Таможньын тӱнямбал кечыже
| Таможньын тӱнямбал кечыже | |
|---|---|
 | |
| Тӱрлылык | Профессионал пайрем |
| Ышталтын | 1983 ий |
| Пайремлымаш | 26 шорыкйол |
| Кылдалтын | Тӱнямбал таможньо организацийын кумло ияш юбилейже дене |
Таможньын тӱнямбал кечыже (англ. International Customs Day) — таможньысо службо пашаеҥ-влакын профессионал пайремышт. Ий еда 26 январьыште палемдалтеш. Пайрем 1983 ийыште шочын.
Историй
Пайрем кечым тыглай ойыралтын огыл — Тӱнямбал таможньо организацийын икымше сессийже эртаралтын, тудо жапыште Таможньо вашкылын советше семын палыме лийын[1]. Организацийым таможньо кышкарым утларак пайдалын да моторын кучылташ ман, таможньо тӧртыкшотым да технологийым саемдаш ман шонымаш дене ыштыме[2]. Тӱнямбал таможньо организаций моло эл-влакын таможньо службыштым виктара, координироватла, экономике преступлений-влак — закон деч посна шупшыктымашым, шупшыктымо кагаз шотым пудыртылмым эскера, контрабандым шупшыктымаш ваштареш улеш.
Таможньын тӱнямбал кечыжым икымше гана 1883 ийыште палемденыт, Тӱнямбал таможньо организацийын кумло ияш юбилей идалыкыште[3].
2023 ийыште пайрем таможньо органлаште шинчымаш да профессий дене кугешнымашым нӧлтымылан пӧлеклалтын[2].
Йӱла ден пайрем
Федерал таможньо службын официал сайтыштыже тидын нерген тыгай уверым муаш лиеш[1]:
«Таможньын тӱнямбал кечыже — пӱтынь тӱнян таможньо службыжо-влакын татулыкыштым ончыктышо кече веле огыл, тыгак глобал экономикын вияҥме жапыште паша лектышым иктешлаш сай йӧн»
Таможньын тӱнямбал кечыже тӱрлӧ эллаште вашлиймаш, пресс-конференций, ойыртемалтше пашаеҥ ден ветеран-влакым суапландарымаш дене эртаралтеш. Профилян тунемме заведенийлаште таможньысо ончыкылык специалист-влаклан пайрем концертым, лекцийым да семинарым ямдылат.
Тыгак ончо
- Россий Федерацийын таможньо кечыже
- Элгӧргӧ паша орган пашаеҥ-влакын кечышт
- Ведомствыш пурыдымо оролын кечыже
- Оролышо-имнешке службын кечыже
Палемдымаш
- ↑ 1,0 1,1 Международный день таможенника – 26 января. Федеральная таможенная служба (26 шорыкйол 2022). Дата обращения: 23 шорыкйол 2024.
- ↑ 2,0 2,1 Международный день таможенника. МИА «Россия сегодня» (26 шорыкйол 2023). Дата обращения: 23 шорыкйол 2024.
- ↑ Макеева, Ирина. День 26 января в истории. Парламентская газета (26 шорыкйол 2023). Дата обращения: 23 шорыкйол 2024.
Литератур
- Опыт ветеранов – на пользу таможенной службе // Таможенная политика России на Дальнем Востоке. — 2007. — № 2 (39).