Россий полиграфийын кечыже
| Россий полиграфийын кечыже | |
|---|---|
 | |
| Официал | Россий полиграфийын кечыже |
| Ышталтын | 2014 ийыште |
| Палемдат | 19 апрельыште |
| Кече | 19 вӱдшор |
| Йӱла | пашаеҥ-влакым суапландарымаш, ончер, конференций-влак |
| Кылдалтын | Российыште книгам савыкташ тӱҥалме дене |
Россий полиграфийын кечыже (руш. День российской полиграфии) — Российысе полиграфий аланыште тыршыше-влакын: типографий, савыктыш, редакций пашаеҥ-влакын, тыгак савыктыш сатум ямдылымаште, калык деке намиен шуктымаште тыршыше пашаеҥ-влакын профессионал пайремышт. Ий еда 19 апрельыште палемдалтеш.
Историй
Савыктыш да калык тӱшкам ушен шогышо йӧн (коммуникаций) шотышто федерал агентстве да Тӱвыра министерстве мер калыкын йодмыжым шотыш налын, 19 апрельыште посна аланысе пайремым — Россий полиграфийын кечыжым — пеҥгыдемден. Лач тиде кечын, 1563 ий 19 апрельыште, икымше книгам савыктыше Иван Фёдоров элысе икымше «Апостол» книгам савыктыме пашалан пижын[1].
Пайрем кечым увертараш йодмаш дене полиграфист-влак шкештак лектыныт. Нуно шке профессионал пайрем кечыштым палемдаш правам шуко ий йодыныт. Нунын шонымашышт 2013 ийыште шукталтын. Ты жап гыч российысе профессионал кечышотышто палемдыме эше ик у кече ешаралтын.
Пайремлыме кечым Русьышто икымше «Апостол» книгам савыкташ ямдылыме жап дене кылденыт. Тудым ямдылымаште книгасавыктыше кок еҥ ик ий, 1563 ий 19 апрель гыч 1564 ий 1 март марте, тыршен.
XVI курым кыдалне великий князь Иван Грозный икымше типографийым чоҥаш кӱштен. Тудо жап гычак руш полиграфий тӱҥалтышым налын[2].
Пайремым увертарымаш
Полиграфий пашаеҥ-влакын профессионал пайремышт 2014 ийыште Россий Федераций Виктерын пунчалже дене пеҥгыдемдалтын. 19 апрель москосо икымше типографийын пашам ышташ тӱҥалмыж лӱмеш ойыралтын[2].
Пайремлыме йӱла
Россий полиграфийын кечыже типографий, савыктыш да ты аланлан пашаеҥым ямдылыше тунемме тӧнежлаште палемдалтеш:
- пайрем погынымаш да профессионал конференций-влак;
- ты аланысе пашаеҥ-влакым суапландарымаш;
- полиграфий сату ончер-влак;
- у савыктыш проект-влакым ончыктымаш.
Ты пайрем тӱвырам, образованийым да тӱшка-увер йӧн-влакым (СМИ) вияҥдымаште полиграфийын кӱлешлыкшым палемдаш полша[3].
Палемдымаш
- ↑ И.С., Бадера (2025-04-19), История Дня российской полиграфии - Централизованная библиотечная система Евпатории, <https://biblioevpatoria.ru/2025/04/19/istoriya-dnya-rossijskoj-poligrafii/>. Тергыме: 3 ӱярня 2026.
- ↑ 1 2 19 апреля — День российской полиграфии: история и традиции праздника, 2024-04-18, <https://iz.ru/1683216/2024-04-18/19-aprelia-den-rossiiskoi-poligrafii-istoriia-i-traditcii-prazdnika>. Тергыме: 3 ӱярня 2026.
- ↑ Традиции празднования Дня российской печати, <https://rg.ru/2024/01/10/den-rossiyskoy-pechati-data-istoriya-tradicii.html?utm_referrer=https%3A%2F%2Fyandex.ru%2F#4>. Тергыме: 3 ӱярня 2026.