Basshunter

РУВИКИ — эрыкан энциклопедий гыч материал
Basshunter
швед. Jonas Erik Altberg
Basshunter Хальмстадыште (2008)
Basshunter Хальмстадыште (2008)
Тӱҥ увер
Шочмо лӱм швед. Jonas Erik Altberg
Тичмаш лӱм Jonas Erik Altberg
Шочмо кече 22 теле 1984(1984-12-22)[1] (41 ий)
Шочмо вер
Эл  Швеций
Профессий мурызо, продюсер, диджей
Ыштыме жап 1998 ий гыч кызытсе жап марте
Могай йӱк Лирический баритон
Жанр Евротранс, дэнскор
Шолыплӱм Basshunter
Лейбл Warner Music Group
Dance Nation
Ultra
Награде
Логотип
Изображение логотипа
Автограф
Изображение автографа
Официал сайт
Логотип РУВИКИ.Медиа РУВИКИ.Медиаште медиафайл-влак

Ю́нас Э́рик О́лтберг (швед. Jonas Erik Altberg; шоч. 22 теле 1984[1], Хальмстад[d][1]), Basshunter [Бэйсхантер] шолыплӱм дене утларак палыме — швед мурызо, продюсер да диджей.

Илыш корныжо

Самырык пагыт

Юнас Олтбрег Швецийысе Хальмстад олаште Карл Йоран Олтбрег ден Гунхильда Элизабет Олтбрегын (2016 ийыште колен) ешыштышт шочын[2]. Тудын Йоаким лӱман шольыжо уло. Аваже кыдалаш школын туныктышыжо да директоржо, тыгак швед туныктышо-влак профушемын представительже лийын. Ачаже чоҥышо компанийыште пашам ыштен. Олтбрег ончыч Kattegattgymnasiet кыдалаш школыш каен. Вара тудо Хальмстадысе Sturegymnasiet кыдалаш школыш куснен да музыкым тунемаш тӱҥалын. Тудо тыгак колледжыште тунемын, но тудым пытарен огыл. 1998 ийыште тудо аважын вуйлатыме хорышто мураш тӱҥалын. Тыгак рок-группышто мурен, тушто экспериментальный манме музык дене палыме лийын[3].

Карьере

Музык пашам 2001 ийыште Basshunter шолыплӱм дене тӱҥалын, икымше мурыжым ышташлан «Fruity Loops» программым кучылтын. Warner Music компаний тудын дене контрактым пеҥгыдемдыме деч ончыч Интернет гоч шарлыше шуко демом ыштен[3].

Тудын икымше студийысе альбомжо, The Bassmachine, 2004 ий 25 августышто лектын[4].

Basshunter дэнскор жанрыште да моло электрон направленийыште пашам ышта. Чӱчкыдын тудын семжым евродэнс дене лугат. «Boten Anna» ден «Vi sitter i Ventrilo och spelar DotA» (тыгаяк лӱман француз группын «Daddy DJ» композицийжын кавер-версийже) клип-влаклан кӧра тудо кумдан чапланен.

2006 ий мартыште лекше «Boten Anna» мурылан верч тудын нерген шукын пален налыныт[5]. Тиде швед йылме Европысо эл-влакын чартыштышт ик эн ончыл верым налше икымше композиций лийын. Варарак композицийын англичан йылме дене версийже — «Now You’re Gone» — лектын, тудо шуко арня жапыште Великобританийын да Америкын хит-парадыштышт ончылно лийын, а тыгаяк лӱман видеоклипым YouTube-што эн шуко гана онченыт. Мурызын ныл студийысе альбомжо уло, нунын коклаштак «Saturday», «Boten Anna», «All I Ever Wanted», «Every Morning» да моло хит-влак.

«All I Ever Wanted», «Now You’re Gone», «Angel in the Night», «I Miss You», «Every Morning», «I Promised Myself» клип-влакым войзаш палыме иран-норвегийысе модель Айлар Лим ӱжыныт.

«Saturday»  (руш.) (мар. сингл 2010 ий 5 июльышто лектын[6], У зеландийысе чартыште 14-ше верым налын[7] да шӧртньӧ дене сертифицироватлалтын.

2013 ий июньышто Basshunter у Calling Time альбом гыч «Crash & Burn» у синглжым ончыктен, тудо 2013 ий 13 майыште Gallo Record Company лейблыште лектын. Дискыш 18 композиций пурен.

Тӱнямбал куштымо сценыште ик эн йодмо артист семын Basshunter шке гастроль туржым чарнен огыл. 2013 ийыште тудо Ирландийыште, Английыште, США-ште, Австралийыште да Европышто выступатлен, а 13 июльышто Москошто, тушто тудо open-air Europa Plus Live-ыште участвоватлен.

2013 ий 20 ноябрьыште «Elinor» сингл лектын. 2014 ий 25 ноябрьыште Basshunter у альбомым возымо нерген увертарен. 2015 ийыште тудо Mange Makers тӱшкалан «Mange kommer hem till dig» мурым возен. 2018 ий 19 октябрьыште «Masterpiece» сингл лектын[8]. «Home» сингл 2019 ий 27 сентябрьыште лектын[9]. «Angels Ain’t Listening» вес сингл 2020 ий 29 майыште лектын[10].

