыштӧ. Тыште турнир эрта. 2008 ийысе фото.
LG Хоккей Модмаш (руш. "Хоккейные игры LG", англ. LG Hockey Games) - Швецийыште кажне ийын эртыше хоккей турнир. 2006 ий марте турнир "Швед хоккей модмаш" лӱмым нумалын (англ. Sweden Hockey Games). 1996-1997 ийлысе тургым гыч тӱҥалын, Еврохоккейтур радамыште эрта. Чехий, Финляндий, Россий, Швецийын чумыр команде-влакше таҥасат.
Тӱҥ спонсор - "LG Electronics" компаний. Чыла матч-влак стокгольмысо Глобен-Аренаште эртат.