Российыште чодыра пожар-влак (2025)

РУВИКИ — эрыкан энциклопедий гыч материал
2025 ийыште Российыште чодыра пожар-влак
2025 ийыште Российыште чодыра пожар-влак
2025 ийыште Российыште чодыра пожар-влак
Верланымаш  Россий
Кече 2025 ий февраль гыч

2025 ийыште Российыште чодыра пожар-влак — 2025 ий январь гыч декабрь марте Россий Федераций кумдыкысо чодыралаште тул ылыжме случай-влак.

Прогноз

Рослесхозын увертарымыже почеш, 2025 ийыште чодыра пожар-влак уда игечылан верч, ончычсо дене таҥастарымаште, ондакрак тӱҥал кертыт[1]. Шагал луман телылан кӧра Рӱдӧ федерал округлан (РФО) пӱртӱсыштӧ тул ылыжмылан молгунамсе семын апрель кыдаллан огыл, а март кыдалланак ямдылалт шуаш кӱштымӧ[2]. Тул ылыжмаште тыгак айдеме фактор кугу рольым модеш.

Алексей Ярошенко, «Мланде кажне дечат шога» проектыште чодыра, пеҥгыде чодыра озанлык да пожар шотышто эксперт:

«2025 ийыште кугу пожар лийшашын тӱҥ амалже — Российын чодыра улман ятыр кундемыштыже шошын эр толмыжо да элын касвел ужашыштыже моткоч кукшо игече лийын кертмаште. Игечын чынжымак кукшо лийын кертмыже шуко шотышто шошым да кеҥежым йӱрын кузерак йӱрмыж деч шога. Туге гынат, кодшо ийысе кукшо шыжылан да шагал луман телылан кӧра рокышто да лум вочмо верлаште вӱд моткоч чот шагал погынен манын пеҥгыдын каласаш лиеш[3].»

Тул ылыжме кӱкшӧ лӱдыкшӧ 2025 ий март гыч Рӱдӧ, Кечывалвел, Юл кундем, Йӱдвел Кавказ федерал округласе иктаж 30 регионышто, тыгак Мӱндыр Эрвелне ончылгоч палемдалтеш. Лӱдыкшӧ кундемыш Брянск, Белгород, Моско, Воронеж область-влак, Курск, Орёл да Смоленск областьлан касвел да рӱдӧ ужашышт пурат[4].

14 мартлан пожар ваштареш улшо лӱмын режимым РФ-ын кум субъектыштыже пуртымо: пӱтынь Калининград областьыште, Краснодар крайын кок муниципал образованийыштыже, Приморский крайын 14 муниципал образованийыштыже.

Пожар лӱдыкшӧ пагыт Россий Федерацийын кандаш субъектыштыже почылтын: Краснодар крайын, Карачаево-Черкессий, Кабардино-Балкарий, Чечен Республиклан, Белгород, Астрахань, Калининград область-влакын уло кумдыкыштышт, Приморский крайын 18 муниципал образованийыштыже[5].

Пожар дене кучедалмылан шийвундым ойырымаш

Чодыра пожар дене кучедалаш 2025 ийыште федерал бюджет гыч регион-влаклан 20 млрд наре теҥгем ойыраш палемдыме, тидыже 2024 ийысе деч шукырак[6].

Регионлаште пожар

Амур область

2025 ий шошым регионысо уло кумдыкышто пожар ваштареш лӱмын режимым пуртымо. Майыште пожар Амур областьысе Свободненский районын чодыраштыже лийын, тудо виян мардеж да кукшо игечылан кӧра пеш писын шарлен. Ты шотыштак 13 майыште тул «Эрвел» космодром воктенысе Циолковский ола деке чак лишемын[7], 14 майыште тудым чарыме[8].

Забайкальский край

7 апрельлан увер почеш регионышто 57 тӱж. гектар утла кумдыкышто 32 пожар каен шоген. Тунгокоченский, Чернышевский да Чита районлаште ЧС режим пашам ыштен[9].

17 апрельыште Росчодыраозанлык Забайкальский крайыште федерал кӱкшытан ЧС режимым пуртымо нерген каҥашат манын увертарен. Апрельлан данный почеш, Россий кумдыкышто 2025 ий тӱҥалтыш гыч регистрироватлыме чыла чодыра пожар кумдыкын лач 60 % наре Забайкальский крайлан логалын[10].

2025 ий 23 апрельыште Забайкальский крайыште федерал кӱкшытан чрезвычайный ситуаций режимым пуртымо[11].

