Ян, Пётр Евгеньевич
 Пётр Ян | |
|---|---|
 | |
| Чумыр увер | |
| Тичмаш лӱм | Пётр Евгеньевич Ян |
| Лӱмдылтыш | No mercy (руш. Беспощадный) |
| Гражданлык |
 Россий |
| Шочмо кече | 11 пургыж 1993 (33 ий) |
| Шочмо вер | |
| Илымаш | Екатеринбург[1], Россий |
| Кӱкшыт | 170 см[2] |
| Нелыт категорий | Куштылго нелыт |
| Кид солалтыш | 170 см |
| Карьере | 2014—к. ж. |
| Команде | Архангел Михаил |
| Стиль | бокс, самбо, тхэквондо |
| Мастарлык кӱкшыт |
бокс дене Российын спорт мастерже ММА дене Российын спорт мастерже Бразилийысе джиу-джитсу дене канде ӱштӧ |
| Варналтше кредалмаш | |
| Кредалмаш | 24 |
| Сеҥымаш | 19 |
| • нокаут дене | 7 |
| • сабмишн дене | 1 |
| • пунчал дене | 11 |
| Сеҥалтмаш | 5 |
| • нокаут дене | 0 |
| • сабмишн дене | 0 |
| • пунчал дене | 4 |
| • моло | 1 |
| Ничья | 0 |
| Вес увер | |
| Пелаш | Юлия Ян |
| Икшыве-влак | Даниил, Константин |
| Sherdog сайтыште кредалмаш статистике | |
 РУВИКИ.Медиаште медиафайл-влак | |
Пётр Евгеньевич Ян (шоч. 11 пургыж 1993, Назаровский район[d], Красноярск край) — российысе варналтше кредалмашын кредалшыже. ACB-н куштылго нелытан категорийыште чемпионжо лийын. UFC-н ончычсо чемпионжо да UFC-н куштылго нелытан категорийыште жаплан чемпионжо.
2025 ий июльлан UFC-н официальный рейтингыштыже куштылго нелытан категорийыште 3-шо верым налеш[3].
Илыш корно
Пётр Ян 1993 ий 11 пургыжышто Красноярск крайысе Назаровский районысо ялеш шочын. Ян фамилийым китай калыкан кочаж деч налын[4]. 2000-ше ийла тӱҥалтыште еш полярный Дудинка олашке илаш куснен[5].
Кудымшо классыште тхэквондо да мини-футбол дене, эсогыл гимнастике дене заниматлаш тӱҥалын[6]. 12 ияш годым Николай Николаевич Суржиковын вуйлатымыж почеш бокс дене заниматлаш тӱҥалын[7].
14 ияш годым Енисейыште барже-влакым ястарен, оксам ыштен[8]. Пашам ыштымыж годым Константин Маньков дене палыме лийын, кудо тудым Пётрын ончыкылык тренержылан, Юрий Владимирович Демченкылан, темлен.
15 ияш годым 9-ше класс деч вара Пётр Красноярск край гыч Омскыш илаш куснен, тушто бокс дене СССР-ын спорт мастерже Юрий Владимирович Демченкын вуйлатымыж почеш тренировкым шуен.
ММА дене «Александр Невский» клубышто, профессионал кредалше-влакын тренировкыштым эскерен, кумылаҥын.
Омскысо СибКУФК-ым тунем пытарен.
2010-шо ийла тӱҥалтыште Омскын вес мучашыштыже йӱд клубышто охранниклан подрабатыватлен[5].
2018 ий сентябрьыште ешыж дене пырля Екатеринбургыш илаш куснен[9][10], «Архангел Михаил» клуб лӱмеш выступатлаш.
2023 ий ноябрьыште американ актёр Жан-Клод Ван Дамм «Архангел Михаил» клубын роликыштыже Янлан ойлен. «Тый чемпион: тыйын техникет сай, писылыкет сай да кардиот сай!», — манын Ван Дамм[11].