Шке илыш

Warcraft III: The Frozen Throne[11], EVE Online да DotA 2 видеомодмаш-влакым, тыгак гитарым йӧрата[12]. Тудо Туретта синдром  (руш.) (мар. дене орлана[13].

Celebrity Big Brother реалити-шоушто участвоватлымыж годым Екатерина Иванова дене кылыште лийын[14].

Кум ий келшыме деч вара, 2017 ий 19 январьыште Тина Махия Хаяцадем марлан налын. Сӱанышт Дубайыште эртен[15].

2010 ий 10 декабрьыште Файф полиций тудлан Шотландийыште Кирколди оласе йӱд клубышто тудын усталыкшым йӧратыше кок ӱдырамашым виешлыме шотышто титаклен. Тудым залог дене колтеныт. Диджейын менеджерже титаклымаш чын огыл манын пеҥгыдын шоген[16]. Basshunter 2011 ий 12 январьыште оласе шериф судышто кок ӱдырамашым виешлыме нерген кок титаклымаш денат келшен огыл[17]. 2011 ий 14 июньышто тудым титакдымылан шотленыт, а шериф кок титаклышым нунылан ӱшанаш лийдыме еҥ[18], а показанийышт шоя манын ойлен[19].

Дискографий

Студийысе альбом-влак
  • The Bassmachine (2004)
  • LOL <(^^,)> (2006)
  • Now You’re Gone — The Album (2008)
  • Bass Generation (2009)
  • Calling Time (2013)

Палемдымаш

  1. ↑ 1 2 3 4 Bio (англ.)
  2. ↑ Gunhild Elisabet Altberg (швед.). Proff. Тергыме кече: 29 сорла 2025. Архивировано из оригинала 16 шыжа 2014 ий.
  3. ↑ 1 2 Факты – Basshunter - Вики: Биография (неопр.). Кинориум. Тергыме кече: 29 сорла 2025.
  4. ↑ Releases. Alex Music. Тергыме кече: 29 сорла 2025. Архивлыме 20 теле 2013 ий.
  5. ↑ Antti Niemelä. Basshunter (фин.). Findance.com (14 идым 2006). Тергыме кече: 29 сорла 2025. Архивлыме 25 пургыж 2007 ий.
  6. ↑ Basshunter – Saturday. Discogs. Тергыме кече: 29 сорла 2025. Архивлыме 30 шыжа 2014 ий.
  7. ↑ Basshunter – Saturday (song). charts.nz. Тергыме кече: 29 сорла 2025. Архивлыме 4 пургыж 2018 ий.
  8. ↑ Masterpiece - Single (швед.). Apple Music. Тергыме кече: 29 сорла 2025. Архивлыме 19 шыжа 2018 ий.
  9. ↑ Home- Single (швед.). Apple Music. Тергыме кече: 29 сорла 2025. Архивлыме 27 идым 2019 ий.
  10. ↑ Angles Ain't Listening – Single. Apple Music. Тергыме кече: 29 сорла 2025. Архивлыме 14 пеледыш 2020 ий.
  11. ↑ Komputerowy Basshunter (польск.). Interia (4 шыжа 2007). Тергыме кече: 29 сорла 2025. Архивировано из оригинала 11 шыжа 2014 ий.
  12. ↑ Alex Fletcher. Music Interview – Basshunter. Digital Spy (7 идым 2009). Тергыме кече: 29 сорла 2025. Архивлыме 13 сорла 2014 ий.
  13. ↑ BBC - Chart Blog: A Serious Interview With Basshunter About Tourette's Syndrome (англ.). www.bbc.co.uk. Тергыме кече: 29 сорла 2025. Архивлыме 18 теле 2020 ий.
  14. ↑ Harry Amster. Basshunters gyllene miss (швед.). Svenska Dagbladet (10 ӱярня 2010). Тергыме кече: 29 сорла 2025. Архивлыме 11 шыжа 2014 ий.
  15. ↑ Torbjörn Ek. Basshunter har gift sig (швед.). Aftonbladet (20 шорыкйол 2017). Тергыме кече: 29 сорла 2025. Архивлыме 21 шорыкйол 2017 ий.
  16. ↑ BBC News: Basshunter music star on sex attack charges. BBC (14 теле 2010). Тергыме кече: 29 сорла 2025. Архивлыме 30 теле 2010 ий.
  17. ↑ BBC News: Basshunter music star denies sex attack charges. BBC (12 шорыкйол 2011). Тергыме кече: 29 сорла 2025. Архивлыме 15 шорыкйол 2011 ий.
  18. ↑ DJ Basshunter cleared of Kirkcaldy club sex charges. BBC (14 пеледыш 2011). Тергыме кече: 29 сорла 2025. Архивлыме 17 пеледыш 2011 ий.
  19. ↑ DJ cleared of nightclub sexual assault charges, The Daily Telegraph: p. 2, 2011-06-15. 

Кылвер-влак

  • Basshunter (англ.). Basshunter Official. Тергыме кече: 24 идым 2025.
"https://mhr.ruwiki.ru/w/index.php?title=Basshunter&oldid=1138114" гыч налме