Черле-влакын лӱдыкшыдымылыкышт шотышто тӱнямбал кече
| Черле-влакын лӱдыкшыдымылыкышт шотышто тӱнямбал кече | |
|---|---|
 Индийысе Гималайыште суапле эмлымвер | |
| Официал | World Patient Safety Day |
| Ыҥ | медицине практикыште лӱдыкшыдымылык шотышто ушештарымаш |
| Ыштыше | Тӱнямбал тазалыкаралтыш организаций |
| Палемдат | медицине аланысе пашаеҥ-влак |
| Кече | 17 идым |
| Пайремлымаш | ышталтме йыжыҥ |
Черле-влакын лӱдыкшыдымылыкышт шотышто тӱнямбал кече (англ. World Patient Safety Day) — тиде ий еда 17 сентябрьыште палемдалтше кече. Тиде кечым Тӱнямбал тазалыкаралтыш организаций тӱрлӧ элысе пашам ыштыме партнёржо-влак дене пырля тӧнежлен, тыге тӱня мучко черле-влаклан лӱдыкшыдымылык шотышто шинчымашым пуышаш, йӧным ыштышаш верч увертаралтын.
Пайрем историй
Черле-влакын тӱнямбал лӱдыкшыдымылык кечын официал кечыжлан 2019 ий 25 май шотлалтеш. Лач тунам, Тазалыкаралтыш тӱнямбал ассамблейын 72-шо сессийыштыже, «Черле-влакын лӱдыкшыдымылыкыштлан йӧным ыштыме шотышто глобал паша» манме WHA72.6 пунчал пеҥгыдемдалтын. 194 элыште, тыгак Российыштат, сайлан шотлымо тиде кагаз, Черле-влакын лӱдыкшыдымылык кечыштым ий еда 17 сентябрьыште палемдаш темлен[1].
Тиде пайремым тӧнежлымаш мер тазалыкаралтыш шотышто Тӱнямбал тазалыкаралтыш организацийын эртарыме 11 официал глобал кампаний гыч иктыже лийын. Тиде кечын тӱҥ шонымашыже — медицине полышын сайлыкшым кугемдаш да черле-влакын тазалыкыштлан удам ыштыме лектышым иземдаш полшаш[2][3].
Пайрем йӱла
Черле-влакын тӱнямбал лӱдыкшыдымылык кечышт — тиде моло дене таҥастарымаште у пайрем, эше икмыняр ий веле палемдалтеш, тудын йӱлажат эше иктыш ушнен веле толеш[1].
Тазалыкаралтыш тӱнямбал организаций ий еда идалыкаш темым ойыра, тиде теме ӱжыкмут семын лиеш да идалык мучко пашам ышташ ӱжеш. Тыгай теме-влак черле-шамычлан лӱдыкшыдымылык шотышто тӱрлӧ шӧрыным авалта, мутлан, эмым лӱдыкшӧ деч посна кучылтмаш, инфекций деч саклалтмаш да медицине йоҥылышым шагалемдымаш.
Пайремын йӱла-влак радамыште палыме памятник-влакым, чапле вер-шӧрлам да мер кумдыкым сар (нарынчалге) тӱс дене волгалтарымым ужаш лиеш, тидым черле-влакын лӱдыкшыдымылыкыштым ончыктышо тӱс семын умылыман. Тиде тӱс тыгак Черле-влакын тӱнямбал лӱдыкшыдымылыкышт кечым эртарыме шотышто тамга семын лийын кертеш, тиде мер калыкын тӱткышыжым ты йодышышто утларак пӱсемда.
Черле-влакын тӱнямбал лӱдыкшыдымылык кечышт тазалыкаралтышым саемдыме шотышто глобал келшыкыште тӱҥ верым айла, тӱнялан эмлыше медициныште лӱдыкшыдымылык йодышлан эреак тӱткышым ойыраш кӱлмӧ нерген ушештара.
Палемдымаш
- ↑ 1 2 17 сентября - Всемирный день безопасности пациентов. Министерство здравоохранения Оренбургской области.
- ↑ Всемирный день безопасности пациентов 2024: история и традиции праздника. Семья. Проект КП.РУ.
- ↑ 17 сентября 2024 года - Всемирный день безопасности пациентов. Федеральный государственный контроль (надзор) качества и безопасности медицинской деятельности.
Кылвер-влак
- Всемирный день безопасности пациентов, 17 сентября 2024 г. Улучшение диагностики для безопасности пациентов (руш.). Всемирная организация здравоохранения.