Варналтше кредалмашыште карьере
Absolute Championship Berkut
24 октябрь 2015 ийыште ACB 24 турнирыште Ян Мурад Каламов дене вашлийын да кредалмашым судья-влакын ик йӱкан решенийышт дене сеҥен. Тиде сеҥымаш Янлан Магомед Магомедов дене куштылго нелытан чемпионский пояс верч кредалаш йӧным пуэн.
Ян Магомед Магомедов дене 26 март 2016 ийыште ACB 32 турнирыште вашлийын. Кредалмаш чыла 5 раунд шуйнен. Судья-влакын ойыртемалтше решенийышт дене кредалмаште сеҥалтын.
Карьерыштыже икымше сеҥалтме деч вара Ян Англий гыч толшо кредалше Эд Артур дене ACB 41 турнирыште 15 июль 2016 ийыште вашлийын. Судья-влакын ик йӱкан решенийышт дене сеҥымашке шуын.
15 апрель 2017 ийыште ACB 57 турнирыште Магомед Магомедов ваштареш реванш-кредалмашым эртарен. Кредалмаш 5 раунд шуйнен. Судья-влакын ик йӱкан решенийышт дене сеҥымашке шуын да ACB-н куштылго нелытан чемпионжо лийын.
30 сентябрь 2017 ийыште ACB 71 турнирыште бразилец Матеус Маттос ваштареш чемпион титулжым сайын арален. Кумшо раундышто нокаут дене сеҥымашке шуын.
Ultimate Fighting Championship
ACB чемпион титулым икымше гана аралымеке, 2018 ий январьыште UFC дене контрактым возен.
Дебют кредалмашым Ян япон кредалше Тэруто Исихара ваштареш 23 июнь 2018 ийыште UFC Fight Night 132 турнирыште эртарен. Икымше раундышто технический нокаут дене сеҥымашке шуын[12].
15 сентябрь 2018 ийыште UFC Fight Night 136 турнирыште Пётрын ваштарешыже куштылго нелыт рейтингын 14-ше номерже Дуглас Силва ди Андради лийшаш улмаш, но йол сусыргымылан кӧра Андради кредалмашке ушнен кертын огыл, да бразилец олмеш Корей гыч толшо кредалше Джин Су Сон лектын. Нелытым ончыктымаште Сон кӱлешан нелытым ончыктен кертын огыл да шке гонорарж гыч 20 % Ян лӱмеш штрафым тӱлен. Судья-влакын ик йӱкан решенийышт дене сеҥымашке шуын. «Касын кредалмашыже» премийын обладательже лийын.
29 декабрь 2018 ийыште UFC 232 турнирыште Яным бразилец Дуглас Силва ди Андради вучен, тудын дене кредалмаш ончыч лийын огыл. Кокымшо раундышто технический нокаут дене сеҥымашке шуын. Андрадин лукыжо бразилецын кугу сусыргымыжлан кӧра кредалмашым шогалтен.
23 февраль 2019 ийыште UFC Fight Night 145 турнирыште американ Джон Додсон ваштареш кредалмашым эртарен. Судья-влакын ик йӱкан решенийышт дене сеҥымашке шуын.
8 июнь 2019 ийыште UFC 238 турнирыште американ Джимми Риверам судья-влакын ик йӱкан решенийышт дене сеҥен[13].
14 декабрь 2019 ийыште UFC 245 турнирыште Юрайя Фейбер дене вашлийын. Кумшо раундышто вуйыш йол дене перкален нокаут дене сеҥымашке шуын. «Касын выступленийже» премийын обладательже лийын[14].
