Стандарт-влакын тӱнямбал кечышт
Стандарт-влакын тӱнямбал кечышт але Cтандартизацийын тӱнямбал кечыже (англ. World Standards Day) — тӱнямбал кече, айдеме-влакын тӱткышыштым чылаштлан келыштарыме образец, ик стандарт почеш ыштымаш, тиде паша дене илышыштым кылдыше, кӱкшо мастарлыкым ончыктышо, мутым кучышо ятыр тӱжем еҥ-влаклан сулымо пагалымашым ончыкташ. Стандарт-влакын тӱнямбал кечыже пӱтынь тӱня мучко ий еда, 14 октябрьыште палемдалтеш[1].
Стандарт-влакын тӱнямбал кече историй да пайрем
Стандарт-влакын тӱнямбал кечыже эртарышашлан кечым тыглай ойырымо огыл, молан манаш гын, тиде кечын, 1946 ий 14 октябрьыште Великобританийын рӱдолаштыже Лондонышто стандартизаций шотышто калыкле организаций-влакын конференцийышт почылтын. Конференцийыште 25 элла гыч 65 делегат лийыныт, тидын шотыштак Совет Союзысо Социалист Республик гычат лийыныт. Тиде конференцийын тӱҥ событийже, чынже денак манаш лиеш Стандартизаций шотышто тӱнямбал организацийын шочмыжо (англ. International Organization for Standardization, ISO). Кызыт ISO 164 элын стандартизаций шотышто калыкле организаций-влакым ушен. Россий Федерацийым верч тыште Техникым регулироватлыше да метрологий шотышто Федерал агентстве мутым куча, ISO-н тичмаш праван членже.
1970 ийыште ISO-н президентше Турций гыч Фарук Сунтер Стандартизацийын тӱнямбал кечыжым, стандартизацийын тӱнясе экономикылан пеш кӱлешан улмыжым ончыкташлан, ий еда палемдаш темлен. Кечым ойырымо годым «Стандартизаций шотышто Тӱнямбал организацийын» шочмо кечыжым ойыреныт[2].
Кажне ийын пайрем посна девиз дене эрта:
- 1998 ий — «Стандарт да тыглай илыш»[3]
- 1999 ий — «Стандарт почеш чоҥымаш»[4]
- 2000 ий — «Тӱнямбал стандарт-влак тыныс ден вияҥмашлан»[5]
- 2001 ий — «Йырым-йырысе илыш да стандарт-влак: иктеш лийме пеҥгыдылык»[6]
- 2002 ий — «Чыла вере кӱлешан ик стандарт, ик тергымаш»[7]
- 2003 ий — «Глобал стандарт-влак глобал увер мер кыллан»[8]
- 2004 ий — «Стандарт-влак тӱням ушат»
- 2005 ий — «Лӱдыкшыдымӧ тӱнялан стандарт-влак»[9]
- 2006 ий — «Стандарт-влак: изи бизнеслан кугу пайда»[10]
- 2007 ий — «Стандарт ден граждан-влак: обществым вияҥдымашке надыр»[11]
- 2008 ий — «Интеллектуал да пеҥгыде пӧрт-влак»[12]
- 2009 ий — «Стандарт полшымо дене климат вашталтме проблемым тӧрлымаш»[13]
- 2010 ий — «Стандартлан кӧра тӱня чылаштлан йӧнан лиеш»
- 2011 ий — «Тӱнямбалысе стандарт — глобал кӱкшытыштӧ ӱшаным ыштымаш»[14]
- 2012 ий — «Шагалрак йомдарымаш — сай лектыш. Стандарт-влак пайдалыкым нӧлтат»[15]
- 2013 ий — «Тӱнямбал стандарт-влак прогресслан йӧным ыштат»[16]
- 2014 ий — «Стандарт-влак сеҥымашлан иктӧр йӧным ыштат»[17]
- 2015 ий — «Стандарт-влак — тиде йылме, кудыж ден пӱтынь тӱня ойла»[18]
- 2016 ий — «Стандарт-влак» ӱшаным шочыктат»[19]
Палемдымаш
- ↑ Международный день стандартизации в разделе «Праздники Канады». праздники 2010 год. Тергыме кече: 10 шыжа 2009. Архивлыме 15 шыжа 2011 ий.
- ↑ ИСО — Международная организация по стандартизации. Тергыме кече: 7 сӱрем 2011. Архивлыме 7 сорла 2008 ий.
- ↑ «День стандартов 1998». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 1999». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2000». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2001». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2002». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2003». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2005». Тергыме кече: 7 сӱрем 2011. Архивлыме 19 шыжа 2011 ий.
- ↑ «День стандартов 2006». Тергыме кече: 7 сӱрем 2011. Архивлыме 19 шыжа 2011 ий.
- ↑ «День стандартов 2007». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2008». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2009». Тергыме кече: 11 вӱдшор 2011. Архивлыме 19 шыжа 2011 ий.
- ↑ «День стандартов 2011». Тергыме кече: 11 вӱдшор 2011. Архивлыме 30 идым 2011 ий.
- ↑ «День стандартов 2012»
- ↑ «День стандартов 2013» Архивысе копий 4 шыжа 2013 гыч
- ↑ «День стандартов 2014». Тергыме кече: 13 шыжа 2016. Архивировано из оригинала 14 шыжа 2016 ий.
- ↑ «День стандартов 2015» Архивысе копий 16 кылме 2015 гыч
- ↑ «День стандартов 2016». Тергыме кече: 13 шыжа 2016. Архивировано из оригинала 14 шыжа 2016 ий.