Тестировщикын кечыже
| Тестировщикын кечыже | |
|---|---|
 Клеитлыме копшаҥге дене Mark II компьютерын журналже – 1947 ий 9 сентябрьыште мумо «икымше компьютер баг» дене | |
| Ыҥ | тестировщик-влакын программе обеспеченийын качестве ден стабильностьшым ыштымаште надырыштым палемда |
| Палемдат | ПО, ИТ-компаний ден уло тӱнясе сообществе-влакын специалистышт |
| Кече | 9 идым |
| Пайремлымаш | корпоратив саламлымаш ден вашлиймаш, профессионал конференций, семинар да специалист-влакын формальный огыл вашлиймашышт |
| Кылдалтын | bug ден debugging термин-влакын лекме историйышт дене |
Тестировщикын кечыже — программе обеспечений тестирований дене специалист-влакын тӱня мучко ий еда 9 сентябрьыште палемдыме официалдыме профессионал пайрем[1]. Кеч нигушто официал статусшо уке, уло тӱнясе тестировщик-влакым ушышо тӱнямбал пайремлан шотлалтеш[2].
Историй
Легенде почеш, 1947 ий 9 сентябрьыште[3][4] Гарвард университетын шанчыже-влак Mark II Aiken Relay шотлышо машинам тестироватленыт да электромеханик реле контакт коклаште пижше копшаҥгым муыныт, Грейс Хоппер «bug» (англ. йылме гыч — «копшаҥге» ) манын колтен, тыге варажым компьютерыште йоҥылышым ончыктышо мут шочын. Мумо чонаным технике дневникыш пижыктеныт да сереныт: «First actual case of bug being found» (англ. йылме гыч — «икымше гана илышыште, кунам копшаҥгым мумо» ). Тиде оҥай факт «баг» мутым «йоҥылыш» умылымаш семын кучылташлан тӱҥалтышым пыштен. Йоҥылышым мумо да технике кӱрылтыш лийме амалым кораҥдыме чумыр паша варажым debugging (дебаггинг, «отладка», ик мут кодыде: копшаҥге деч утлымаш) маналтын. А профессийын лӱмжӧ test англичан мут гыч шочын, тиде «тергымаш» манмым ончыкта[5].
Палемдымаш
- ↑ 9 сентября — День тестировщика: история, традиции, поздравления, 2024-09-08, <https://iz.ru/1755125/2024-09-08/9-sentiabria-den-testirovshchika-istoriia-traditcii-pozdravleniia>. Тергыме: 9 идым 2025.
- ↑ Дугнист, Ася (2024-08-26), День тестировщика в России в 2025 году: кто устраняет ошибки в IT, <https://vfokuse.mail.ru/article/den-testirovshhika-62523948/>. Тергыме: 9 идым 2025.
- ↑ «Bug Архивысе копий 23 ӱярня 2017 гыч», The Jargon File, ver. 4.4.7. Retrieved June 3, 2010.
- ↑ «Log Book With Computer Bug Архивысе копий 23 ӱярня 2017 гыч», National Museum of American History, Smithsonian Institution.
- ↑ Happy Tester’s Day! – YouTrack Blog | JetBrains (амер. англ.). JetBrains Blog. Тергыме кече: 23 шыжа 2020. Архивлыме 7 ага 2016 ий.