12 июль 2020 ийыште UFC 251 турнирыште визымше раундышто бразилец Жозе Алдум технический нокаут дене сеҥен да UFC-н куштылго нелытан чемпион титулжым сеҥен налын[15]. Жозе Алдум сеҥымеке да чемпион титулым налмеке, UFC Пётр Яным нелыт категорий деч посна эн сай кредалше-влакын рейтингышкыже (P4P) пуртен. Россий кредалше уэмдыме рейтингын 13-шо вержым налын[16].
14 июль 2020 ийыште Fightmatrix сайтын версийже почеш нелыт категорийым шотыш налде лу эн тале кредалше гыч иктыже лийын[17].
UFC-н куштылго нелытан чемпион титул верч кредалмаш
Кредалмаш кече — 12 июль 2020 ий[18].
Вер — Кредалше-влакын отрошт, Абу-Даби.
Секундант-влак — Денис Лаврентьев, Ильяс Хамзин, Алексей Сорокин, Саят Абрахманов.
Нелытым ончыктымо лектыш — Пётр Ян 61,2 кг, Жозе Алду 61,2 кг[19].
Событий-влакын хронологийышт:
2020 ий 11 майыште Генри Сехудон UFC-ште карьерыжым мучашлымыже нерген увертарымыж деч вара организацийын президентше Дэйна Уайт увертарен: куштылго нелытан чемпион титул эрыкан лиеш, а Ян тиде пояслан икымше претендент лиеш[20].
2020 ий 28 майыште организацийын президентше Дэйна Уайт Пётр Ян ден Жозе Алду коклаште титул верч кредалмашым ямдылымыж нерген увертарен[21].
2020 ий 10 июньышто Пётр Ян кредалмашлан контрактыш кидпалым пыштен[22].
2020 ий 11 июльышто ОАЭ-ште «Кредалше-влакын отроштышт» UFC 251 турнирыште Ян пытартыш, визымше раундышто Жозе Алдум сеҥен. Ян кредалмашын шуко ужашыштыже ончылно лийын да кредалмашын мучашыжым ӱшанлын эртарен — визымше раунд тӱҥалтыште тыглай комбинаций деч вара тудо ваштарешыжым канвас ӱмбалне икшырымын перкален. Пётр Ян UFC-н куштылго нелытан у Чемпионжо лийын[23]. Тиде кредалмаште Ян куштылго нелытан категорийлан кӱлешан перкалымаш-влакын чотышт дене рекордым шынден — тичмаш огыл 5 раунд жапыште россий кредалше 194 перкалымашым ыштен[24].
UFC-н куштылго нелытан чемпионжо
2021 ий 6 мартыште Ян Алджамейн Стерлинг ваштареш кредалмаште UFC 259 турнирыште титул деч посна кодын, дисквалификаций дене (ваштарешыжын вуйышкыжо пылче дене перымаш, кунам тудын пылчыже ковёр ӱмбалне) кредалмаште сеҥалтын[25].
UFC-н куштылго нелытан жаплан чемпионжо
2021 ий 30 октябрьыште, UFC 267 турнирыште, Ян Кори Сэндхэген дене UFC-н куштылго нелытан жаплан чемпион титул верч кредалын, кудым судья-влакын ик йӱкан решенийышт дене сеҥен.
2022 ий 9 апрельыште UFC 273 турнирыште Алджамейн Стерлинглан сеҥалтын да поясым йомдарен. Вара эше кок сеҥалтмашым чытен — Шон О’Мэлли деч UFC 280 турнирыште да Мераб Двалишвили деч UFC Fight Night: Ян vs. Двалишвили турнирыште.
2024 ий 9 мартыште UFC 299 турнирыште Сун Ядуным сеҥен[26]. Вара пале лийын, Ян йол сусыр дене кредалын. А 18 мартыште россий кредалше операцийым ыштымыже нерген увертарен[27].
2024 ий 23 ноябрьыште UFC Fight Night: Ян vs. Фигейреду турнирын тӱҥ событийыштыже бразилец Дейвисон Фигейредум судья-влакын ик йӱкан решенийышт дене сеҥен[28].
