Резерв копийын тӱнямбал кечыже
| Резерв копийын тӱнямбал кечыже | |
|---|---|
 Резерв копийын тӱнямбал кечыжын логотипше | |
| Ышталтын | 2011 |
| Ыштыше | Измаил Ядун |
| Кече | 31 март |
Резерв копийын тӱнямбал кечыже але Бэкап кече (англ. World Backup Day) — IT аланыште да ешартыш копийым ыштыме шотышто ий еда палемдыме паша пайрем, тӱня мучко 31 мартыште палемдалтеш[1][2][3]. Палемдыме кече шке нерген уверым, компьютер лӱдыкшыдымылыкым аралаш кӱлме нерген умылымашлан пӧлеклалтын.
Историй
Ешартыш копийым ыштыме кече тунам шочын, кунам «Reddit» форумын еҥже шке лаштыкыштыже жесткий дискым йомдарыме нерген уверым савыктен. Тудо тӱняште шке уверым аралаш кӱлмӧ нерген ушештарыше пайрем лийже ыле ман серен. Тыге, 2011 ийыште Измаил Ядун тиде шонымашым тичмаш пайрем марте вияҥден.
Пайремлан кечым шижде ойырен налме. 31 март — Воштылмо кечын ошсыгечыже. Икымше апрельысе мыскара пеш торжа лийын кертеш. Мутлан, шке уверым пӱтынек йомдарымаш.
Тылеч вара кажне ийын 31 мартыште шуко СМИ резерв копийым ышташ кӱлмӧ нерген статьям савыктат[4][5].
Тӱняште
Кажне ийын 31 мартыште ятыр компаний постым савыктат да уверым йомдарыме деч аралыше резерв копийын кӱлешлыкше нерген подкастым возат[6][7]. Пайремын официал сайтыштыже (WorldBackupDay.com) еҥ-влак 10 тӱрлӧ йылме дене уверын резерв копийжым ышташ сӧрен кертыт.
Резерв копированийын тӱнямбал кечыже ятыр сайтыште пайрем нерген калыкле календарь пайремлан шотлалтеш[8][9].
Российыште
Российыште резерв копий кече чыла вере шарлен огыл гынат, тиде кечын школлаште да моло тунемме верлаште чӱчкыдынак данный-влакым аралыме да интернетыште лӱдыкшыдымылыклан пӧлеклыме пашам шуктат. Мутлан, 2023 ийыште Коми Республикыште «Российын геройжо В. Н.Носов лӱмеш кадет СОШ-ын» 7-ше классыште тунемше-влак 15 йодышан «Резерв копийын тӱнямбал кечыжлан» пӧлеклалтше онлайн-викториныште вийым терген. Тунемше-влак «Компьютерын ышталтмыже», «Эҥгекым кондышо программе-влак», «Резерв копийын программыже», «Бэкапын правилже-влак» нерген йодыш-влаклан вашмутым пуэныт. Викторын лектышыжым шотлен пытарыме деч вара сеҥыше-влак диплом дене суапландаралтыныт.
Палемдымаш
- ↑ Coberly, Cohen (31 March 2021), World Backup Day is here – is your data secure?, <https://www.techspot.com/news/89134-world-backup-day-here-data-secure.html>.
- ↑ Rompf, Marco (31 March 2022), Backup? Aber sicher! Und der restore?, <https://cyber-security-cluster.eu/2022/03/31/backup-aber-sicher-und-der-restore/>.
- Betanews, <https://betanews.com/2022/03/31/world-backup-day-highlights-the-importance-of-keeping-your-data-safe/>.
- CBC, <https://www.cbc.ca/news/science/world-backup-day-1.3510588>.
- The New York Times, <https://www.nytimes.com/2017/03/31/technology/personaltech/data-backup-guide.html>.
- CBC, <https://www.cbc.ca/news/science/world-backup-day-1.3510588>.
- The New York Times, <https://www.nytimes.com/2017/03/31/technology/personaltech/data-backup-guide.html>.
- ↑ National Calendar: World Backup Day. nationaldaycalendar.com. Дата обращения: 2 идым 2022.
- ↑ National Today: World Backup Day. nationaltoday.com (31 ӱярня 2020). Дата обращения: 2 идым 2022.