Солык кече

Солык кече
Солык кече
	; Солыкын кечыже 2005, Инсбрук, Австрий, шкенжын ойлымыж почеш, тушто Адамс «Вуйлатымашым» возаш кумылаҥын
Официал	Towel Day
Палемдат	Дуглас Адамсын поклонникше-влак
Кече	25 ага
Йӱла	кечыгут солык дене коштмаш
Кылдалтын	Дуглас Адамс, «Галактикысе Автостоп» дене
	РУВИКИ.Медиаште медиафайл-влак

Солыкын (шӱргыӱштышын) кечыже ий еда 25 майыште палемдалтеш. Англичан писатель, драматург да сценарист Дуглас Адамс (англ. Douglas Adams) тыгай мыскара произведений-влакым серыше авторлан шотлалтеш: «Автостопом по Галактике» / «Автостоп дене Галактике мучко» (англ. The Hitchhiker’s Guide to the Galaxy букв. «Путеводитель автостопщика по Галактике») да «Холистическое детективное агентство Дирка Джентли» / «Дирка Джентльын холистике детектив агентствыже»(англ. Dirk Gently's Holistic Detective Agency). Тӱнямбалне кумдан палыме «Автостоп дене Галактике мучко" романыштыже лачак тудо мланде ӱмбалсе корнылаште але галактике кокласе кумдыкышто кусныл кошташлан вашталташ лийдыме арвер семын солыкым ончыктен. Солыкын кечыже икымше гана 2001 ийыште, 11 майыште, писательын колымыж деч вара кок арня эртымек палемдалтын. Тиде кечын серызын усталыкшым йӧратыше-влак пеленышт солыкым кондыштыныт. «Путеводитель» романыштыже Адамс шӱргӱштышлан тичмаш главам пӧлеклен:

Солык, пожале, туристын илышыштыже эн кӱлешан наста. Шуко шотышто тудын акше илышым йӧнандырымаште палдырна: тудын дене Бета Ягланын йӱштӧ тылзылаштыже коштмо годым пӱтырналташ лиеш; Какрафун планетыште йошкар тулым велыше шӱдыр-влак йымалне йӱдым леведыш семын леведалт малаш лиеш; Сантрагинусын ошман пляжлаштыже шаралтен, теҥызын руштыктарыше пушыж дене ракатланен кияш йӧнан; тудым шоло семын вӱд ӱмбак шаралтен, Мотылёк эҥерын неле йогынжо дене волаш йӧнан; тудым азапыш логалме годым полышым йодын рӱзаш лиеш, тыгак лиеш вашшогымаште нӧртен кучедалаш, аяран юж деч авыралтын вуеш пӱтыраш але Траальысе вӱрйӱшӧ Звережукын ончалтышыж деч утаралташ (ӧрыктаыше ораде шукш, кудо тыге шона: те тудым огыда уж гын, тудат тендам огеш уж; шуэн вашлиялтше ораде, но пеш чот вӱрым йӧратыше); ну мучашлан те тудын дене ӱштылалт кертыда, конешне, солыкшо ару гын. Туге гынат, солык - психологий велымат пеш кӱлешан арвер. Умылтараш лийдыме амал дене, странг (автостопщик огыл) автостощикын пеленже шӱргӱштыш улмым пален налмеке, тыге умыла: тудын пӱй пастыже, фляге, компас, кандыра пӱтырем, плащ, скафандр да тулеч моло, тулеч моло арверат уло. Тидат ок сите, страг каласыме аврер гыч да каласыдыме гычат кеч-кудыжым куанен туристлан арымеш пуа. Страгын умылымаштыже, Галактикым тореш-кутынь коштын савырныше, неле тергымашым эртыше, лӱдыкшо азап гыч шке поро лӱмжым арален кертше да тидын годымак шке солыкшым саклен кодышо айдеме кугу деч кугу пагалымашым сула.

Солык пайремын лийын кертме жапше: 4 февраль (4/2 жапым возымо британ системе почеш), 11 февраль (идалыкын 42-шо кече), 11 март (Адамсын шочмо кечыже), 2 апрель (4/2 жапым серыме американ системе дене пайдаланаш гын), 11 май (Адамсын колымо кечыже), 22 июнь (колымыж деч вара 42-шо кече) але 18 октябрь (колымо ийжын 42-шо изарняже).

Солыкын кечыжын шочмо нерген

Солыкын кечыже шочаш негызым «Towel Day: A Tribute to Douglas Adams» вуймутан увертарымаш пуэн: тудо 14 майыште 2001 ийыште программым шыҥдарыме шотышто «Binary Freedom» форумышто (кӱчык жап гына лийын) савыкталтын.

Дуглас Адамсым йӧратыше тӱнямбал еҥ-влаклан чылаштлан ситаш ок тӱҥал. Тудым пагалыше-влак генийлан вуйым савен кертышт манын, колымыж деч вара кок арня эртымек, "Солыкын кечыжым" (2001 ий 25 май) палемдаш темлем. Адамс Дугласым йӧратыше-влаклан ты кечын шке пелен солыкым нумалаш темлем. Тек солык шинчалан перныше лиеш, кучылтса тудым мутланаш амал семын. Тек тудо-влак, кудышт нигунам «Автостопом по галактике» лудын огытыл, каят да муыт ты книга экземплярым. Солыкым вуй йырат пӱтыралаш лиеш, курал семынат кучылташ лиеш, тамле пушан вӱд дене нӧрташ лиеш — чыла, кеч-момат ышташ лиеш!

Тыгак ончо

Кылвер-влак