Юж кумдыкым аралыше войскан кечыже
| Юж кумдыкым аралыше войскан кечыже | |
|---|---|
 «ПВО войскан кечыже» пале | |
| Тӱрлылык | Российысе Сарзе вийын шарнымаш кечыже |
| Вес семын |
«ПВО-н кечыже» «ПВО войскан кечыже» |
| Ышталтын |
Россий Федерацийын президентшын кӱштыкшӧ почеш 2006 ий 31 майыште |
| Палемдат | Россий Федераций |
| Пайремлымаш | апрельын кокымшо рушарняже |
«Юж кумдыкым аралыше войскан кечыже» — Сарзе Вийын оролымаште улшо йот кундемысе юж кумдыкым аралыше-влакын паша пайремышт.
«ПВО войскан кечыже» СССР-ыште апрельысе кокымшо рушарнян палемдалтын. Россий Федераций Президентын 2006 ий 31 майысе 549-ше №-ан «Сарзе Вийыште профессионал пайрем ден шарныме кечым палемдыме нерген» кӱштыкше дене келшышын, ПВО войскан кечыже Россий Федерацийысе Сарзе Вийын шарныме кечыжлан шотлалтеш. Тыгак ий еда, апрельысе кокымшо рушарнян палемдалтеш[1].
Историй ден пайрем
Икымше гана мланде ӱмбалне юж кумдыкым аралыше подразделений Россий империйыште Икымше тӱнямбал сар жапыште шочыныт, нуно тушманын аэропланже-влак ваштареш кучедалыныт. Тунам нунын лӱмын ямдылыме саркуралышт лийын огылат, тыглай пулемётым да куштылго пушко-влакым, турельеш вераҥден, авиаций дене кучедалаш кучылтыныт. Нине подразделений-шамыч икымше кредалмаштак шке пайдалыкыштым да алмашташ лийдымыштым ончыктеныт, варажым Совет Российыште, РККА годым, писын южым аралыше войскам чумыреныт.
1941 ий 22 июньышто Кугу Ачамланде сар тӱҥалын, а сентябрьыште Моском аралаш кӱлын. Лачак моско кредалмаште ПВО войска шке кертмыжым тичмашын ончыктен. Люфтваффын южышто пеш чот виян улмыжым ончыде, тушман СССР-ын рӱдолажлан тӧрлаш лийдыме кугу эҥгекым ыштен кертын огытыл. Конешне, ПВО войска шкетын кредалын огытыл, но олам аралымаште нунын надырышт аклаш лийдыме.
СССР Кӱшыл Каҥаш Президиум 1975 ий 20 февральыште шке Кӱштыкшӧ дене элын Юж кумдыкым аралыше войскан кечыжым увертарен, тидын дене ПВО войскан Кугу Ачамланде сарыште Германийым кырен шалатымаште кугу суапшым, тыгак тыныс жапыште Совет Ушемын чекшым аралымаште аклаш лийдыме надыржым шотыш налме. Пайремым 11 апрельыште пайремлаш темлыме улмаш.
Туге гынат, вич ий эртымек, СССР Кӱшыл Каҥашын Президиумжо у кӱштыкым луктеш, туштыжо «ПВО войскан кечыжым» апрельыште кокымшо рушарнян палемдаш возалтын. СССР шаланымек, «Юж кумдыкым аралыше войскан кечыжым» ондаксе семынак палемдат[2].
Тыгак ончо
- Шочмо Элым аралышын кечыже
- Сухопут войскан кечыже
Палемдымаш
- ↑ 11 апреля — День Войск противовоздушной обороны (День ПВО)
- ↑ День войск противовоздушной обороны России. Центр гражданского воспитания молодежи Кубани. Дата обращения: 26 теле 2023.
Кылвер-влак
- [www.calend.ru/holidays/0/0/138/ День войск противовоздушной обороны (День ПВО).]