2025 ий 13 майлан Забайкальский крайыште 576 тӱж. гектар утла кумдыкышто 45 чодыра пожар каен шоген. Чита муниципал округышто гына 31 тӱж. гектар утла йӱлен. Россий МЧС-ын утарыше-влак тӱшкаже Сохондо, Яблоново да Тургутуй илыме верлашке кусненыт, тыгак пожарым йӧртымаште Россий МЧС-ын Ил-76 самолётшо-влак лийыныт[12].

21 майыште «Байкал» федерал трассым виян чодыра пожарлан верчын петыреныт. Тул корно деке моткоч чак лишемын, тидлан кӧра Улётовский районышто автокорнын ныл километржым петыреныт[13].

Приморский край

Февраль мучаште — мартыште Приморский крайыште шуко вере тул ылыжын, тидлан шагал луман кукшо теле, тыгак айдеме фактор амал лийыныт. Виян мардеж тулым шараш полшен.

Тӱҥ статья: Приморский крайыште пожар-влак (2025)

Ростов область

2 апрельыште Батайск воктен Солёный ер лишне ландшафтный пожар тӱҥалын, кукшо шудо да омыж ылыжыныт. Ир кайык-влакын пыжашыштлан лӱдыкшӧ шочын, а нугыдо шикш Ростов-на-Дону марте шуын[14].

Тюмень область

1 апрель гыч регионышто пожар лӱдыкшӧ пагыт режимым пуртымо. Тюмень олаште «пожар лӱдыкшыдымылыкым шукташ манын, граждан-влаклан оласе чодыралаште шагалрак лийме нерген» пунчалым лукмо[15].

Хабаровск край

10 апрельыште РФ-ын экологий да пӱртӱс ресурс министрже Александр Козлов Хабаровск крайысе пожар лӱдыкшылан пӧлеклалтше погынымашым эртарен. Тиде край 2024 ийыште Российыште чодыра пожар деч эн чот эмганыше вич регионыш пурен, чодыра фондын 3,3 % утла кумдыкшо эмганен[16].

Хакасий

2025 ий 5 апрельыште тале мардежлан верч регионышто пожарын шарлымыжлан кӧра республикын кумдыкыштыжо ЧС да пожар ваштареш режимым пуртымо. Тиде кечын 43 пожар тулверым регистрироватлыме[17]. 2025 ий 6 апрельыште 60 пожарым палемдыме, 35 ландшафтный пожарым чарыме, пӱртӱс пожарын тичмаш кумдыкшо 80,6 км лийын[18][19], тыгак Абакан, Саяногорск, Аскиз, Бейск, Орджоникидзе, Усть-Абакан, Алтай районлаште илыме пӧрт ден чоҥыш-ваклан эҥгек лийын[20].

11-13 апрельыште Хакасийысе Таштып, Боград, Ширин районлаште чодыра пожар-влакым чарыме[21].

19-20 апрельыште пожарым республикысе индеш район ден олаште палемдыме, тыгак чарен кертдыме шудо йӱлымым палемдыме[22][23].

Бурятий

2025 ий 13 май гыч Бурятийыште чодыра пожарлан кӧра регион мучко чрезвычайный ситуаций манме режимым пуртымо. 13 май эрлан регионышто Баунтовысо эвенкий ден Еравнин районлаште чылаже 53 208 га кумдыкышто 22 чодыра пожар каен шоген[24].

