Суртдымо еҥын кечыже
| Суртдымо еҥын кечыже | |
|---|---|
 | |
| Ыҥ | Уремеш лийше еҥ-влак дене татулык кече |
| Ышталтын | «Полыш кӱлеш» фондын, «Тыгай паша» сайтын да «Йӱдвер» поро кумылым ончыктышо организацийын темлымыж почеш |
| Палемдат | ӱярня тылзын пытартыш кугарняже |
Суртдымо еҥын кечыже — Российыште ий еда суртдымо-печыдыме еҥ-влакын азапыштлан тӱткышым ойыраш ӱжмӧ мер акций. Суртдымо-печыдыме-влакын кечыштлан мартын пытартыш шочмыжо, йӱштӧ тылзын со эше «йӧсӧ кече» семынат палемдалтын. 2021 ий гыч акцийын шке кечыже — 30 март пеҥгыдемын.
Историй
Суртдымо еҥын кечыжым икымше гана 2017 ий 27 мартыште, «Полыш кӱлеш» / «Нужна помощь» фондын, «Тыгай паша» / «Такие дела» сайтын да «Йӱдвер» / «Ночлежка» поро кумылым ончыктышо организацийын темлымыж почеш эртен[1]. Организатор-влак палемденыт: тиде пашалан пижаш нуным «Йӱдвер» организацийын, «Святой Эгидийын йолташыже-влак» общинын тыршымышт таратен. Акцийыш ушнышо радамыште «Дождь» телеканал, йодыш-вашмут The Question сайт, «Москва FM» радио, «Сноб», Time Out журнал-влак лийыныт. «Хлебъ Насущный» киндым кӱэштше кафе 1,5 тӱжем когыльым да сэндвичым, суртдымо-печыдыме-влакын кочкын кертме верлашке колтен, сатум шупшыктышо Mover службо тиде пашам шуктен. Тиде кечын программыж почеш «Йӱдверыш» Францийын социал да гуманитар йодыш дене ончычсо министрже, «Врачи без границын» негызым пыштыше доктор Ксавье Эммануэлли толын коштын. «Дождь» телеканалыште «Право на тепло» серий дене видео лектын, тушто лӱмлӧ еҥ-влак суртдымо колышо-влак нерген шарнен, некрологым лудыныт, а суртдымо-печыдыме-влак ола оралтысе леведыш ӱмбалне игече могай лийшашым каласкаленыт[2]. 2017 ийысе Суртдымо-печыдыме еҥын кечын «Йӱдвер» посна серий дене суртдымо-печыдыме-влак дене, илышкыл пашаеҥ, эмлыше да моло ты йодышым сайын палыше еҥ-влак дене мутланымашым калыклан темлен[3]. «Тыгай паша» сайт да «Полыш кӱлеш» фонд документ негызеш интерактивный «Иленыт улмаш» анимаций веб-проектым луктыныт, тыште вич суртдымо-печыдыме еҥ нерген каласкаленыт[4]. 2017 ий ноябрьыште ты проект креатив Great Eight (G8) фестивальын «Некоммерческие digital-работы» да «Дизайн» номинацийлаште сеҥышыш лектын. Тыгак проект World Press Photo Digital Storytelling Contest конкурсын финалышкыже лектын да 2018 ий апрельыште Innovative Storytelling катергорийыште кумшо верым айлен[5][6].
2018 ийыште Суртдымо-печыдыме еҥын кечыже 26 мартлан толын. Тиде кечын «Шнуй Эгидийын йолташыже-влак община» «Почылтшо микрофон» акцийым эртарен, тудын кышкарыштыже уремеш лийше еҥ-влак дене мутланымым возымо. Мутланымашым «Порылыкын адресше» цикл дене «Россий радио» эфирыште, «Маяк» радиостанцийыште кучылташ палемдыме[7]. «Яндекс» компаний «Тыгай паша» сайт дене пырля суртдымо еҥым утарыме нерген оҥай интерактив модышым луктын, модышышто суртыдымо ден модшо икгай йӧндымӧ игечыш логалыныт. Суртдымо-печыдыме-влак дене пашам ыштыше фонд-влаклан полышым колтымо шотышто кампанийыш «Ленте» кевыт-влак да автор кинон «Пилигрим» платформыжо ушненыт. Санкт-Петербургышто «Малымывер» дене пырля оласе унагудо-влак «Отельыште — йӱд» акцийым эртареныт, тидын кышкарыште «Метрополис», «Невский Форум», Majestic Boutique Hotel Deluxe, «Невский контур», «Библиотека», «Атлантика», «Оникс», 6 Line Hotel, Elite Realty Setvices да DOM унагудо-бутик шке унагудысо ик йӱд акым реабилитаций приютлан колтеныт[8]. Суртдымо-печыдыме-влаклан полшымо дене пӧлеклыме почмо лекций-влак Москошто да Пермь олаште эртышт[9]. Южо савыктыш-влак Суртдымо еҥын кечыж вашеш туткар илыш йӧныш логалше еҥ-влакын илышышт нерген каласкаленыт[10].
