Экономистын кечыже
| Экономистын кечыже | |
|---|---|
 | |
| Тӱрлылык | Профессионал пайрем |
| Ышталтын | 2015 ий 24 кылме |
| Палемдат |
 Россий |
| Кече | 11 кылме |
| Йӱла | «Идалыкын экономистше» премийым кучыктымаш |
| Кылдалтын | 1765 ийыште императорский эрыкан экономий ушемын ышталтмыже |
Экономистын кечыже — экономике аланыште пашам ыштыше специалист-влакын профессионал пайремышт. Ий еда 11 ноябрьыште палемдалтеш. РФ экономике вияҥмаш министерствын 2015 ий 24 ноябрьысе 876-шо №-ан кӱштыкшӧ дене тӧнежлыме[1].
Историй
2015 ий марте Российыште экономистын кечыже официал пайрем лийын огыл да 30 июньышто палемдалтын. Пайрем кече 1917 ий деч вара увертаралтын, кунам Финанс шотышто калык комиссариал почылтын, Пашазе да кресаньык-влакын жаплан чумырымо правительствын ужашыже. 1946 ийыште Наркомфин СССР финанс министерствыш савырнен[2].
2011 ийыште Россий президент Финансистын кечыж нерген увертарен, тудыжо 8 сентябрьыште палемдалтеш. 1802 ийыште император Александр I Финанс министерствым ыштыме нерген кӱштыкым луктын[2]. Экономист-влакат тудым шке профессионал пайремышт семынак палемденыт.
2015 ийыште экономист-влакын кечыштым посна палемдаш Эрыкан экономике обществе — ончычсо Император пелен Эрыкан экономике общество темлен, тудым 1765 ий 11 ноябрьыште Екатерина II-н указше почеш почмо улмаш[3]. Общинын гербыштыже омартам да тушко мӱйым погышо мӱкшым сӱретлыме улмаш, тудын ӱжыкмутшо «Пайдале» лийын. Общине кугыжанышын экономикыжым вияҥдыме шотышто тӱҥ принцип-влакым ямдылаш тыршен.
Пайремлымаш
Экономистын кечыже — профессионал пайрем, туге гынат тудым экономике да финанс сферыште пашам ыштыше чыла еҥ-влак палемдат. Тиде кечын специалист-влакын профессионал кӱкшытыштым нӧлтышашлан мастарлык класс, лекций да семинар-влак эртат[4].
11 ноябрьыште экономике обществын эн чапле наградыже — «Идалыкын экономистше» пӱтынь Российысе кӱшыл экономикын премийже кучыкталтеш[5][6]. Премийым пуымо церемоний ий еда Кугыжаныш Кремль полатыште эрта. Премий экономикым вияҥдымаште сулло пашалан икмыняр номинаций дене пуалтеш:
- экономике просвещений да ончен-куштымо пашаште суаплан;
- элын экономикыжым вияҥдымашке практике надырлан;
- экономике наукым вияҥдымашке надырлан[7].
Премийым Пӱтынь Российысе экономике погынымашын кышкарыштыже кучыктат, тудыжым Россий ВЭО да Экономист-влакын тӱнямбал ушемышт Федераций Совет дене пырля эртара. Погынымаш ий еда эрта да Экономистын кечыжлан пӧлеклалтеш. Элын вӱдышӧ экономистше-влак Россий экономикын ончыкылыкшым да регионысо сӱретшым каҥаша, тыгак кугыжанышын технологийже вияҥме нерген мутланат[8].
Палемдымаш
- ↑ Приказ Министерства экономического развития Российской Федерации от 24.11.2015 № 876 "Об установлении профессионального праздника — Дня экономиста". Официальное опубликование правовых актов (24 кылме 2015). Тергыме кече: 10 кылме 2023.
- ↑ 1 2 История Министерства. Минфин России. Тергыме кече: 10 кылме 2023.
- ↑ 11 ноября в России отмечается День экономиста. Санкт-Петербургский государственный университет (11 кылме 2020). Тергыме кече: 11 кылме 2023.
- ↑ День экономиста 2023: история и традиции праздника. Комсомольская правда. Тергыме кече: 11 кылме 2023.
- ↑ День экономиста в России: праздник виртуозов финансовых отчетов. Радио Sputnik (30 пеледыш 2021). Тергыме кече: 11 кылме 2023.
- ↑ Общероссийская Высшая общественная экономическая премия «Экономист года». Вольное экономической общество России. Тергыме кече: 11 кылме 2023.
- ↑ 11 ноября в России отмечается День экономиста. Санкт-Петербургский государственный университет (11 кылме 2020). Тергыме кече: 15 ага 2024.
- ↑ Ирина Макеева. В России 11 ноября отмечают День экономиста. Парламентская газета (11 кылме 2023). Тергыме кече: 15 ага 2024.