2025 ий 26 июльыште UFC on ABC 9 турнирыште Абу-Дабиште касын соглавный кредалмаштыже Маркус Макги дене вашлийын[29] да тудым судья-влакын решенийышт дене сеҥен[30].
Титул да сеҥымаш-влак
Варналтше кредалмаш
- Ultimate Fighting Championship
- UFC-н куштылго нелытан чемпионжо (ик гана)
- UFC-н куштылго нелытан жаплан чемпионжо (ик гана)
- «Касын кредалмашыже» премийын обладательже (кум гана — Джин Су Сон[31], Кори Сэндхэген да Шон О’Мэлли ваштареш)
- «Касын выступленийже» премийын обладательже (ик гана) Юрайя Фейбер ваштареш
- Absolute Championship Berkut
- ACB-н куштылго нелытан чемпионжо (ик гана)
- Ик сайын аралыме титул
- Куштылго нелытан гран-прин сеҥышыже
- «Касын кредалмашыже» премийын обладательже (кум гана)
- MMADNA.nl
- 2018 «Европышто идалыкын у еҥже»[32]
- World MMA Awards
- 2020, «Идалыкын урылтмашыже» чап лӱмлан темлалтын[33]
Профессионал ММА-ште статистике
| Кучедалшын профессионал корныжо (иктешлымаш) | ||
| Кредалмаш 24 | Сеҥымаш 19 | Сеҥалтмаш 5 |
| Нокаут дене | 7 | 0 |
| Сабмишн дене | 1 | 0 |
| Пунчал дене | 11 | 4 |
| Дисквалификаций дене | 0 | 1 |
| Лектыш | Рекорд | Ваштарешыже | Йӧн | Турнир | Кече | Раунд | Жап | Вер | Палемдымаш |
|---|---|---|---|---|---|---|---|---|---|
| Сеҥымаш | 19-5 |  Маркус Макги
|
Пунчал | UFC on ABC 9 | 26 сӱрем 2025 | 3 | 5:00 |  Абу-Даби, ОАЭ
|
|
| Сеҥымаш | 18-5 |  Дейвисон Фигейреду
|
Пунчал | UFC Fight Night: Ян vs. Фигейреду | 23 кылме 2024 | 5 | 5:00 |  Макао, Китай
|
|
| Сеҥымаш | 17-5 | Сун Ядун
|
Пунчал | UFC 299 | 9 ӱярня 2024 | 3 | 5:00 | Майами, Флорида, США
|
|
| Сеҥалтмаш | 16-5 |  Мераб Двалишвили
|
Пунчал | UFC Fight Night: Ян vs. Двалишвили | 12 ӱярня 2023 | 5 | 5:00 | Лас-Вегас, США
|
|
| Сеҥалтмаш | 16-4 | Шон О’Мэлли
|
Пунчал | UFC 280 | 22 шыжа 2022 | 3 | 5:00 | Абу-Даби, ОАЭ
|
Касын эн сай кредалмашыже |
| Сеҥалтмаш | 16-3 | Алджамейн Стерлинг
|
Пунчал | UFC 273 | 9 вӱдшор 2022 | 5 | 5:00 | Джексонвилл, США
|
Куштылго нелытыште UFC чемпион титуллан кредалмаш |
| Сеҥымаш | 16-2 | Кори Сэндхэген
|
Пунчал | UFC 267 | 30 шыжа 2021 | 5 | 5:00 | Абу-Даби, ОАЭ
|
Куштылго нелытыште UFC-н жаплан чемпионжо титулжым сеҥег налын Касын кредалмашыже[34] |
| Сеҥалтмаш | 15-2 | Алджамейн Стерлинг
|
Дисквалификаций | UFC 259 | 7 ӱярня 2021 | 4 | 4:29 | Лас-Вегас, США
|
Куштылго нелытыште UFC-н чемпион титулжым йомдарен |
| Сеҥымаш | 15-1 | Жозе Алду
|
Нокаут | UFC 251 | 12 сӱрем 2020 | 5 | 3:24 | Абу-Даби, ОАЭ