2019 ийыште Суртдымо еҥын кечыж вашеш икмыняр сотемдарыше проект шочын. Поро кумылым ончыктышо «Йӱдвер», Action рекламе агентстве «Суртдымо сайт» — страницым ыштеныт, тыште уремыште илыше вия еҥын илышышт нерген вич документальный историйым вераҥденыт. 2019 ий гыч «Шинчам тергымаш» социал рекламе кампанийыш рӱдоласе ятыр тоштер, театр, ончер ушалтыныт[11]. Моско да Санкт-Петербург оласе «Ленте» торгайыше вапш «Йӱдверын» волонтёржо-влак полшымо дене тӱнен илыше-влаклан кӱлешан тӱрлӧ арвер ден сатум погаш полшеныт. Lenta.ru портал «Йӱдвер» дене пырля «Кумыр» документальный сериалым ямдылен[12].
Суртдымо-печыдыме еҥ-влакын кечышкышт 2020 ийыште книгагудо-влак (22 петербургысо, 34 москосо) савыктыш-влак, книга кевыт, тоштер, электрон книгагудо, Storytel портал, «Ведомости», «Эхо Москвы» да моло СМИ: тӱвыра рӱдер, кинотеатр-влак тыгак лӱмлӧ еҥ-влак ушненыт.
2021 ий март тылзе мучко петербургысо автобуслаште Noize MC, Борис Гребенщиков, мурызо Гречкыни и СБПЧ тӱшкам негызлыше Кирилл Ивановын войзалтме видеоролик ончыкталтын. Роликым Great[13] и Cooldown production агенстве луктын, оласе транспортышто «Йӱдверын» с Transit Media Group да СПб ГУП «Пассажиравтотранс» дене келшымыжлан кӧра лектын. Суртдымо-печыдыме еҥ-влакын кечышт вашеш «Йӱдвер» дене пырля пашам ыштыше «Стрелка» бар 2020 ий гыч ыштен налме гыч оксан ужашыжым москосо поро кумылым ончыктышо организацийын пашалан пуэн. Кумдан палыме блогер Руслан Усачёв моло волонтер-влак дене пырля Санкт-Петербургысо Йӱд автобусын ик рейсыштыже шокшо кочкышым пуэден.
Палемдымаш
- ↑ Ирина Макеева. День 26 марта в истории. Парламентская газета (26 ӱярня 2018). Тергыме кече: 7 сӱрем 2018. Архивлыме 9 сӱрем 2018 ий.
- ↑ В России объявлен День бездомного человека. Татьянин день (31 ӱярня 2017). Тергыме кече: 7 сӱрем 2018. Архивлыме 9 сӱрем 2018 ий.
- ↑ Ася Алисултанова. В марте «Ночлежка» проведет День бездомного человека. Собака.ru (27 пургыж 2018). Тергыме кече: 7 сӱрем 2018. Архивлыме 9 сӱрем 2018 ий.
- ↑ Маргарита Синютина. В России впервые отмечается День бездомного человека. Life (27 ӱярня 2017). Тергыме кече: 7 сӱрем 2018. Архивлыме 12 пеледыш 2018 ий.
- ↑ Российские мультимедийные проекты прошли в финал конкурса World Press Photo. ТАСС (14 пургыж 2018). Тергыме кече: 7 сӱрем 2018. Архивлыме 9 сӱрем 2018 ий.
- ↑ В России проведут День бездомного человека. ТАСС (27 ӱярня 2017). Тергыме кече: 7 сӱрем 2018. Архивлыме 14 сӱрем 2018 ий.
- ↑ Бездомных приглашают рассказать о себе на федеральном радио. Общественное телевидение России (23 ӱярня 2018). Тергыме кече: 7 сӱрем 2018.
- ↑ Катерина Абрамова. 26 марта 2018 День бездомного человека – акция солидарности с людьми, оказавшимися на улице. Филантроп (25 ӱярня 2018). Тергыме кече: 7 сӱрем 2018. Архивлыме 9 сӱрем 2018 ий.
- ↑ Андрей Сучилин. 26 марта — День бездомного человека. Агентство социальной информации (26 ӱярня 2018). Тергыме кече: 7 сӱрем 2018. Архивлыме 9 сӱрем 2018 ий.
- ↑ Кристина Сафонова. «Пристав забрал все под ноль»: как лишаются жилья жертвы черных риелторов. Афиша Daily (29 ӱярня 2018). Тергыме кече: 7 сӱрем 2018. Архивлыме 18 пеледыш 2018 ий.
- ↑ «Ночлежка» запустила в Москве социальную рекламу в поддержку бездомных. Такие дела (14 шорыкйол 2019). Тергыме кече: 24 кылме 2021. Архивлыме 24 кылме 2021 ий.
- ↑ Лицо перекредитованной России — в документальном сериале «Грош», совместном проекте «Ленты.ру» и благотворительной организации «Ночлежка». Лента.ру (28 пеледыш 2019). Тергыме кече: 24 кылме 2021. Архивлыме 24 кылме 2021 ий.
- ↑ Благотворительная организация «Ночлежка». Кампании 2008–2018. Агентство Great. Тергыме кече: 26 кылме 2021. Архивлыме 26 кылме 2021 ий.