Удмуртла агымаш
| Удмуртла агымаш | |
|---|---|
| одо Ограбление по-удмуртски, яке Кин кызьы узырме | |
 | |
| Жанр-влак | боевик, музыкальный комедий |
| Режиссёр | Дмитрий Могучев |
| Продюсер | Артём Медведев |
| Сценарийын автор-влакше |
Максим Колганов, Дмитрий Могучев, Алексей Котков |
| Тӱҥ рольышто |
Роман Болтачев, Алексей Котков, Максим Григорьев, Вадим Дмитриев, Иван Плотников, Даниил Вахрушев, Надежда Никитина, Анастасия Шубина, Алексей Мулюкин |
| Оператор | Павел Смирнов |
| Художник-постановщик-влак | Николай Петров, Елена Корепанова |
| Кужыт | 1 ш 50 мин |
| Эл | Россий |
| Йылме | одо йылме |
| Ий | 2023 |
| Кинопоиск | ID 5279261 |
Одыла агымаш, але Кин кызьы узырме — одо йылме дене самырык-влаклан романтикан комедий да икымше боевик. Режиссёр — Дмитрий Могучев, оператор — Павел Смирнов. Тӱҥ рольым Одо калыкле театрын актёржо-влак модыныт.
Фильмын премьерже 2024 ий 15 февральыште Ижевскыште лийын[1].
Синопсис
Кӱтӱчылан, комбайнёрлан да пашадымылын окса моткоч кӱлеш. Чыла вариантым ончен лекмеке, нуно банкым агаш шонен пыштат.
Нуно чыла радамлат да пашалан ямде улыт. Но банкыште лиймеке, кредитым пыкше гына огыт нал. Банкыште тиде жапыште чынже агымаш лиеш.
Шочыктымо историй
Тыгай фильмым войзаш шонымаш съёмко тӱҥалме деч ятырлан ончыч шочын. Одо калыкле театрын актёржо-влак манмыла, нуно Одо Республикысе олала ден районлаж мучко В. Шукшинын произведенийлаже почеш тӱрлӧ спектакль дене коштыныт. Илен-толын, ӱдырамаш рольым модшо чыла артистке-влак икте почеш весе декрет отпускыш лектыныт. Тунам коллективын пӧръеҥ пелыжын спектакльым ӱдыр-влак деч посна шындыме нерген шонымаш лектын[2].
Самырык еҥ-влак шкештак сюжетым шонен луктыныт, рольым шеледеныт да репетиций ден выступлений коклаште каныш годым куд модшо геройлан «Одыла агымаш, але Кин кызьы узырме» лӱман сценарийым возеныт[2][3].
2019 ийыште артист-влак репетироватлаш тӱёҥалыныт да декорацийым налыныт, но паша мучашлалтын огыл. А 2020 ийыште тӱҥалше пандемийлан кӧра спектакльым ямдылымым йӧршеш чарненыт[2].
2019 ийыште мый Н. С. Михалковын Кинематографий да театр сымыктыш академийышкыже пуренам, а иленам ГИТИС-ын тӱшкагудыштыжо. Пӧлемыште ме кумытын лийынна: продюсер, актёр да режиссёр. Икана мый ойлен колтышым: коллеге-влак дене ме спектакльым шындаш тӧчена, сценарий ямде. Два тунам мыйын пошкудем, Карелий гыч режиссёрмитрий Могучев, фильмым войзаш ойым пуыш.
— Максим Григорьев, Джимин рольжым модшо[2]
2022 ий тӱҥалтыште Алексей Котков 20 лаштык гыч шогышо сценарийым уэш возен нале: тудо 3 пачаш утла шукемын. Тыгодымак Максим Григорьев кастингым ыштен, Иван Плотников спонсор-влакым кычалын, Вадим Дмитриев административный йодыш-влакым рашемден, Роман Болтачёв фильмлан сем дене пашам ыштен[2].
Сниматлыше команде, кушко режиссёр Дмитрий Могучев, оператор Павел Смирнов да шындыше художник Николай Петров пуреныт, пашам тизерым войзыма гыч тӱҥалын. Тудлан оксам погымым краудфандинг платформышто увертарыме лийын. Налме окса фильмым сниматлаш ситен огыл, сандене кинематографист-влак кокымшо гана краудфандинг погымым колтеныт да тудо жаплан кӱлеш оксам поген ситареныт[3][4].
Икымше одо боевикым 2022 ий июльышто 14 кече жапыште сниматлыме. Шуко сценыжым Изи Пурга районысо Тошто Монья ялыште войзымо, но эпизод-влак тыгак Изи Пургаште да Лудорвайыште лийыныт. Одо калыкле театрын артистше-влак деч посна съёмкышто «Бураново гыч ковай-влак» да республикысе моло илыше-влак участвоватленыт[5].
Съёмкым ыштыме годым мыланна шкаланна массовкым да кокымшо степенян рольыш актёр-влакым ойырымо, кочмо, оксам мумо дене кылдалтше тӱрлӧ йодышым решатлаш логалын, сандене южгунам репетироватленат шуктен огынал. Адакшым, ме, театр артист-влак, сцене-влакым почела модаш тунемынна, а фильмын сценыже-влакым тӱрлӧ жапыште тӱрлӧ верыште сниматлыме, тыге ушышто лкгалтмаш шочын.