|
Куштылго нелытыште UFC-н чемпион титулжым сеҥен налын |
| Сеҥымаш | 14-1 | Юрайя Фейбер
|
Нокаут | UFC 245 | 14 теле 2019 | 3 | 0:43 | Лас-Вегас, США
|
«Касын выступленийже» |
| Сеҥымаш | 13-1 | Джимми Ривера
|
Пунчал | UFC 238 | 8 пеледыш 2019 | 3 | 5:00 | Чикаго, США
|
|
| Сеҥымаш | 12-1 | Джон Додсон
|
Пунчал | UFC Fight Night: Блахович vs. Сантус | 23 пургыж 2019 | 3 | 5:00 |  Прага, Чехий
|
|
| Сеҥымаш | 11-1 | Дуглас Силва ди Андради
|
Нокаут | UFC 232 | 29 теле 2018 | 2 | 5:00 | Инглвуд, США
|
|
| Сеҥымаш | 10-1 |  Джин Су Сон
|
Пунчал | UFC Fight Night 136 | 15 идым 2018 | 3 | 5:00 |  Моско, Россий
|
Посна палемдыме 62,1 кг нелыт дене кредалмаш; Сон нелытым ыштен огыл. «Касын эн сай кредалмашыже» |
| Сеҥымаш | 9-1 |  Тэруто Исихара
|
Нокаут | UFC Fight Night 132 | 23 пеледыш 2018 | 1 | 3:28 |  Сингапур, Сингапур
|
UFC-ыште дебют |
| Сеҥымаш | 8-1 | Матеус Маттос
|
Нокаут | ACB 71 | 30 идым 2017 | 3 | 2:27 | Моско, Россий
|
Куштылго нелытыште ACB-н чемпионжо титулым арален |
| Сеҥымаш | 7-1 | Магомед Магомедов
|
Пунчал | ACB 57 | 15 вӱдшор 2017 | 5 | 5:00 | Моско, Россий
|
Куштылго нелытыште ACB-н чемпионжо титулым сеҥен налын |
| Сеҥымаш | 6-1 |  Эд Артур
|
Пунчал | ACB 41 | 15 сӱрем 2016 | 3 | 5:00 | Сочи, Россий
|
«Касын эн сай кредалмашыже» |
| Сеҥалтмаш | 5-1 | Магомед Магомедов
|
Пунчал | ACB 32 | 26 ӱярня 2016 | 5 | 5:00 | Моско, Россий
|
Куштылго нелытыште ACB-н чемпионжо титул верч кредалмаш. «Касын эн сай кредалмашыже» |
| Сеҥымаш | 5-0 | Мурад Каламов
|
Пунчал | ACB 24 | 24 шыжа 2015 | 3 | 5:00 | Моско, Россий
|
Куштылго нелытыште ACB гран-прин финалже. Гран-прим сеҥен налын. Касын кредалмашыже. |
| Сеҥымаш | 4-0 | Артур Мирзаханян
|
Нокаут | Professional Combat Sambo — Russia Cup | 5 сӱрем 2015 | 1 | 2:40 | Омск, Россий
|
|
| Сеҥымаш | 3-0 | Харон Орзумиев
|
Сдача | ACB 19 | 30 ага 2015 | 1 | 0:47 | Калининград, Россий
|
Куштылго нелытыште ACB гран-прин полуфиналже |
| Сеҥымаш | 2-0 | Ренато Веламе
|
Пунчал | ACB 14 | 28 пургыж 2015 | 3 | 5:00 | Грозный, Россий
|
ACB-ыште дебют. Куштылго нелытыште ACB гран-прин четвертьфиналже |
| Сеҥымаш | 1-0 | Мурад Бакиев
|
Нокаут | Eurasian Fighting Championship — Baikal Fight | 20 теле 2014 | 3 | 0:45 | Иркутск, Россий
|
Шке илыш
Пётр Ян Юлия Ян дене ӱдыран, нунын кок эргышт уло — Даниил да Константин[35]. Константин 2020 ий 22 июньышто Таиландыште шочын, кушто Юлия Пётрым сборышто коштен[36].
