Чайын тӱнямбал кечыже

РУВИКИ — эрыкан энциклопедий гыч материал
Чайын тӱнямбал кечыже
Чай вондер
Чай вондер
Тӱрлылык Профессионал пайрем
Вес семын англ. International Tea Day
Ышталтын World Social Forum, 2005 ий
Палемдат Индий, Шри-Ланка да чайым ыштыше моло эл-влак
Кече 21 ага[1]
Пайремлымаш 15 теле
Кылдалтын 1773 ий 16 декабрьын Бостонысо чайым йӱмаш да «Чай индустрий пашаеҥ-влакын правашт шотышто тӱнямбал декларацийым» пуртымаш
Логотип РУВИКИ.Медиа РУВИКИ.Медиаште медиафайл-влак

Чайын тӱнямбал кечыже (англ. International Tea Day) — официал огыл пайрем, Образований да мутланымаш рӱдерын темлымыж дене 21 майыште палемдалтеш. Паша кечылан шотлалтеш.

Историй ден тӱҥ шонымаш

«Чайын тӱнямбал кечыже» пеш рвезе пайрем.

«Чайын кечыжым» палемдаш шонымаш ятыр ий шукталтде кодын, но лачак тӱнямбал мер форумлаште каҥашымеке (англ. World Social Forum), индийысе Мумбайыште, бразилийысе Порту-Алегриште (Образований да мутланымаш рӱдерлан кӧра (англ. Centre for Education and Communication)), 2004 ден 2005 ийласе 15 декабрьым «Чайын тӱнямбал кечыже» маныныт.

«Чайын тӱнямбал кечыже» мер калыкын, политик-влакын тӱткышыштым чайым ужалыме йодышлан, чайым ончен куштышо-влакын йодышыштлан, чайым ыштен лукшын кугу корпораций дене вашшогымашлан, тыгак тиде йӱышым чапландарен моктымашлан ойыраш ман ышталтын[2]. Очыни, пайремын тӱҥ шонымашыже социал да экономике йодыш дене кылдалтмыжлан кӧра, ты кече 15 декабрьлан келшен толын, вет чайым ыштен лукшо-влак ятыр тӱрлӧ йодыш дене кучедалыт, нине проблеме-влакым тӧрлыде ок лий, уке гын, 1773 ийысе 16 декабрьыште лийше тыгаяк илыш азапыш савырнен кертеш. Тыгак 1773 ий 15 декабрьыште «Чай индустрий пашаеҥ-влакын правашт шотышто тӱнямбал деклараций» лектын улмаш.

«Чайын тӱнямбал кечыжым» утларак кумдан Индийыште да Шри-Ланкаште пайремлат[3], туге гынат тӱняште эн кугун ялозанлыкысе чайым шочыктен шогышо эл-влак Бангладеш, Непал, Индонезий, Кений, Малазий, Уганда, Танзаний ты пайрем кечым ӧрдыжеш огыт кодо.

«Чайын тӱнямбал кечыжым» Российыштат палемдаш тӱҥалыныт, тыште чай эн кумдан палыме йӱышлан шотлалтеш. РФ-ыште пайрем верын-верын гына палемдалтеш. Тыге, 2009 ий 11 декабрьыште Иркутскышто тиде кечылан келыштаралтше «Жап чайлан» ончер почылтын[4].

ООН-ын Генерал Ассамблейже 2019 ий 21 декабрьыште «Чайын тӱнямбал кечыжым» (International Tea Day) 21 майыште официальнын пеҥгыдемден[5][6].

Тыгак ончо

Палемдымаш

  1. ↑ https://undocs.org/en/A/74/386
  2. ↑ [www.calend.ru/holidays/0/0/2667/ Международный день чая — 15 декабря. История и особенности праздника в проекте Календарь Праздников 2010]
  3. ↑ 15 декабря — Международный День Чая. Тергыме кече: 15 теле 2009. Архивировано из оригинала 26 шыжа 2013 ий.
  4. ↑ Международный день чая отмечают в Приангарье. Аргументы и факты (11 теле 2009). Тергыме кече: 13 сорла 2010.
  5. ↑ United Nations. Международный день чая | Организация Объединенных Наций (руш.). United Nations. Тергыме кече: 4 сӱрем 2020.
  6. ↑ Международный день чая - International Tea Day - 21 мая (руш.). Какой Сегодня Праздник?. Тергыме кече: 4 сӱрем 2020.

Кылвер-влак

  • [www.calend.ru/holidays/0/0/2667/ «Международный день чая» в «Календаре праздников»]
"https://mhr.ruwiki.ru/w/index.php?title=Чайын_тӱнямбал_кечыже&oldid=1150749" гыч налме