Палемдымаш

  1. ↑ Лесные новости | Рослесхоз (руш.). rosleshoz.gov.ru (12 пургыж 2025). Тергыме кече: 14 ӱярня 2025.
  2. ↑ Рослесхоз ожидает лесные пожары в центре России в марте, 2025-02-12, <https://www.kommersant.ru/doc/7498066?utm_source=yxnews&utm_medium=mobile&utm_referrer=https://dzen.ru/news/search&clckid=b857f9d7>. Тергыме: 14 ӱярня 2025. 
  3. ↑ Худший пожарный прогноз за последние пять лет (амер. англ.). earthtouches.me (26 пургыж 2025). Тергыме кече: 14 ӱярня 2025.
  4. ↑ Из искры: лесные пожары могут начаться в 30 регионах уже в марте, 2025-02-21, <https://iz.ru/1842360/kseniia-nabatkina/iz-iskri-lesnye-pozhary-mogut-vspykhnut-v-30-regionakh-uzhe-v-marte?utm_source=yxnews&utm_medium=mobile&utm_referrer=https://dzen.ru/news/search&clckid=7505e030>. Тергыме: 14 ӱярня 2025. 
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС (14 ӱярня 2025).
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост (руш.). arcticpost.ru (14 ӱярня 2025). Тергыме кече: 14 ӱярня 2025.
  7. ↑ МЧС России. Telegram. Тергыме кече: 13 ага 2025.
  8. ↑ Пожар около космодрома Восточный локализовали, 2025-05-14, <https://www.rbc.ru/rbcfreenews/682434bb9a7947db0f951206>. Тергыме: 14 ага 2025. 
  9. ↑ В Забайкалье горит 32 пожара, с утра их было на три больше, 2025-04-07, <https://www.chita.ru/text/ecology/2025/04/07/75311909/>. Тергыме: 7 вӱдшор 2025. 
  10. ↑ В Забайкалье из-за лесных пожаров могут ввести федеральный режим ЧС, 2025-04-17, <https://www.interfax.ru/russia/1021352>. Тергыме: 17 вӱдшор 2025. 
  11. ↑ В Забайкальском крае ввели федеральный режим ЧС из-за лесных пожаров, 2025-04-23, <https://realnoevremya.ru/news/334133-v-zabaykalskom-krae-vveli-federalnyy-rezhim-chs-iz-za-lesnyh-pozharov>. Тергыме: 23 вӱдшор 2025. 
  12. ↑ МЧС России. Telegram. Тергыме кече: 13 ага 2025.
  13. ↑ Российскую федеральную трассу перекрыли из-за пожара, 2025-05-21, <https://lenta.ru/news/2025/05/21/rossiyskuyu-federalnuyu-trassu-perekryli-iz-za-pozhara/>. Тергыме: 21 ага 2025. 
  14. ↑ «Апокалипсис рядом с нами»: зарево пожара возле Батайска видно за километры, 2025-04-02, <https://rostovgazeta.ru/news/2025-04-02/apokalipsis-ryadom-s-nami-zarevo-pozhara-vozle-batayska-vidno-za-kilometry-5360651>. Тергыме: 3 вӱдшор 2025. 
  15. ↑ Тюменцам запретят посещать городские леса. СПИСОК, 2025-03-26, <https://nashgorod.ru/news/2025-03-26/tyumentsam-zapretyat-poseschat-gorodskie-lesa-spisok-5354756>. Тергыме: 26 ӱярня 2025. 
  16. ↑ К глобальным таежным пожарам готовятся в Хабаровском крае, 2025-04-10, <https://transsibinfo.com/news/2025-04-10/k-globalnym-taezhnym-pozharam-gotovyatsya-v-habarovskom-krae-5365990>. Тергыме: 10 вӱдшор 2025. 
  17. ↑ В Хакасии из-за пожаров и сильного ветра объявили режим ЧС, 2025-04-05, <https://vz.ru/news/2025/4/5/1324063.html>. Тергыме: 23 ага 2025. 
  18. ↑ 60 пожаров, один пострадавший - огнеборцы Хакасии об итогах штормовой субботы, 2025-04-06, <https://19rusinfo.ru/obshchestvo/92913-60-pozharov-odin-postradavshij-ognebortsy-khakasii-ob-itogakh-shtormovoj-subboty>. Тергыме: 23 ага 2025. 
  19. ↑ Специалисты МЧС ликвидировали более 30 ландшафтных пожаров в Хакасии, 2025-04-06, <https://iz.ru/1866141/2025-04-06/spetcialisty-mchs-likvidirovali-bolee-30-landshaftnykh-pozharov-v-khakasii>. Тергыме: 23 ага 2025. 
  20. ↑ Названы все территории Хакасии, где из-за ветра бушевали пожары, 2025-04-06, <https://gazeta19.ru/news/kriminal-i-proisshestviya/nazvany-vse-territorii-khakasii-gde-iz-za-vetra-bushevali-pozhary/>. Тергыме: 23 ага 2025. 
  21. ↑ Леса в Хакасии горели из-за подростков и искр от тепловоза, 2025-04-14, <https://ctv7.ru/news/obschestvo/lesa-v-hakasii-goreli-iz-za-podrostkov-i-iskr-ot-teplovoza.html>. Тергыме: 23 ага 2025. 
  22. ↑ Масштабные пожары охватили Хакасию, 2025-04-21, <https://newkhakasiya.online/news/2025-04-21/masshtabnye-pozhary-ohvatili-hakasiyu-5374554>. Тергыме: 23 вӱдшор 2025. 
  23. ↑ В Хакасии за день потушено шесть ландшафтных и техногенных пожаров, 2025-04-19, <https://19rusinfo.ru/proisshestviya/94034-v-khakasii-za-den-potusheno-shest-landshaftnykh-i-tekhnogennykh-pozharov>. Тергыме: 23 ага 2025. 
  24. ↑ В Бурятии в связи с лесными пожарами объявили режим ЧС, 2025-05-13, <https://tass.ru/proisshestviya/23923017>. Тергыме: 13 ага 2025. 

Кылвер-влак

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».
"https://mhr.ruwiki.ru/w/index.php?title=Российыште_чодыра_пожар-влак_(2025)&oldid=1231990" гыч налме