— Вадим Дмитриев, Чугаевын рольжым модшо[2]
Съёмко деч вара адакат оксам погаш увертарыме — монтажлан да лентым йӱкаҥдаш. Кӱлеш суммым поген кертме огыл, сандене Калыкле театрым вуйлатыше да артист-влак фильмлан полшымо шот дене концертым эртареныт. Но эсогыл тиде оксат ситен огыл. Тунам вара счётыш лӱм деч посна колтымо дене 200 тӱжем теҥге толын. Сниматлыше тӱшка меценатын лӱмжым пален кертын огыл[2].
Фильм ямде лиймеке, тудым ыштыше-влак черетан нелылык дене тӱкненыт — прокатлык удостоверений уке, тудын деч посна сӱретым кинотеатрлаште ончыкташ ок лий. Йодышым черетан спонсор полшымо дене вораҥдараш йӧн лийын[2].
Премьер
Одо йылме дене рушла субтитран, тӱрыс метражан визымше фильмын премьерже 2024 ий 15 Ижевскысе «Россий» кинорӱдерыште лийын. Билетым чыла ончылгоч налын путареныт[2].
Фильмыште тыгай сцене уло, кунам ик герой, пояш шонен, фильмым войзаш темла, тидлан тудын дене мутланыше еҥ ойла: «Да кӧ рушла субтитран одо фильмым ончаш толеш?». Премьер ончыктымаште тиде диалог деч вара ятыр ончышыжо талын кычкырал колтеныт: «Ми!» (одыла гыч одо ми — ме)[2].
Фильмым ончыктымо пашам тыгак Одо Республикын чыла олалаштыже да ятыр райрӱдыштӧ вораҥдарыме[6][7].
2023 ий шыжым петырыме ончылгоч ончыктымаш тыгак Ижевскыште, Москошто да Петрозаводскышто лийын[5][6].
Актёрмыт
| Актёр | Персонаж |
|---|---|
| Вадим Дмитриев | Чугаев, Чугаретти лӱмедышан пашадыме |
| Даниил Вахрушев | кӱтӱчӧ |
| Роман Болтачев | комбайнёр |
| Алексей Котков | Шальтрамов, полицейский |
| Максим Григорьев | Джимми, вор |
| Иван Плотников | Джонни, вор |
| Надежда Никитина | Лида, банкын пашаеҥже, Чугаевын ончычсо ватыже |
| Анастасия Шубина | Тамара, кевытче |
| Алексей Мулюкин | аракалогар |
Фильмыште тӱҥ рольым модшо Одо калыкле театрын артистше-влак деч посна кокымшо степенян да эпизод рольым «Бураново гыч ковай-влак» да Удмуртийысе моло илыше-влак модыныт[1][5].
Умбакыже шуйымаш
«Одыла агымаш, или Кин кызьы узырме»» фильмын командыже Ижевскыште ончылгоч ончыктымо годым сиквелым ыштыме пашам виктарыме да тымарте тизерымат ямдылен шуктымо нерген увертарен. Но фильмым умбакыже шуйымаш икымше ужашын прокатыште кӱлеш суммым поген шуктымекше веле лиеш[8].
Тыгак ончо
Палемдымаш
- ↑ 1 2 София Хохрякова. Премьера удмуртского фильма «Ограбление по-удмуртски» состоялась в Ижевске. ИА "Удмуртия" (16 пургыж 2024). Тергыме кече: 1 ӱярня 2024.
- ↑ 1 2 3 4 5 6 7 8 9 10 Мария Векшина. Сизьым öсэ йыгаськыса (удм.) // Удмурт дунне : газета. — 2024. — 29 Тулыспалэ (№ 8). — С. 20.
- ↑ 1 2 «Кин кызьы узырме, или Ограбление по-удмуртски» фильмлэн вакчи тизереныз тодматскон ортче (видео) (удм.). YouTube (19 шорыкйол 2022). Тергыме кече: 1 ӱярня 2024.
- ↑ Бекстейдж трейлер фильма "Ограбление по-удмуртски" (2023). YouTube (26 шорыкйол 2023). Тергыме кече: 1 ӱярня 2024.
- ↑ 1 2 3 Анжела Поздеева. «Ограбление по-удмуртски»: полнометражный фильм сняли в Удмуртии. Удмуртская правда (14 ӱярня 2023). Тергыме кече: 1 ӱярня 2024.
- ↑ 1 2 В Глазове покажут почти двухчасовую комедию-драму «Ограбление по-удмуртски» (16+). Город Глазов (18 пургыж 2024). Тергыме кече: 1 ӱярня 2024.
- ↑ Ограбление по-удмуртски, или Кин кызьы узырме. Кинотеатр "Новый мир" / Алнаши (21 пургыж 2024). Тергыме кече: 1 ӱярня 2024.
- ↑ Марина Орехова. «Ограбление по-удмуртски»: состоялся первый предпоказ фильма. izh.kp.ru (6 идым 2023). Тергыме кече: 1 ӱярня 2024.
Кылвер-влак
Тиде статья РУВИКИ-н вес статьяшт дене кылдалтын огыл. |
.svg){kind=link}