Республикысе татар тӱвыра рӱдер
| Республикысе татар тӱвыра рӱдер | |
|---|---|
 | |
 | |
| Организацийын типше | кугыжаныш тӧнеж[d] |
| Негызлыше | Марий Эл Республикын тӱвыра, печать да калык-влакын пашашт шотышто министерствыже |
| Вуйлатыше | |
| Директор | Ильгис Зайнулгарабович Гайсин |
| Ыштымаш | |
| Ыштыме кече | 3 пеледыш 1997 |
| Сайт | tatcentr12.ru |
 |
|
Респу́бликысе тата́р тӱвыра́ рӱдéр (руш. Республиканский центр татарской культуры) — Марий Эл Республикысе кугыжаныш тӱвыра тӧнеж. 1997 ий 3 июньышто почмо. Марий Эл Республикысе тӱвыра, печать да калык-влакын пашашт шотышто министерствын кид йымалныже улеш[1].
Паша
2012 ий гыч Республикысе татар тӱвыра рӱдер Кугыжаныш автоном тӱвыра тӧнеж статусан, тидлан кӧра тудын у цель ден задачыже-влак улыт. Тӧнежын тӱҥ цельже-влак кокла гыч тыгайым ойыраш лиеш[2]:
- татар калыкын тӱвыражым, фольклоржым, йӱлажым, койышыжым аралымаш да вияҥдымаш;
- республикысе тӱрлӧ калыкын диаспорыжо-влак коклаште, тыгак тӱп калык-влак — марий, руш, татар-влак — коклаште кылым пеҥгыдемдымаш;
- регионысо кугыжаныш да мер организаций, тӧнеж-влак дене, тыгак вес регионласе сымыктыш, шанче да тӱвыра аланысе еҥ-влак дене кылым кучымашым саемдымаш;
- тунемме рӱдер, мастаргудо да студий-влакым ыштыме дене усталык коллектив-влаклан полшымаш;
- регион деч ӧрдыжтӧ верланыше моло татар тӱвыра рӱдер-влак дене кылым саемдымаш.
Каныме да ласка жапым эртарымым организацийыш толмо годым специалист-влак тӱвыра-просветительский пашан кызытсе жаплан келшыше формо ден направленийжым кучылтыт. Эртарыме мероприятий-влак радамыш тыгай пайрем-влак пурат: «Сабантуй», «Нардуган», «Курбан-байрам», «Навруз байрам», «Маулид» да молат[2].
Республикысе татар тӱвыра рӱдер араб да татар йылме-влакым тунемме курс-шамычым эртара. Тыгак рӱдер пелен исламын йӱла поянлыкшым тунемме кружок пашам ышта.
Рӱдерын шке оралтыже (кок пачашан пӧрт) уло, тушто ончымо зал, специалист-влакын да кружок-влакын паша кабинетышт, спорт зал верланеныт[3]. 2025 ийысе данный почеш, рӱдерыште 23 кружок да спорт секций пашам ышта.
Рӱдерым пелен тыгай палыме коллектив-влак пашам ыштат: «Райхан» фольклор ансамбль, «Сандугач» («Шӱшпык») вокал студий, «Булгар» татар куштышо ансамбль[2].
Вуйлатыше-влак
- Усманов Халиль Азатович (1997—2003);
- Сафин Магьруф Каюмович (2003—2003);
- Газизьянова Сания Мансуровна (2004—2005);
- Казакбаев Гарифжан Алимович (2005—2007);
- Директорын пашажым шуктышо Мусина Равия Шамиловна (2007—2008);
- Магсумьянов Гарай Габдрахманович (2008—2010);
- Гайсин Ильгис Зайнулгарабович (2010 ий гыч)[4].
Палемдымаш
- ↑ ГАУК РМЭ РЦТК - Культурный отдых | Йошкар-Ола (руш.). gauk-rme-rtstk.orgs.biz. Тергыме кече: 24 кылме 2025.
- ↑ 1 2 3 Республиканский центр татарской культуры в Марий Эл (руш.). tatcentr12.ru. Тергыме кече: 24 кылме 2025.
- ↑ Организация: Республиканский центр татарской культуры (руш.). dobro.ru. Тергыме кече: 24 кылме 2025.
- ↑ ГАУК Республики Марий Эл "Республиканский Центр Татарской Культуры" (руш.). СТАР — Система Торговых Аналитических Решений. Тергыме кече: 24 кылме 2025.