Пионерийын кечыже
| Пионерий кече | |
|---|---|
 | |
| Тӱрлылык | Официал (1991 ий марте) |
| Официал | В. И. Ленин лӱмеш уло ушемысе пионер орагнизаций дене |
| Ышталтын | пионерий толкын лӱмеш |
| Палемдат | ончычсо СССР-ын эллаштыже |
| Кече | 19 ага |
| Пайремлымаш | класс шагат, спорт таҥасымаш, концерт, субботник, пайремле линейке ден смотр-влак |
| Кылдалтын | В. И. Ленин лӱмеш уло ушемысе пионер организаций дене |
Пионерий кече (кызытсе Российыште — Йоча мер ушемын кечыже[2]) — йоча ден чукарай-влакын, тыгак пионер ийготан йоча-влак дене пашам ыштыше вожатый ден туныктышо-шамычын пайремышт.
Пионерий кече 19 майыште — В. И. Ленин лӱмеш уло ушемысе пионер организацийын шочмо кечынже — палемдалтеш. Пайремын эртарыше-влак радамыш пионер ушем ден моло йоча тӱшка-влак ушнат, нуно пионерийын йӱлажым, паша ыштыме йӧным умбакыже шуят. Совет Ушемыште Пионерын кечыже школышто тунемше-влакын ик эн тӱҥ пайремышт лийын.
Историй
1922 ий 19 майыште 2-шо пӱтынь российысе комсомол конференций чыла вере пионер отрядым шочыктымо нерген пунчалым луктын. Тидын лӱмеш 19 май СССР-ыште Пионерийын шочмо кечыже семын палемдалтын.
Совет жапыште школлаште Пионерий кечын «Ленин урокым» эртареныт, звено, отряд да дружине-влак коклаште тунемме, кӱртньӧ пудыргым, макулатурым погымо шотышто таҥасымашым иктешленыт. Пионерий кечын пайремле сбор, слёт, концерт, конкурс-влак эртаралтыныт, ойыртемалтше пионер ден школьник-влакым суапландареныт, пионер парад ден митинг-влак лиеденыт.
Кастене йоча-влак школ пелен але посна илыме верлаште йӱлаш пурышо «пионер тулото» воктен тӱшкан чумыргеныт. Кызыт Российыште Пионерий кече лӱмеш каныме рӱдерлаште, клублаште пионерий теме дене дискотеке, акций, флешмоб-влак чӱчкыдын эртат.
В. И. Ленин лӱмеш пӱтынь ушемысе пионерий организацийым шалатен колтымекат, пионер йӱлам да нунын пашам ыштыме йӧныштым тачат саклыше йоча организаций ден толкын-влак пашам ыштат.
Пионер пайремын йӱлажым Российыште веле огыл, тыгак СССР-ыш пурышо моло элыштат шуктат.
Ий еда Йошкар площадьыште, В. И. Ленинын Мавзолейже воктен, пионерыш пуртымо йӱлам КПРФ шукта. Пайремле погынымашке 3000 утла йоча-влак чумыргат, (2012-шо лӱмгече ийыште 5000 утла йочам чумыреныт). Тыгодым Йошкар площадьым петырат, Российысе ятыр ола гыч толшо йоча-влакым партий вуйлатыше Г. А. Зюганов саламла, вара нунылан йошкар галстукым пидыт, пионер радамыш шогалше изи «ленинец-влаклан» концертым ончыктат.
Севастопольышто ий еда 19 майыште тунемме тӧнеж-влакын тунемшышт ола мучко таҥтошкалын эртат[3].
Палемдымаш
- ↑ «Эхо Москвы»: Российские коммунисты приняли в пионеры школьников сразу из нескольких регионов страны. Дата обращения: 15 ага 2011. Архивировано 25 ага 2021 ий.
- ↑ Школьники по всей России отметили День детских общественных объединений. Российское движение школьников (19 ага 2017).
- ↑ Парад детства вернулся в Севастополь в день 100-летия пионерии. Дата обращения: 19 ага 2022. Архивировано 19 ага 2022 ий.