Чодыра пашаеҥ-влакын кечышт
| «Чодыра пашаеҥ-влакын кечышт» | |
|---|---|
 Теле чодыра | |
| Тӱрлылык | профессионал пайрем |
| Вес семын | «Лесникын кечыже» |
| Ышталтын | СССР Кӱшыл Советын Президиумжо |
| Палемдат |
 Белоруссий  Киргизий  Россий  Украине |
| Кече | 1966 ий 13 угинде |
| Пайремлымаш | ий еда, идым тылзын кумшо рушарнян |
 РУВИКИ.Медиаште медиафайл-влак | |
«Чодыра пашаеҥ-влакын кечышт» — чыла чодыра пашаеҥ-влакын интернационал профессионал пайремышт, кудо сентябрьысе кумшо рушарнян Белоруссийыште, Киргизийыште, Россий Федерацийыште да Украиныште палемдалтеш[1].
Пайрем историй
Пайрем СССР Кӱшыл Совет Президиумын 1966 ий 13 августысо 1966-шо №-ан («СССР Кӱшыл Советын Ведомостьшо», 1966, 33 №, 742 ст.) кӱштыкше дене шочын, ий еда сентябрьын кумшо рушарня кечынже палемдалтын[2]. СССР шаланыме деч варат южо ончычсо совет республик-влак тиде пайремым арален коденыт.
Белоруссий
Беларусь Республикыште «Чодыра да чодырам перерабатыватлыше промышленностьышто ыштыше пашаеҥ-влакын кечышт» профессионал пайрем улеш, тудо Беларусь Республике президентын 1998 ий 26 мартысе 157-ше №-ан «Беларусь Республикыште кугыжаныш пайрем, пайрем да шарныктыш кече-влак нерген» кӱштыкше дене пеҥгыдемдалтын[3].
Кыргызстан
«Чодыра пашаеҥ-влакын кечыштым» умбакыжат ты кечынак пайремла, тидлан Кугыжаныш чодыра инспекций пашаеҥ-влакын йодмашышт полшен, Кыргыз Республикысе виктер 1993 ий 13 августышто 364-ше №-ан пунчалым савыктен, туштыжо пайремлан уэш официал статусым пуэн.
Украине
Республикын икымше президентше Леонид Кравчук 1993 ий 28 августышто тыгак 356/93-шо №-ан Украиныште чодыра озанлык пашаеҥ, чодыра, пушеҥгым обрабатыватлыше промышленностьысо пашаеҥ-влакын профессионал пайремыштым радамлыше кӱштыкым савыктен — Чодыра пашаеҥын кечыже ий еда сентябрьысе кумшо рушарнян палемдалтеш[4].
Россий
.JPG)
2003 ийыште Владимир Путин пайрем саламлымашан телеграммыштыже теве мом каласен:
«Чодыра Российын ик эн тӱҥ поянлыкше, элнан шергакан экономике да экологий ресурсшо. Тудым уэштарен, шот дене кучылтмаш — тиде кугыжанышын приоритетше... Таче Ачамланде чодыра озанлык да чодырам перерабатыватлыше йӧнозанлык ончылно шуко йодыш шога. Нунын коклаште — комплексын паша лектышышыжым кугемдымаш, технологийым уэмдымаш да, конешне, тыште пашам ыштыше-влакын социал аралтышыштым саемдаш»[5].
2023 ийыште ТАСС-ын пресс-конференцийысе пресс-рӱдерыштыже Чодыра пашаеҥ-влакын кечышт лӱмеш чодырам аралыме нерген икымше шанче фильм анонсироватлалтын[6]. Россий Президент 2023 ий 17 сентябрьыште Чодыра пашаеҥ-влакым профессионал пайремышт дене саламлен, тидын шотыштак «чодырам аралыме системым саемдаш, посна тӱткышым сотемдарыше программылан ойыраш кӱлмым палемден[7].
Тыгак ончо
Палемдымаш
- ↑ НИЦ Регион Календарь (недоступная ссылка)
- ↑ Указ Президиума ВС СССР от 13.08.1966 N 125-VII "Об установлении ежегодного праздника «Дня работника леса»
- ↑ Указ Президента Республики Беларусь от 26.03.1998 № 157
- ↑ Про День працівника лісу| від 28.08.1993 № 356/93
- ↑ Президент Путин поздравил работников и ветеранов лесного хозяйства с Днем работника леса : ИТАР-ТАСС Урал Архивысе копий 23 идым 2013 гыч
- ↑ Лесотехнический университет готовит первый научный фильм о сохранении лесов. Журнал Лесной комплекс (18 идым 2023).
- ↑ Поздравление работников леса. Президент России (17 идым 2023).