Эрыкан жапыште спортсмен автомат саркурал гыч лӱйкалымаш дене кумылаҥеш[37].
Палемдымаш
- ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (руш.). www.e1.ru (16 идым 2018). Тергыме кече: 3 шыжа 2025.
- ↑ Пётр Ян (неопр.). ufc.ru. Тергыме кече: 3 шыжа 2025.
- ↑ Рейтинг бойцов. UFC Russia. Тергыме кече: 3 шыжа 2025.
- ↑ «Моя фамилия пишется китайскими иероглифами». Пётр Ян о своих корнях. karate.ru.
- ↑ 1 2 Наталия Калинина. «Он как Хабиб, но для другой аудитории»: как парень из сибирской деревни стал чемпионом UFC и заработал $1 млн (руш.). Forbes (3 сорла 2020). Тергыме кече: 3 шыжа 2025.
- ↑ Биография Петра Яна (руш.). Fight.ru (22 шыжа 2022).
- ↑ Жизнь за Полярным кругом, семь братьев и сестер, самый дерзкий русский в UFC. История Петра Яна (руш.). sport-express.ru (8 сӱрем 2020). Тергыме кече: 3 шыжа 2025.
- ↑ Разгружал баржи на Енисее, а теперь зарабатывает больше 10 млн за бой. Тренер и менеджер рассказали, как Петр Ян стал лучшим в UFC (руш.). matchtv.ru (13 сӱрем 2020). Тергыме кече: 3 шыжа 2025.
- ↑ Известный боец ММА объявил о переезде в Екатеринбург. ura.news. Тергыме кече: 3 шыжа 2025.
- ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (руш.). www.e1.ru (16 идым 2018). Тергыме кече: 3 шыжа 2025.
- ↑ «Ты чемпион!»: Жан-Клод ван Дамм обратился к уральскому бойцу ММА Петру Яну. TagilCity (8 кылме 2023).
- ↑ Sportbox.ru. Ян успешно дебютировал в UFC (руш.). sportbox.ru/ (23 пеледыш 2018). Тергыме кече: 3 шыжа 2025.
- ↑ Второй после Хабиба: россиянин Пётр Ян выиграл пятый бой в UFC (руш.). RT на русском. Тергыме кече: 3 шыжа 2025.
- ↑ Русский боец Петр Ян вырубил легенду ММА и бросил вызов чемпиону UFC. Он завоевывает фанатов в США (руш.). sport24.ru. Тергыме кече: 3 шыжа 2025.
- ↑ Пётр Ян нокаутировал Жозе Альдо и стал чемпионом UFC. Sports.ru. Тергыме кече: 3 шыжа 2025.
- ↑ РИА Новости. Петр Ян вошел в число 15 лучших бойцов UFC. РИА Новости (14 сӱрем 2020). Тергыме кече: 3 шыжа 2025.
- ↑ Пётр Ян вошел в топ-10 рейтинга Pound-For-Pound по версии сайта Fightmatrix. Sports.ru. Тергыме кече: 3 шыжа 2025.
- ↑ Микаил Гусейнов. Пётр Ян проведёт титульный бой с Алду 11 июля (руш.). www.championat.com. Тергыме кече: 3 шыжа 2025.
- ↑ UFC 251 weigh-in results and live video stream (англ.). MMA Junkie (10 сӱрем 2020). Тергыме кече: 3 шыжа 2025.
- ↑ Не Хабибом единым: Россия ждет еще одного чемпиона в UFC (руш.). Газета.Ru. Тергыме кече: 3 шыжа 2025.
- ↑ «Мои люди, вероятно, убьют меня за это». Уайт хочет организовать титульный бой между Яном и Альдо (руш.). sport-express.ru (28 ага 2020). Тергыме кече: 3 шыжа 2025.
- ↑ Петр Ян подписал контракт на титульный бой с Алдо (руш.). AllBoxing.ru - Все новости бокса, MMA, бои на видео (10 пеледыш 2020). Тергыме кече: 3 шыжа 2025.
- ↑ Вячеслав Моренко. Пётр Ян стал чемпионом UFC, победив Альдо на турнире UFC 251 (руш.). www.championat.com. Тергыме кече: 3 шыжа 2025.
- ↑ Вячеслав Моренко. Пётр Ян установил рекорд по значимым ударам в бою для легчайшей весовой категории в UFC (руш.). www.championat.com. Тергыме кече: 3 шыжа 2025.
- ↑ Mike Bohn. Petr Yan vs. Aljamain Sterling bantamweight title fight set for UFC 256 (руш.). mmajunkie.com. Тергыме кече: 3 шыжа 2025.
- ↑ Петр Ян прервал серию поражений в UFC, <https://sportrbc.ru/news/65ed2d339a7947a06b2cb4f3>. Тергыме: 3 шыжа 2025.
- ↑ Боец UFC Петр Ян перенесет операцию после победы над Сун Ядуном. sportrbc.ru (18 ӱярня 2024). Тергыме кече: 3 шыжа 2025.
- ↑ Петр Ян победил экс-чемпиона UFC в главном поединке турнира в Макао, 2024-11-23, <https://sportrbc.ru/news/6741e45a9a794771ab8828a8>. Тергыме: 3 шыжа 2025.
- ↑ Кирилл Иванов. Пётр Ян и Маркус Макги проведут бой 26 июля в Абу-Даби. championat.com. Чемпионат (18 пеледыш 2025). Тергыме кече: 3 шыжа 2025.
- ↑ Пётр Ян победил Маркуса Макги на турнире UFC в Абу-Даби, 2025-07-26, <https://tass.ru/sport/24620257>. Тергыме: 3 шыжа 2025.
- ↑ UFC Fight Night 136 bonuses: Oleinik, Blachowicz among $50,000 winners (англ.). MMA Junkie (15 идым 2018). Тергыме кече: 3 шыжа 2025.
- ↑ MMA DNA. MMA DNA UFC Awards 2018 : De Uitslagen!!! (англ.). Тергыме кече: 3 шыжа 2025.
- ↑ Российский боец Петр Ян стал номинантом World MMA Awards. ТАСС. Тергыме кече: 3 шыжа 2025.
- ↑ Чередник, Денис, Бонусы турнира UFC 267, <https://fighttime.ru/news/item/26517-bonusy-turnira-ufc-267.html/>. Тергыме: 3 шыжа 2025.
- ↑ Александр Кожевников. Пётр Ян забрал жену и новорождённого сына из роддома в Таиланде (руш.). www.championat.com. Тергыме кече: 3 шыжа 2025.
- ↑ У Петра Яна родился сын (руш.). sport-express.ru (22 пеледыш 2020). Тергыме кече: 3 шыжа 2025.
- ↑ Петр Ян "No Mercy". Absolute Championship Akhmat. Тергыме кече: 3 шыжа 2025.
Кылвер-влак
- Пётр Ян | UFC (руш.). www.ufc.ru. Тергыме кече: 3 шыжа 2025.
- Пётр Ян (Petr Yan): бои, статистика, вес, рост, рекорд, биография (руш.). vringe.com. Тергыме кече: 3 шыжа 2025.
 | |
|---|---|
| Фото, видео да аудио | |
| Темылан келшыше сайт-влак |
